ZBRAZJA E SPITALEVE COVID RRIT URGJENCAT
Siç u paralajmërua të mërkurën, Shqipëria priti dje plot 340 mijë doza vaksinash “Coronavac”, më e madhja sasi e ardhur përnjëherësh në vendin tonë.
Me këtë sasi numri i vaksinave që prekën tokën shqiptare nga 11 janari shkon në mbi 1.5 milionë, 2/3 e të cilave tanimë janë administruar, ndërsa pjesa tjetër mbetet “stok”. Shumica e vaksinave që po kryhen janë doza të dyta. Përveç strukturave të lëvizshme, dy çadrat e mëdha në sheshin “Skënderbej” dhe qendrat shëndetësore në lagje janë thuajse bosh, sidomos në orët e mesditës. Qytetarët duket sikur e kanë harruar Covid-19 dhe i janë kthyer normalitetit. Me kërcënimin e mutacionit “Delta” në vendet e rajonit, ekspertët e shëndetit publik apelojnë çdo ditë respektimin e masave e mbi të gjitha, vaksinimin. Gjithashtu, nuk përjashtohet një shtrëngim masash me konfirmimin e variantit të ri.
SITUATA Prej ditësh vihet re një rritje e lehtë e rasteve me Covid-19. Një tregues ky jo domosdoshmërisht i
Prej më shumë se një viti thuajse ishin zbehur rastet e qytetarëve që me ankesën më të vogël paraqiteshin pranë dyerve të Urgjencës së QSUT-së për të kërkuar ndihmë. Tanimë situata paraqitet krejt ndryshe. Me zbrazjen e spitaleve të dedikuara për covid-19, ka dyndje në urgjencën polivalente në Qendrën Spitalore Universitare “Nënë Tereza”. Shefi i kësaj strukture, Eqerem Hasani, e lidh shtimin e rasteve jo vetëm me ditët e nxehta, por edhe me izolimin nga pandemia. “Shumë të sëmurë kronikë që hezituan shumë të vijnë, tani ndoshta edhe për shkak të të nxehtit ka bërë që situata të dalë jashtë kontrollit. Çdo ditë vijnë paraqiten rreth 200 raste, 30 prej të cilave vijnë nga rrethet me ambulanca”. pranisë së mutacionit “Delta”, kundrejt gjithë sinjaleve dhe rrezikut me depërtimin e tij në vendet e rajonit. Ditën e djeshme u regjistruan 13 raste të reja, përkundër tetë të tillave të së mërkurës. Ndërsa lajmi i mirë është që e vetmja strukturë spitalore për trajtimin e pacientëve me Covid-19 numëron jo më shumë se gjashtë pacientë. Për fat të mirë, as viktima nuk ka pasur, duke regjistruar kështu të nëntëmbëdhjetën ditë pa asnjë fatalitet. “Në 24 orët e fundit janë kryer 4051 testime, nga të cilat kanë rezultuar pozitivë me Covid-19 13 qytetarë në këto bashki: 5 raste në Tiranë, 3 në Durrës, nga 1 rast në Shkodër, Fier, Lezhë, Vlorë, Kamzë. Aktualisht janë 112 pacientë aktivë me COVID-19 në të gjithë vendin. Në Spitalin Infektiv po marrin trajtim spitalor të specializuar 6 pacientë. Në 24 orët e fundit nuk ka asnjë humbje jete me Sars-Cov2 pozitiv”, citohet në buletinin ditor të raportimit nga ana e Ministrisë së Shëndetësisë. Në rang vendi numërohen 112 pacientë aktivë të identifikuar përmes testeve, që në ditët e fundit bëhen mbi katër mijë të tillë. Sa i takon shpërndarjes gjeografike, kryeqyteti kryeson listën me 48 të infektuar, ndjekur nga Fieri e Vlora me 11, Elbasani me dhjetë raste dhe Korça me vetëm tetë të prekur me Covid-19.