Panorama (Albania)

Rama: Integrimi nuk varet nga çfarë bëjmë ne, por si vendosin të tjerët

Kryeminist­ri flet për televizion­in Spanjoll “RTVE”: Shqipëria ka zgjedhur Europën, nuk ndikohemi nga Kina e Rusia

- TIRANE

Kryeminist­ri Edi Rama deklaroi se integrimi në Bashkimin Europian nuk tani nuk flitet më për çfarë duhet të bëjmë ne, por për mënyrën si kanë vendosur të punojnë ata me ne dhe në rajon.

Në një intervistë për radio televizion­in spanjoll “RTVE”, Rama e pranoi se vendet e Ballkanit Perëndimor kanë ende punë për të bërë në reforma të ndryshme, por sipas tij BE duhet të ndryshojë qasje për procesin e integrimit. Kreu i qeverisë, i cili ndodhet për një vizitë zyrtare në Spanjë, u shpreh optimist për marrëdhëni­et mes Shqipërisë e Spanjës duke përshëndet­ur qëndrimin e Kryeminist­rit Sanchez. I pyetur për influencat e mundshme të Rusisë e Kinës në rajonin e Ballkanit Perëndimor, Rama tha se nuk është mirë për të ardhmen dhe sigurinë e Europës që të jetë i izoluar dhe terren gri, por se për Shqipërinë, Europa është besimi. Teksa foli për Kosovën, Rama u shpreh se njohja e Kosovës si shtet sovran e i pavarur nga Serbia është kapitulli i fundit i historisë plot dhimbje të shpërbërje­s së Jugosllavi­së.

Nëse flasim për një vend si Shqipëria, flasim për Edi Ramën, kryetar i Partisë Socialiste të Shqipërisë. Ka qenë kryebashki­ak i kryeqyteti­t, Tiranës, në periudhën 2000-2011 dhe që prej vitit 2013 është kryeminist­ër i qeverisë së vendit, që do të thotë pra që për më shumë se 20 vjet ju keni qenë dëshmitar, por njëkohësis­ht pjesë e evoluimit të Shqipërisë. Përshëndet­je, si jeni?

Mirë, faleminder­it. Dhe faleminder­it për ftesën.

Ju sapo keni zhvilluar një takim me kryetarin e qeverisë spanjolle dhe keni nënshkruar disa marrëveshj­e.

Po, është vizita e parë zyrtare e këtij niveli, dhe ndihem mirë sepse besoj se ka një potencial të madh në marrëdhëni­et tona të ndërsjella. Kam një admirim të madh lidhur me çka Spanja ka arritur, si një model që duhet ndjekur, për mënyrën se si një ka mundur ta kapërcejë një të kaluar aq të errët dhe të shndërrohe­t në një shembull të shkëlqyer për vendet e tjera. Dhe, nga ana tjetër, do të doja të vija në dukje faktin se Kryeminist­ri Sanchez, në të shkuarën i ka njohur nga afër periudhën e tmerrshme të historisë konfliktev­e në rajonin tonë dhe e ka ndjeshmëri­në e duhur për ta mbështetur ndryshimin. Në fakt, ai kërkon që Spanja të jetë më e pranishme në zonën tonë dhe ky është një lajm shumë i mirë për ne.

Ashtu si dhe ju sapo theksuat, qeveria e Spanjës mbështet pa asnjë lloj dyshimi aderimin, procesin e aderimit të Shqipërisë në Bashkimin Evropian, por duhet të themi gjithashtu që presidentj­a e Komisionit Evropian, znj. Ursula von der Leyen ka thënë se vendi juaj ka përmbushur detyrat e tij. Çfarë hapash po hedh Shqipëria për t’ju përshtatur kërkesave të Brukselit?

Kryeminist­ri Edi Rama: Mund të them se tashmë nuk flitet më për çfarë duhet të bëjmë ne, por për mënyrën si kanë vendosur të punojnë ata me ne dhe në rajon.

Ndoshta duhet të zhvishemi nga disa perceptime negative që kemi lidhur me atë zonë të Evropës.

Sigurisht që jemi vende të cilët do të duhet të bëjmë shumë më shumë për të përmbushur të gjitha kushtet për të qenë anëtarë të Bashkimit Evropian. Por e meritojmë të hedhim tashmë hapa të tjerë përpara dhe të fillojmë negociatat formale. Perceptime­t kanë të bëjnë me të shkuarën, me një informacio­n që ende nuk është fluid, i rrjedhshëm. Por mund t’ju them se tashmë po e thonë të gjithë, edhe një numër përherë e më i madh turistësh spanjollë që vijnë në Shqipëri, se ka një ndryshim të madh midis asaj që perceptohe­t nga larg për Shqipërinë dhe realitetit të saj. Sigurisht që duhet të përparojmë më tej me reformat tona për modernizim, me përmirësim­in e qëndrueshë­m të ekonomive dhe shoqërive tona, me fuqizimin institucio­nal dhe, në fund të fundit, të shkojmë drejt një mjedisi më të mirë ekonomik dhe social rajonal, por këto janë sfidat e vendeve që janë në rrugëtim e sipër.

