“Harrohet” urdhri, në universitet edhe pa vaksinë
Auditorët hapin dyert edhe për të pavaksinuarit. Neglizhohet urdhri i Ministrisë së Shëndetësisë për parandalimin e COVID-19
Kjo fillimjavë shënoi edhe ditën e parë të rikthimit të shumicës së studentëve në auditorët e fakulteteve, të cilët shtynë datën e paracaktuar.
Por ndryshe nga institucionet e tjera publike ku kërkohet vaksina si kusht për të ofruar a marrë një shërbim, në universitete, urdhri i Ministrisë së Shëndetësisë është shpërfillur. Vetëm me një maskë që e mbanin në hyrje të fakultetit për shkak të kontrolleve nga punonjësi i sigurisë, studentë e pedagogë janë futur ashtu si më përpara. Janë vetë të rinjtë e Fakultetit të Historisë dhe Filologjisë që e pohojnë këtë. “Në xhep e kam kartonin e vaksinës, me të dyja dozat, por askush nuk na e kërkoi. Me ç’mësuam, njëjtë ka ndodhur edhe me bashkëmoshatarët tanë në degë të tjera”, thotë një studente e Historisë, ndërsa një tjetër thotë se në hyrje i është kërkuar edhe karta. Mendim 80
të kundërt ka një student i Gazetarisë, i cili shkon përtej urdhrit duke dhënë mendimin e tij. “Mund ta kem shkarkuar dokumentin nga ‘ealbania’, por nuk kërkohet. Vetëm në hyrje vendosja e maskës e më tej, qëndrimi vijon sikur të mos ketë pandemi. As pedagogët nuk insistojnë në këtë pjesë pasi është çështje administrimi nga fakulteti. Pedagogu nuk mund të bëjë dot rolin e policit”, nënvizon i riu që pavarësisht injektimit të dozave ANTI-COVID, nuk i është dashur të paraqesë kurrfarë dokumenti, pasi nuk i është kërkuar. E gjitha kjo ndodh në kushtet kur vendi ynë po kalon valën e radhës të COVID-19, kur shifrat e infektimeve janë në pikun e tyre.
URDHRI
Rektori i Universitetit më të madh në vend është mjaftuar me nisjen e urdhrit të Ministrisë së Shëndetësisë nëpër fakultete ku në dijeni dekanët për dokumentin në fuqi, por pa dhënë asnjë detaj apo indikacion më shumë mbi respektimin e tij. Kjo ka bërë që pedagogët, si punonjës të futen në mësim pa asnjë pengesë. Rregulli i ri i Ministrisë së Shëndetësisë për vaksinimin e administratës publike por edhe të qendrave tregtare dhe supermarketeve