ADMINISTRATORË
Seanca u mbajt me dyer të mbyllura, ndërkohë që e njëjta masë u dha edhe për 4 të arrestuar të tjerë, Blerim Bitri, Florian Marku e Florian Lila administratorë farmacie dhe Bashkim Osmani, administrator i një depoje farmaceutike. 57vjeçari Topçiu përfundoi në pranga pasi akuzohet se ka shitur mijëra ilaçe kontrabandë gjatë periudhës së pandemisë së koronavirusit. Pas më shumë se një viti hetime, grupi u zbulua e vetëm pak ditë më parë dhe Policia e Tiranës u vendosi prangat për shkeljet e bëra. Këta persona në bashkëpunim me njeri tjetrin dhe me 64-vjeçaren Margarita Xhaxhiu, e cila dyshohet se i sillte mallrat kontrabandë dhe Jani Papuli, i punësuari i saj, shisnin medikamentet që futeshin pa u regjistruar dhe e që kryesisht përdoreshin për trajtimin e Covid-19. Referimi është bërë nga Seksioni për Hetimin e Krimit Ekonomik në Prokurorinë e Tiranës subjektesh farmaceutike janë nën hetim për kontrabande ilaçesh gjatë kohës së pandemisë Covid-19. Katër prej tyre u arrestuan gjatë operacionit “Përfitimi” nga Policia e Tiranës për “Prodhim dhe tregtim të barnave dhe pajisjeve mjekësore të falsifikuara ose të rrezikshme për shëndetin” dhe më pas, hetuesit kanë bërë blerje të stimuluara me agjentë të infiltruar në disa raste. dyshohet se këto ilaçe nga 20 dollarë që u sollën në Shqipëri u shitën më pas deri ne 50 mije leke. Gjithsej janë 12 administratorë subjektesh farmaceutike nën hetim për kontrabande dhe hetimet vazhdojnë. OPERACIONI “PËRFITIMI” Ditën e premte, Policia e Tiranës finalizoi operacionin e koduar “Përfitimi”, pas një hetimi që zgjati 10 muaj. Operacioni u zhvillua nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë. Oficerët e Antikrimit Ekonomik në bashkëpunim me Prokurorinë pas një hetimi 10-mujor, zhvilluan dhe finalizuan operacionin policor të koduar “Përfitimi”, në kuadër të të cilët u bë arrestimi i shtetasve: Blerim Bitri, 40 vjeç, administrator i një farmacie; Florian Marku, 39 vjeç, administrator i një farmacie; Margarita Xhaxhiu, 64 vjeçe, e dyshuar si dërguesja e mallrave kontrabandë; Jani Papuli, 66 vjeç, i punësuar nga shtetasja Xhaxhiu; Florian Lila, 40 vjeç, administrator i një farmacie; Bashkim Osmani, 56 vjeç, administrator i një depoje farmaceutike. “Arrestimi i tyre u bë pasi gjatë periudhës së Covid-19, këta shtetas në bashkëpunim me njëri-tjetrin, shisnin medikamente të dyshuara kontrabandë. Sekuestrohen në cilësinë e provës materiale barna të ndryshme, një automjet dhe 6 aparate celular”, tha zyrtarisht Policia e Tiranës. Ndërkohë, për llogari të të njëjtit operacion, u arrestua edhe Sokol Topçiun, 57 vjeç, administrator i “Farmanet”. “Në vijim të operacionit policor të koduar ‘Përfitimi’, finalizuar me datë 08.10.2021, nga Policia e Tiranës, si rezultat i të cilit u vunë në pranga 6 shtetas, ka vijuar puna me hetime të thelluara, nën drejtimin e Prokurorisë së Rrethit Gjyqësor Tiranë, për identifikimin dhe kapjen e personave të tjerë të implikuar në këtë veprimtari kriminale. Në vijim të operacionit, nga Seksioni për Hetimin e Krimit Ekonomik dhe shërbimet e Komisariatit të Policisë Kufitare Rinas, u bë kapja dhe ndalimi i shtetasit S. T, 57 vjeç, administrator i një rrjeti farmaceutik. Ky shtetas, në bashkëpunim me shtetasit e tjerë të arrestuar, shisnin medikamente të dyshuara kontrabandë”, njoftonte Policia.