Tirana në festë, godet ‘demat’ në frymën e fundit
Dy humbje radhazi në derbi, Partizanit s’i mjafton penalltia
Tirana feston në derbi dhe “arratiset” në fundvit, duke u bërë një dhuratë fantastike tifozëve në prag të Krishtlindjeve.
Mbrëmja e djeshme në “Air Albania” pati nga të gjitha, pasi përveç triumfit 1-2 të bardhebluve dhe golit të Redon Xhixhës që vulosi ndeshjen në minutën e 100të, nuk munguan as ndërprerjet e shumta të lojës, penallti që goditet dy herë, incidente mes tifozëve, por edhe koha shtesë për rekord në fund. Partizani-tirana nuk e mbushi dot stadiumin më të mirë në vend, por gjithsesi ata 11 mijë të pranishëm përjetuan emocione të mëdha deri në sekondat e fundit të lojës, që nisi shumë e zjarrtë dhe gradualisht shkoi në nivelin e pritshëm të derbeve, ku më shumë se bukuria në fushë, ngjyrat janë më tepër në sektorët ultras. Të kuqtë humbën derbin e dytë radhazi, diçka jo e zakontë për ta në dekadën e fundit, ndërsa bardheblutë e drejtuar nga Orges Shehi, me një pragmatizëm për t’u pasur zili, e goditën Partizanin pikërisht atëherë kur të besuarit e Ilir Dajës kërkonin përmbysjen.
PJESA E PARË
Daja kishte ndryshuar skemën, duke e nisur derbin me 3-5-2, ndërsa riktheheshin në formacion titullarët që kishin probleme si Belica e Zhunior. Nga ana tjetër, Shehi i besonte variantit 4-3-3, ku sulmi prezantohej me treshen Xhixha-seferi-ngo. Starti është i çmendur, pasi nuk kalojnë as 8 sekonda dhe një gafë e Hoxhallarit për pak kthehet në gol nga Cara. Kaq duhej që edhe tifozët në tribuna të nisnin ta tepronin me flakadanë. Loja zhvillohet për minuta të tëra kryesisht në mesfushë, ndërsa nga krahët spikasin duelet Toshevski-musta dhe Albion Marku-përgjoni. Tirana është më e rrezikshme nga goditjet e dënimit, por gjithashtu shfrytëzon shpejtësinë e Xhixhës dhe Seferit. Goli i avantazhit vjen pas një krosimi nga këndi, ku devijimi i Ngosë me kokë dhe më pas i Përgjonit, e çon topin në rrjetë. “Demat” sikur fiken dhe e kanë shumë të vështirë për të qenë të rrezikshëm në portën e Bekajt. Madje Tirana i afrohet golit
të dytë me Xhixhën, që humbet një mundësi të artë i vetëm me Teqen. Pjesa e parë mbyllet me tentativën e Esat Malës, që nga një pozicion i mirë shënimi nuk përfiton.
PJESA E DYTË
Pas pushimit, asnjë prej
trajnerëve nuk mendoi të bënte ndryshime. Bardheblutë janë më të qetë në fushë dhe kërkojnë të përfitojnë me daljet e shpejta nga krahët. Toshevski dhe Përgjoni e ndihmojnë shumë skuadrën, duke ua bërë edhe më të lehtë lojtarëve ofensivë si Xhixha 0