Ambasadorismith:dondalojmë persona të korruptuar apo para të krimit që qëndrojnë në Angli
Diplomatët japin mesazhe të qarta për luftën kundër korrupsionit Konferenca antikorrupsion, ambasadori gjerman: Reforma në Drejtësi është e rëndësishme, por duhet të alternohet me masa të tjera
Ambasadori britanik në Tiranë, Alastair King-smith, ka paralajmëruar se në muajt e ardhshëm ne do të dëgjojmë të flitet për ata që mbajnë në Angli paratë e krimit apo të korrupsionit. Gjatë fjalës së tij në konferencën e parë kombëtare për antikorrupsionin, ambasadori King-smith theksoi vendi i tij do të përforcojë angazhimin në luftën ndaj korrupsionit dhe krimit, ndërsa shtoi se Mbretëria e Bashkuar do të jetë një partner i fortë për Shqipërinë në luftën kundër korrupsionit dhe se nga të gjitha palët, nevojitet veprim, transparencë dhe impakt. “Një nga gjërat më të trishta për mua që kur kam ardhur si ambasador, është të dëgjoj nga të rinjtë se ata mendojnë se nuk kanë të ardhme në këtë vend. Pasi çështje si korrupsioni nuk i lejojnë të përmbushin plotësisht potencialin e tyre këtu. Për ta ndryshuar këtë situatë, dua t’i nxit të gjithë të kenë më shumë guxim dhe vendosmëri, veçanërisht rreth çështjeve të mosndëshkimit dhe llogaridhënies. Angazhimi im ndaj jush është se ne do të përforcojmë veprimet e Mbretërisë së Bashkuar për të parandaluar që persona të përfshirë në korrupsion ose krim të shkojnë në Britani ose të mbajnë paratë e tyre atje. Dhe do të dëgjoni më shumë nga ne për këtë gjatë muajit të ardhshëm dhe më tej. Tani duhet të punojmë së bashku, në partneritet me autoritetet shqiptare dhe ndërkombëtare. Kjo duhet të jetë një pjesë thelbësore e përpjekjeve tona të përbashkëta”, tha ambasadori. Diplomati britanik sugjeroi pesë kritere për t’i bërë të efektshme përpjekjet në luftën kundër korrupsionit: Vendosja e ligjit dhe drejtësia; institucionet e pavarura; media; dixhitalizimi; ndryshimi i mentalitetit.
Ambasadori i Gjermanisë në Tiranë, Peter Zingraf, bëri
të ditur se Reforma në Drejtësi është një mjet i rëndësishëm në luftën kundër korrupsionit. Në fjalën e tij gjatë konferencës së antikorrupsionit, Zingraf shtoi se ajo duhet të kombinohet edhe me masa të tjera, një prej të cilave është edhe zbatimi i teknologjisë dhe dixhitalizimi i shërbimeve. “Është një mbledhje e ekspertizës së rëndësishme dhe korrupsioni ka qenë fjala kryesore e kësaj konference. Dhe ne kemi parë çfarë përpjekjesh
ka bërë Shqipëria në këtë fushë. Reforma në Drejtësi është e rëndësishme. Kjo reformë ka pasur një ndikim në të gjitha fushat e jetës dhe sigurisht edhe mbi ekonominë. Është një mjet për luftimin e korrupsionit, por duhet të alternohet dhe me masat të tjera. Përhapja rrënjësore e teknologjisë dixhitale është një prej ndryshimeve më të mëdha që ne po përballemi, unë besoj se e ardhmja e demokracisë do të jetë e formësuar
nga teknologjitë dixhitale. Por nuk duhet të jemi kaq naivë që dixhitalizimi bën korrupsionin, apo evente të tjera të ngjashme. Unë them se këto fenomene janë dinamike dhe lëvizin, prandaj mendoj se duhet të mbajmë ritmin. Dixhitalizimi mund të jetë shtysë për të rritur transparencën dhe për të luftuar korrupsionin. Dixhitalizimi duhet të jetë prioritet në vitet në vijim si në Shqipëri, ashtu edhe në Gjermani”, tha Zingraf.