Kokainë nga Ekuadori, kompania e bananeve nën sekuestro
SPAK heton pronarin për “Trafik” dhe “Grup të strukturuar kriminal”
Pas sekuestrimit të sasisë së gjashtë të kokainës në kontejnerët me banane që vinin nga Ekuadori për llogari të kompanisë “Alba Exotic Fruit” me bazë në zonën e Kombinatit në Tiranë, Gjykata e Posaçme e Shkallës së Parë për Korrupsionin dhe Krimin e Organizuar ka vendosur sekuestro preventive për kompaninë. Ndërsa ende nuk është zbuluar se kush e organizoi trafikun e kokainës nga Ekuadori drejt Durrësit dhe se kush e priste atë, Prokuroria Speciale ka kërkuar vënien nën sekuestro të kompanisë. Me anë të një njoftimi, SPAK bën me dije se është duke kryer hetime në kuadër të veprave penale “Trafikimi i narkotikëve”, kryer në bashkëpunim të veçantë të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal” dhe se kompania në fjalë si person juridik është e dyshuar për këto vepra penale.
NGARKESAT Një sasi prej 10 kg kokainë u sekuestrua më 12 tetor, e gjashta sasi që sekuestrohet në kontejnerët që ankorohen në portin e Durrësit për llogari të kompanisë së bananeve me pronar Eduart Dautin, i cili është shpallur në kërkim nga Policia.
Ngarkesa e radhës u kap në kuadër të operacionit “Rada”, i cili ka nisur më 13 korrik të këtij viti kur u sekuestrua sasia prej 11 kg kokainë. Operacioni vazhdoi edhe më 23 korrik, kur u zbulua ngarkesa tjetër prej 6.5 kg, gjithashtu e fshehur brenda kontejnerëve. Më 29 korrik 2021 kompanisë iu gjetën edhe kokainë janë sekuestruar nga policia në kuadër të operacionit “Rada”, i nisur më 13 korrik. DEA amerikane sinjalizoi autoritetet shqiptare për sasinë e konsiderueshme të kokainës që ishte nisur nga Ekuadori 7.25 kg kokainë po në vijim të operacionit “Rada”. Kompania “Alba Exotic Fruit” rezulton e përmendur edhe më parë në”historinë” me trafik droge, kur në vitin 2019 në kontejnerët e kësaj kompanie në Pire të Greqisë u gjetën 137 kg kokainë që u zëvendësua me oriz me GPS nga autoritetet.