TË AKUZUARIT NË HAGË DO TË VOTOJNË
Kosova voton më 17 tetor në zgjedhjet lokale pas një fushate nga palët e ndryshme politike, të mbushur me premtime për investimet në infrastrukturë dhe në fushën e shëndetësisë.
Sipas Institutit për Hulumtime të Avancuara (GAP), premtimet për investime në infrastrukturë mund të jenë të realizueshme, por premtimet në fushën e shëndetësisë, e sidomos ato që kanë të bëjnë me çështjen e luftës kundër pandemisë së koronavirusit, nuk janë në kompetencat e pushtetit lokal. Kjo do të thotë që premtimet janë përtej mundësive të përmbushjes në realitet. Instituti GAP është duke
Ish-krerët e Ushtrisë Çlirimtare të Kosovës që po mbahen në paraburgim në Gjykatën Speciale në Hagë kanë aplikuar për të votuar në zgjedhjet lokale të 17 tetorit. Hashim Thaçi, Kadri Veseli, Jakup Krasniqi, Rexhep Selimi, Salih Mustafa, Nasim Haradainaj dhe Hyni Gucati, të cilët po mbahen në qendrën e paraburgimit të Gjykatës Speciale në Hagë, kanë aplikuar për të votuar në zgjedhjet lokale që do të mbahen këtë të diel. Lajmin e konfirmoi zëdhënësi i Komisionit Qendror të Zgjedhjeve në Kosovë, Valmir Elezi. mbikëqyrur fushatat zgjedhore dhe premtimet që japin kandidatët për kryetarë të të gjitha komunave në Kosovë. Sipas institutit GAP, garat më të mëdha po zhvillohen në komunat më të mëdha: Prishtinë, Prizren, Pejë, Gjakovë, Mitrovicë, Gjilan dhe Ferizaj, e të cilat njëkohësisht njihen si komuna që përfaqësojnë shtatë rajonet e Kosovës. Sipas Radios “Europa e lirë”, premtimet nga kandidatët për kryetarë të komunave më të mëdha kryesisht përqendrohen në investimet infrastrukturore, investime në shëndetësi, për përmirësimin e ambientit, për ekonominë dhe mbështetjen për bizneset e vogla dhe të mesme, mbështetjen e të rinjve, sportit dhe kulturës e të tjera. Ndërtimi i parqeve dhe hapësirave të gjelbra, ndriçimi i të gjitha rrugëve dhe hapësirave publike, zhvillimi i pikave të caktuara turistike nëpër komuna, zgjidhja e problemeve të ujit të pijshëm, impianteve për ujërat e zeza dhe kanalizimeve, zgjidhja e problemit me qentë endacakë, ndërtimi i zonave industriale dhe të tjera, janë premtime që janë bërë thuajse nga shumica e kandidatëve për kryetarë në të gjitha komunat e mëdha të Kosovës. Nga sa shfaqet në një përmbledhje në REL, premtimet e kandidatëve nuk dallojnë shumë nga komuna në komunë.
Prishtinë - Kandidatët në garën për ta drejtuar kryeqytetin janë fokusuar në premtime që përfshijnë ndërtimin e parqeve, parkingjeve, përmirësimin e infrastrukturës rrugore dhe funksionalizimin e spitalit të qytetit. Po ashtu, janë premtuar edhe një sërë investimesh në fushën e sportit.
Prizren - Furnizim të pandërprerë me ujë të pijshëm, rregullimi i shtratit të Lumëbardhit, investime në infrastrukturë rrugore dhe përmirësimi i shërbimeve shëndetësore.
Pejë - Në Pejë kandidatët, po ashtu, kanë premtuar investime në infrastrukturë, qendër të re shëndetësore, pastrimin e Lumëbardhit, skema për punësimin e të rinjve e subvencione për pagat e punëtorëve, të bizneseve të vogla e të mesme.
Gjakovë - Në Gjakovë u premtuan investime në infrastrukturë, vende të reja pune, përmirësim në shëndetësi e ekonomi, ndihmë për bujqit e qendra rinore dhe fuqizim të shkollave profesionale.
Mitrovicë e Jugut - Në Mitrovicën e Jugut fokusi është dhënë po ashtu në infrastrukturën rrugore qe lidh fshatrat e komunës, investime në shëndetësi dhe punësime, ndihmë për fermerët, përmirësim i transportit publik, rregullimi i lumenjve dhe mbështetje e të rinjve.
Gjilan - Në Gjilan në anën tjetër janë premtuar parkingje të reja, investime në infrastrukturë të qytetit, në shëndetësi, ekonomi, e arsim.
Ferizaj - Fokusi i premtimeve edhe në Ferizaj mbetet tek investimet në infrastrukturë e shëndetësi, përmirësimi i shërbimeve publike dhe ndërtimi i spitalit të ri dhe i një Qendre të re të Mjekësisë Familjare.