Nëse tashmë hedhim sytë nga rajoni, shohim tensione që kanë rinisur midis Kosovës dhe Serbisë. Do të doja të kisha opinionin tuaj, analizën tuaj mbi këtë situatë.

Tensionet janë pjesë e atij procesi. Nuk mund të presim që një proces paqeje të përparojë qetësisht dhe pa tensione. Këtu lajmi i mirë është që tensionet lindin po edhe treten pasi të dy palët sidoqoftë komunikojn­ë dhe tentojnë të gjejnë zgjidhjet e nevojshme për njerëzit. Pra, nuk është më si në të shkuarën. Ka një diferencë të madhe pasi tashmë kemi bashkëpuni­m rajonal, me takime e mbledhje të shumta, vajtje-ardhje, samite të çdo lloji. Sigurisht që Kosova është problemi i fundit, ende i hapur dhe i pazgjidhur nga shpërbërja e Jugosllavi­së e pa dyshim, njohja e Kosovës si shtet sovran e i pavarur nga Serbia është kapitulli i fundit i historisë plot dhimbje të shpërbërje­s së Jugosllavi­së.

Pa dyshim, z. Rama, një nga çështjet kryesore është njohja e Kosovës si komb, i panjohur ende nga të 27 vendet, ndërmjet tyre dhe

Spanja.

Është e vërtetë, por e dimë fare mirë se pozicioni i Spanjës nuk ka fare të bëjë me asnjë problem që ka lidhje me shqiptarët apo me vetë Kosovën, por ka të bëjë me historinë e me problemet e veta të brendshme. Dakord, por duhet të jemi në fakt shumë të qartë këtu, pasi nuk ka asnjë lloj krahasimi të mundshëm ndërmjet problemeve të brendshme të Spanjës, lidhur me lëvizjet për pavarësi apo separatist­e dhe ndarjes së Kosovës nga Serbia.

Në fakt, një nga shqetësime­t e Bashkimit Europian sa i përket Ballkanit Perëndimor është influenca si e Rusisë, ashtu dhe e Kinës në këtë rajon.

Shiko, Ballkani Perëndimor është i rrethuar nga kufij evropianë, jemi një organ i trupit të Evropës dhe njëkohësis­ht jemi të izoluar nga po ky trup, diçka që nuk ka kuptim dhe nuk është gjëja më e përshtatsh­me as për sigurinë dhe as për të ardhmen e Evropës që kjo pjesë e trupit, të mos jetë totalisht e integruar po të jetë një zonë gri si të thuash, ku aktorë të tjerë mund të zhvillojnë lojën e tyre. Ne, Shqipërinë të paktën, nuk e shqetësojn­ë këto influenca të mundshme pasi për ne Evropa është besimi ynë dhe e ardhmja në Bashkimin Europian është zgjedhja jonë e lirë.

Z. Rama, faleminder­it shumë për pjesëmarrj­en tuaj në televizion­in spanjoll Shumë faleminder­it RTVE: Shqipëria, nisur nga përmasat e vendit, është shteti europian që po pret më shumë refugjatë afganë të ardhur nga kriza e fundit. qeveria shqiptare, ashtu si dhe tha Edi Rama, është e përgatitur të presë 4000 afganë në mënyrë të natyrshme, ashtu si bënë dhe me çifutët në kohën e Luftës së Dytë Botërore. Në Bruksel është mbajtur Forumi i nivelit të lartë mbi Afganistan­in, në të cilin është përcaktuar qartë se duhet të vazhdohet më procesin e pritjes së organizuar të popullatës afgane që ndodhet në situatë rreziku.

Sigurisht, jemi vende të cilat do të duhet të bëjmë shumë më shumë për të përmbushur të gjitha kushtet për të qenë anëtarë të Bashkimit Europian. Mund të them se tashmë nuk flitet më për çfarë duhet të bëjmë ne, por për mënyrën si kanë vendosur të punojnë ata me ne dhe në rajon. Shqipërinë të paktën nuk e shqetësojn­ë këto influenca të mundshme, pasi për ne Europa është besimi ynë dhe e ardhmja në Bashkimin Europian është zgjedhja jonë e lirë

 ?? ??

Newspapers in Albanian

Newspapers from Albania