PD: Shqipëria s’ka krizë energjie, por keqmenaxhim
Nënkryetarja e Komisionit të Ekonomisë: Shqiptarët furnizohen me energji importi që kushton 142 milionë euro më shumë
Ndryshe nga qeveria, Partia Demokratike është e bindur se Shqipëria nuk po përballet me një krizë energjetike, por me një keqmenaxhim të enteve përkatëse në Shqipëri.
kushton një MWh nëse energjia elektrike blihet në tregun vendas, konkretisht nga KESH-i. Sipas përllogaritjeve të bëra nga Partia Demokratike, nëse energjia do të blihej në tregun vendas në këto 4 muajt e mbetur për të përballuar nevojën, shpenzimet do të ishin 8 milionë euro
Nënkryetarja e Komisionit të Ekonomisë, Sorina Koti, doli dje në një deklaratë për mediat ku argumentoi se përse Shqipëria nuk po përballet me një krizë energjetike, por me një keqmenaxhim. “Ja si keqmenaxhohet energjia elektrike; ja si vidhen shqiptarët. KESH deri në shtator 2021 ka prodhuar 4.5 mld KWh. Nëpërmjet OSHEE qytetarët janë furnizuar me 3.2 mld KWh. Pjesa tjetër e prodhuar nga KESH, 1.3 mld kWh, është shitur (eksportuar). Ndërkohë konsumi familjar + biznes në Shqipëri deri në shtator 2021 ka qenë 4.6 mld KWh. Por qeveria nuk i ka furnizuar konsumatorët me prodhimin e brendshëm të KESH-it, por duke importuar energji. Çmimi i shitjes nga KESH tek OSHEE për konsumatorin është 12 €/ MWh, ndërsa çmimi i importit është 260 € / MWh. Ja pra, që gënjeshtrat e Kryeministrit dalin hapur. Me mirëmenaxhim dhe përgjegjshmëri ne i plotësojmë nevojat e konsumit të energjisë me prodhimin tonë të brendshëm nga KESH”, tha Sorina Koti.
ABUZIMI Në vijim, deputetja e PD-së u shpjegoi shqiptarëve se sa para do të ishin kursyer nga entet përkatëse të energjetikës nëse do të kishte një mirëmenaxhim të situatës. Sipas saj, nëse energjia elektrike për të furnizuar familjet dhe bizneset do të blihej nga tregu vendas (KESH), fatura totale për 4 muajt e mbetur të vitit do të ishte 8 milionë euro, ndërsa me energjinë e importit do të kushtojë 150 milionë. PD-ja është e bindur se këtu kemi të bëjmë me një keqmenaxhim dhe abuzim, ndaj PD po përgatit dosje për kallëzim penal në SPAK. “Me çmimin e KESH-it (për 4 muajt e ardhshëm shtatordhjetor), nga buxheti i shtetit do të shpenzoheshin 8 mln €; ndërsa me skemën e vjedhjes kushton një MWh nëse energjia blihet në bursë, në tregun ndërkombëtar. Po sipas përllogaritjeve të PD-së, për të mbuluar nevojën e qytetarëve shqiptarë dhe bizneseve deri në fund të këtij viti, fatura për të blerë energjinë e nevojshme do të shkojë 150 milionë euro (nëpërmjet energjisë së importuar) nga buxheti i shtetit do të harxhohen 150 mln €. Pikërisht, për këtë arsye, ne themi që është krizë e menaxhimit të fondeve, e burimeve natyrore, krizë nga korrupsioni dhe absolutisht jo krizë e energjisë elektrike. Për të gjitha këto shpërdorime me paratë e qytetarëve, Partia Demokratike do të dorëzojë kallëzime penale në SPAK. Këto abuzime me taksat e shqiptarëve duhet të marrin fund, bashkë me pandëshkueshmërinë që vijon të cenojë besimin tek institucionet dhe drejtësia!”, tha Koti. Në vijim, ajo tha se borxhi prej 200 milionë eurosh që paralajmëroi Rama se do të marrë për të mbuluar shpenzimet për blerjen e energjisë do ta rëndojë edhe më shumë situatën ekonomike të shqiptarëve. “Me pretekstin e krizës, ditën e djeshme Edi Rama shpalli planin e tij për të marrë 200 milionë euro borxh që OSHEE dhe KESH të vazhdojnë të bëjnë tenderë dhe të shpërdorojnë paratë e qytetarëve, siç kanë bërë vitet e fundit e veçanërisht në pranverë e në verë. Ky borxh i ri, i shoqëruar nga gropat që kjo qeveri ka hapur në financat publike, do të shoqërohet edhe me rritje të përgjithshme të çmimeve të produkteve. E për pasojë, papërgjegjshmërinë e pushtetit do ta paguajnë familjet shqiptare. Prandaj, fjalimi i djeshëm kishte për funksion që Edi Rama të hiqte përgjegjësitë nga vetja dhe kabineti i tij”, vijoi deputetja.