SKEMA E ATP
Kompensimi, pronarët që marrin 100% para në dorë
Mbyllet kalvari i zvarritjeve për kompensimin e një pjese të pronarëve. Skema e re për të marrë paratë në dorë deri në 100 për qind të vlerës. Kushtet dhe pronarët që përfitojnë
Mund të jetë dëshirë e çdo ish-pronari toke të kompensohet 100% në lekë për parcelën e humbur me vlerën që ka sot në treg, por jo çdokush mundet.
Kjo për shkak se qeveria ka vendosur një masë dysheme kompensimi monetar në vlerën e 1.5 milionë lekëve të rinj. Edhe kjo, me kërkesën e Gjykatës europiane të Strasburgut, e cila i jep frymë të re procesit të kompensimit që duket se ka ngelur në vendnumëro. Ca prej pandemisë e ca prej procedurave të lodhshme e burokratike dhe së fundi edhe nga kushtet e vendosura nga gjykata evropiane, gjithnjë e më pak pronarë paraqiten pranë agjencisë së pronave për të aplikuar. Nga ky ndryshim i bërë së fundmi mbi kompensimin monetar të plotë në dorë përfitojnë mbi dhjetë mijë ish-pronarë. MËNYRAT E PËRFITIMIT
Sipas skemës së zyrtarizuar me kohë, pronarëve iu lind e drejta të kompensohen financiarisht për tokën që posedojnë de jure, por jo de facto. Por, edhe kjo me kushte. Jo më shumë se 20% të vlerës së faturës financiare, që kap një vlerë prej jo më tepër se 10 milionë lekësh të rinj. Pra, një pjesë e marrin "cash" dhe pjesën tjetër që iu takon e përfitojnë si fond toke diku ku ia përcakton ATP-ja. Një tjetër mënyrë është pagesa me këste apo pjesëmarrjen në ankand. Për të përshpejtuar procesin dhe pas rekomandimit të Gjykatës europiane të Strasburgut, Agjencia e Trajtimit të Pronave ka menduar të "heqë nga lista" e detyrimeve ish-pronarët që kanë shuma të vogla që arrijnë deri në 1.5 milionë lekë, duke ua dhënë "cash" në dorë. Në favor të këtij procesi që nuk i lë fare të pakënaqur
MIJE E 85 SUBJEKTE përfitojnë nga ndryshimi për kompensim me 100% të vlerës cash për vendime me vlerë financiare deri në 1 milion e 500 mijë lekë ish-pronarët është edhe ai i vitit të kaluar në Strasburg, sipas të cilit pronarët nuk mund të marrin më pak se 10% të vlerës që ka toka e tyre sot. Kjo nxit këtë kategori ish-pronarësh të aplikojnë për të përfituar, duke ndalur kështu sagën disavjeçare të kërkimit të së drejtës së humbur në vite. Ky vendim prek 10 mijë e 120 pronarë, të cilët përfitojnë shpërblim më të lartë, pas rekomandimit të Strasburgut. Më konkretisht, ata që kanë një pronë në vlerën e 5 milionë lekëve, kompensohen sot me jo më pak se 500 mijë lekë, vlerë të cilën mund ta marrin lehtësisht me një aplikim në Agjencinë e Trajtimit të Pronave, e cila ka vendosur ta zgjidhë "thesin" për këto shuma minimale monetare.