Stuart Peach: “Open Balkan” nuk e pengon Procesin e Berlinit
I dërguari i posaçëm i Britanisë mbështet “Ballkanin e Hapur”: Këto iniciativa janë përfshirëse, duhet t’i përgëzojmë e mbështesim
I dërguari i Posaçëm i Mbretërisë së Bashkuar për Ballkanin Perëndimor, sir Stuart Peach, ka deklaruar se e përkrah nismën “Open Balkan”, edhe pse këtë të fundit e kanë kundërshtuar 3 nga 6 vendet e Ballkanit.
Gjatë fjalës së tij në ceremoninë e mbajtur për 100vjetorin e marrëdhënieve diplomatike të Shqipërisë me Britaninë e Madhe, i Dërguari i Posaçëm tha se Mbretëria e Bashkuar e mbështet nismën për aq kohë sa nuk krijon konkurrencë në rajon. Madje, ai i sheh këto dy nisma si komplementare të njëra-tjetrës. Në bashkëbisedimin me studentë dhe diplomatë të rinj, organizuar nga Ministria për Europën dhe Punët e Jashtme, ai u përgjigj disa pyetjeve, ku një ndër pyetjet që iu bë ishte ajo për “Open Balkan” dhe deklaratat e Ramës se kjo nismë nuk pengon Procesin e Berlinit. “Ne vazhdojmë të jemi vend mik dhe i besueshëm i Shqipërisë. Dëshiroj që ta shikoj Ballkanin Perëndimor të qëndrueshëm jo vetëm për Ballkanin Perëndimor, por madje dhe për Evropën dhe të gjithë angazhohemi që t’ju ndihmojmë ju në udhëtimin tuaj euroatlantik. Ne respektojmë qeverinë e Shqipërisë dhe sovranitetin. Këto janë iniciativa që do të jenë komplementare ndaj njëratjetrës dhe nuk duhen parë në garë mes atyre që kanë ekzistuar dhe këtyre të rejave. Këto iniciativa janë përfshirëse për rajonin. Duhet t’i përgëzojmë dhe t’i mbështesim me qëllim që i gjithë rajoni të punojë së bashku për çështje që janë të reja dhe madje të vjetra që të mundohen të gjejnë zgjidhje. Ne me gjithë mend e mbështesim për aq kohë sa ato nuk krijon ndonjë konkurrencë”. I pyetur, Peach vlerëson rolin e Shqipërisë si forcë stabilizuese në rajon. “E vlerësoj rolin e Shqipërisë si forcë stabilizuese në rajon dhe si një ish-kryetar i NATO-S e kuptoj profesionalizmin, dedikimin e Forcave tuaja të