Arrestimet, Dhoma e Përmbaruesve liston shkeljet: Krijuan ‘baraka financiare’

“Kemidenoncuardisaherëshkelje,shtetis’morimasandajkompanive”

Dhoma Kombëtare e Përmbaruesve Gjyqësorë Privatë ka reaguar dje pas arrestimit të dy përmbaruesve, përkatësisht Endri Konomi dhe Klodian Soto, të cilët akuzohen nga Prokuroria se kanë blerë databazën e të dhënave të pagave të mbi 600 mijë shqiptarëve. Në reagim thuhet se të arrestuarit janë mashtrues dhe jo përmbarues. “Informojmë dhe sqarojmë mediat bashkë me opinionin publik se dy personat që blenë dhe përdorën të dhënat e shqiptarëve, përkatësisht Endri Ikonomi dhe Klodian Sota, nuk janë përmbarues dhe nuk kanë qenë kurrë të tillë. Kryeprokurorja e Tiranës sot u shpreh se “këta dy persona punojnë në fushën e përmbarimit”, por në fakt të dy punojnë në fushën e MASHTRIMIT: I pari ka krijuar “PRO 3VT” sh.p.k. – Institucion financiar mikrokredie; I dyti “SMART COLLECTION” sh.p.k.–kompani “Mbledhje detyrimesh/kredish të këqija për bankat e nivelit të dytë dhe të tretë...”. Të dyja kompanitë në mashtrim të ligjit dhe qytetarëve, pa asnjë lloj licence për këto aktivitete, janë regjistruar nga Qendra Kombëtare e Biznesit dhe lejuar nga Banka e Shqipërisë. Akuzojmë publikisht titullarët e këtyre dy institucioneve për lejimin e tyre, ashtu si të dhjetëra të tjerave që ne i kemi denoncuar disa herë si “Baraka Financiare”, të cilat mbledhin borxhe nëpërmjet mashtrimit dhe shantazhit”, thuhet në reagim. Më tej thuhet se denoncuar vazhdimisht për fenomenin e bërjes së “përmbarimit” me telefonata dhe shkresa mashtruese, që s’kanë asnjë lidhje me shërbimin përmbarimor shtetëror apo privat, por vetëm me këta blerës të paskrupullt të borxheve të qytetarëve dhe databazave shtetërore.