KUSH PASON
Kuvendi i Maqedonisë së Veriut ka miratuar të enjten dorëheqjen e Kryeministrit Zoran Zaev, një proces i pritur me duartrokitje nga VMRO DPMNE-JA opozitare.
Dorëheqja e kreut të qeverisë është miratuar pa debat në seancën e Kuvendit, pasi këtë e ka kërkuar Zaev në arsyetimin me shkrim të dorëheqjes, të cilën e ka paralajmëruar më 31 tetor, pas disfatës së thellë të LSDM-SË në zgjedhjet lokale. Por, dorëheqja e tij është vonuar për gati dy muaj, pasi LSDM-JA ka humbur edhe shumicën parlamentare, për shkak të largimit të Lëvizjes Besa nga qeveria. Për të shmangur zgjedhjet e parakohshme, Zaev ka ftuar në qeveri partinë tjetër shqiptare, Alternativa, me të cilën ka arritur marrëveshje për koalicion. Më 11 nëntor, ai i ka mbijetuar edhe mocionit të mosbesimit, që është iniciuar nga VMRO DPMNE-JA.
Zaev ka marrë përgjegjësinë për humbjen nga VMRO DPMNE-JA duke dhënë dorëheqjen edhe nga drejtimi i partisë. Pas miratimit të dorëheqjes, kryetari i Kuvendit, Talat Xhaferi, ka njoftuar presidentin, Stevo Pendarovski, i cili në afat prej dhjetë ditësh duhet të caktojë
Mandatin për formimin e qeverisë së re pritet ta marrë Dimitar Kovaçevski. Mandatin e jep Presidenti i Maqedonisë së Veriut, Stevo Pendarovski, brenda dhjetë ditësh pasi Kuvendi ta njoftojë kreun e shtetit se k a konstatuar dorëheqjen e qeverisë së Zoran Zaev. Mandatari, sipas Kushtetutës, brenda 20 ditësh, duhet të dorëzojë për miratim në Kuvend përbërjen e re qeveritare, e cila votohet me 61 vota të deputetëve. Shumica parlamentare numëron 64 deputetë. Përveç Alternativës, pjesë e qeverisë është edhe Bashkimi Demokratik për Integrim, Partia Demokratike Shqiptare dhe disa parti më të vogla maqedonase, që janë pjesë e koalicionit me LSDM-NË.
mandatarin e ri për kryeministër të Maqedonisë së Veriut, që do të jetë, Dimitar
SHBA dhe Rusia pajtohen të bisedojnë për çështjet e sigurisë
Me tensionet e rritura mes fuqive të mëdha për shkak të krizës së krijuar nga afrimi i ushtrisë ruse në kufirin me Ukrainën, Rusia dhe SHBA-TË kanë rënë dakord të takohen për të diskutuar mbi shqetësimet e sigurisë për të dyja palët. Shtetet e Bashkuara kanë tentuar të ndalin Rusinë nga pushtimi i Ukrainës, duke paralajmëruar se një veprim i tillë do të rezultonte me sanksione të Perëndimit, rritje të ndihmës së NATO-S për Kievin dhe pozicionimin e më shumë forcave afër Moskës. “Nëse Rusia shkon tutje, ne dhe aleatët tanë jemi të përgatitur për masa që do ta dëmtonin Rusinë në aspektin ekonomik dhe do ta përballnin me pikërisht atë që nuk do: më shumë kapacitete të NATO-S, më afër Rusisë”, është shprehur një zyrtar i lartë i administratës amerikane më 23 dhjetor. Rusia ka mbledhur rreth 100,000 trupa ushtarake afër kufirit me Ukrainën, dhe këtë situatë Shtetet e Bashkuara e kanë parë si pushtim potencial të Ukrainës. Kremlini, në anën tjetër, e hedh poshtë këtë pretendim. Një zyrtar i lartë i administratës amerikane ka thënë se SHBA-JA është e gatshme që të angazhohet me Rusinë në fillim të janarit, sa u përket garancive për siguri. Megjithatë, sipas mediave amerikane, ky zyrtar e ka përsëritur se disa prej kërkesave të Rusisë janë të papranueshme, se secili dialog duhet të bazohet në reciprocitet dhe se Perëndimi do të prezantojë shqetësimet e veta për veprimet e Rusisë. Gjatë ditës së enjte, presidenti rus, Vladimir Putin tha se takimi do të zhvillohet në Gjenevë muajin e ardhshëm.