Dodik: Republika Srpska do të shkojë drejt daljes nga Bosnja SIPAS MARRËVESHJES
Millorad Dodik, anëtar i Presidencës trepalëshe të Bosnje-hercegovinës në një konferencë për media, më 23 dhjetor, në Sarajevën Lindore kërcënoi edhe njëherë me shpërbërjen e Bosnje-hercegovinës, në qoftë se kriza nuk zgjidhet. “Republika Srpska do të shkojë drejt daljes, askush nuk duhet të dyshojë në këtë”, tha ai. Dodik vlerësoi se situata në Bosnje-hercegovinë “ka shkuar deri në absurditet” dhe i bëri thirrje Bashkimit Europian “që të ndalojë së konsideruari Bosnje-hercegovinën si një eksperiment”. “Dy nga tre popujt konstituivë nuk e mbështesin rrugën kah po shkon Bosnje-hercegovina, në mënyrën sesi myslimanët e paramenduan Bosnje-hercegovinën, në të cilën kroatëve do t’ua zgjidhnin përfaqësuesit
Republika Srpska së bashku me Federatën Myslimane-kroate janë dy entitetet që përbëjnë Bosnje e Hercegovinën. Ky organizim është bërë me Marrëveshje të Dejtonit, e cila i ka dhënë fund luftës në Bosnje, në vitet 1990. Komuniteti Ndërkombëtar ka paralajmëruar vendosjen e sanksioneve kundër atyre që e cenojnë këtë marrëveshje paqeje.
‘e tyre’, ndërkaq serbëve do t’ua merrnin pyjet, do t’ua merrnin tokat dhe më pas do të kërkonin që ne t’i duartrokasim. Bosnje-hercegovina e tillë nuk është e mundur”, tha Dodik. Sipas tij, dy vendet më të rëndësishme për Bosnjën dhe Hercegovinën janë Serbia dhe
Kroacia dhe “marrëdhëniet e lidershipit mysliman nuk kanë qenë kurrë më të këqija me Kroacinë, ndërkaq që as me Serbinë nuk janë të shkëlqyera”. “Është e nevojshme që sa më shpejtë t’i normalizojmë marrëdhëniet me Serbinë, Hungarinë, Kroacinë, Kinën”, theksoi Dodik, sipas REL-IT. Anëtari
serb i Presidencës trepalëshe në Bosnje tha gjithashtu se brezi aktual “ka një shans për të ruajtur Bosnje-hercegovinën dhe se brezi i ardhshëm nuk e ka atë shans”. I pyetur nga gazetarët se pse boshnjakët po i quan myslimanë, ai tha se me këtë nuk po e ofendon askënd. “Ata nuk pushuan të na ofendojnë me ‘serbët e Bosnjës’. Besoj që të gjithë boshnjakët janë myslimanë, shumica dërmuese. Në kuptimin e identitetit nuk po gabohem shumë”, tha Dodik. Ndërkohë, ai njoftoi se përfaqësuesit e entitetit Republika Srpska do të kthehen në institucionet e Bosnjehercegovinës
nëse tërhiqet vendimi për ndalimin e mohimit të gjenocidit, i vendosur nga ishpërfaqësuesi i Lartë ndërkombëtar, Valentin Inzko. Dodik foli pas seancës së Presidencës së Bosnje-hercegovinës, në të cilën votoi kundër të gjitha pikave të rendit të ditës.