“Duam vetëm respekt për identitetin tonë”, Kovaçevski: BE të përmbushë premtimet!
I qartë ishte mesazhi i 3 liderëve të Ballkanit Perëndimor: Kryeministrit Edi Rama, Presidentit serb, Aleksandër Vuçiç, dhe Kryeministrit maqedonas, Dimitar Kovacevski, pas zhgënjimit nga Bashkimi Evropian, i cili edhe këtë herë nuk i çeli negociatat me Shqipërinë dhe Maqedoninë e Veriut. Të tre dolën në një konferencë të përbashkët për mediat për të shprehur zhgënjimin dhe mospajtimin pas vetos bullgare, por edhe për të shpalosur unitetin si “Ballkan i Hapur”. Në samitin e Be-së, Kryeministri i Maqedonisë së Veriut, Dimitar Kovaçevski, tha në një konferencë për mediat se është koha që BE të përmbushë premtimet e veta, sesa
të kërkojë gjëra të tjera gjëra. “Bullgaria ka vendosur të kthehet në të shkuarën dhe të rivendosë një bllokadë. Maqedonia e Veriut ka bërë shumë deri tani, kemi marrë vendime të vështira. Është koha që BE të përmbushe premtimet e veta, sesa të kërkojë të tjera gjëra. Ne kemi shpallur qëndrimin tonë, se propozimi i
Macron duhet të pranojë këto elemente kyçe. Kushtet historike nuk mund të jenë pjesë në kuadrin negociues. Duhet garantohet nga BE që Bullgaria nuk do të bëjë kërkesa të reja. Serbia, Maqedonia dhe Shqipëria do të zbatojnë 4 liritë përmes Ballkanit të Hapur. Çdo nismë nuk duhet të jetë zëvendësuese e anëtarësimit të plotë në BE. Të 27 vendet të cilat kanë hyrë në BE. Asgjë më shumë, asgjë më pak, duam vetëm respekt për identitetin kulturor historik të qytetarëve të mi dhe ta anëtarësohen në BE”, tha Kovaçevski. Samiti u karakterizua nga tensione, ndërkohë që nuk munguan edhe përplasjet verbale, siç ishte ajo e MV dhe Bullgarisë.