Nga debati për procedurë te kufizimi i kohës për opozitën, çfarë ndodhi në seancë
Bardhi: Ua ka kërkuar Edi Rama? Opozitës s’mund t’i mbyllet goja! Balla: Mos abuzoni duke iu referuar rregullores.
Partia Demokratike kundërshtoi ndarjen e kohës së diskutimeve në seancën e djeshme duke pretenduar se maxhoranca po tenton t’i mbyllë gojën. Nisja e seancës së djeshme parlamentare nisi me përplasjen për kohën që deputetët opozitarë kishin në dispozicion për të folur pasi ndarja e saj midis grupeve nuk ishte e barabartë. Sekretari i Përgjithshëm i PD-së, Gazment Bardhi, dhe kreu i grupit parlamentar Alfred Rushaj kërkuar respektimin e rregullore për ndarjen e kohës, duke pretenduar që opozita ka një minutazh shumë më të vogël se maxhoranca. Bardhi e akuzoi kryetaren e Kuvendit, Lindita Nikolla, se me urdhër të Ramës po i mohon opozitës të drejtën e fjalës duke tentuar t’i mbyllë gojën. Nga ana e saj, Nikolla iu përgjigj se ky ishte një vendim i Konferencës së Kryetarëve
dhe ishte marrë me dakordësi, ndërsa duhet të respektojë edhe masat për pandeminë. Nga ana e tij kreu i grupit të PS-së, Taulant Balla, kërkoi nga opozita të mos abuzojë duke iu referuar rregullores dhe respektimi i kushteve për shkak të pandemisë do të respektohen. Kryetarja e Kuvendit Lindita Nikola i dha fjalën deputetit të PS-së, Eduart Shalsi, për të vazhduar me diskutimet, deputetët e opozitën kërkuan fjalën për procedurë, ndërsa kryetarja insistoi me vazhdimin e diskutimeve. Deputeti i PD-së Luçiano Boçi kërkoi fjalën për procedurë, ndërsa iu drejtua kryeparlamentares se a sheh apo dëgjon që ai ishte duke kërkuar fjalën sipas rregullores. Pas vazhdimit të diskutimeve, deputetët e opozitës në shenjë kundërshtie, nisën t’i binin tavolinës.