Vodhi 150 mijë euro në Francë, dënohet me 7 vite burg
Kush është i riu me katër gjeneralitete, u kërkua nga Europol
Gjykata e Posaçme e Apelit për Korrupsionin dhe Krimin e Organizuar ka lënë në fuqi vendimin mbi dënimin e Bardh alias Farbardh Hoti, i akuzuar për vjedhjen e një shume të mëdha parash në Francës. Hoti ka vjedhur plot 150 mijë euro, 70 prej të cilave cash, ndërsa pjesa tjetër sende me vlerë. Hoti, i cili mban katër gjeneralitete, u dënua me 7 vite e 4 muaj burg nga Gjykata e Shkallës së Parë, dënim që është lënë në fuqi edhe nga Apeli. Treshja e gjyqtarëve, Miliana Muça, Engert Pëllumbi dhe Igerta Hysi, ka vendosur të lërë në fuqi vendimin e dhënë më 11 shkurt të këtij viti nga Gjykata e Shkallës së Parë, duke e shpallur Hotin fajtor për veprat penale, “Vjedhja”, “Përvetësimi i parave ose mallrave që rrjedhin nga vepra penale ose veprimtaria kriminale”, vepra të kryera në bashndaj
këpunim në formën e grupit të strukturuar kriminal. OPERACIONI Operacion i koduar “AKUILA 2019”, që çoi në pranga midis të tjerash edhe Hotin, u zhvillua më 14 maj të vitit 2019 në bashkëpunim edhe me policinë franceze dhe Europol. Operacioni u kryer në të njëjtën kohë në Francë dhe në Shqipëri, goditi një grup të strukturuar kriminal në fushën e vjedhjeve të banesave dhe lokaleve, ku përfunduan në pranga të gjithë anëtarët e këtij grupi prej 8 personash, pesë prej të cilëve u arrestuan në Francë ndërsa tre të tjerë në Shqipëri. “Janë kryer dhjetëra kontrolle banesash, ku morën pjesë rreth 40 xhandarë dhe policë francezë. 3 persona të tjerë u arrestuan në Shqipëri, ku morën pjesë rreth 50 punonjës të Policisë së Shtetit dhe Task-forca ‘Anti-skifter’. Personi i tetë është arrestuar dy ditë më vonë në Francë. Kontrollet e kryera bënë të mundur gjetjen dhe sekuestrimin në veçanti në Shqipëri, të disa objekteve të vjedhura në Lorraine, Francë, në fund të vitit 2018, duke përfshirë bizhuteri të identifikuara me ndihmën e hetuesve francezë”, sqaronte Policia. Si rezultat i marrjes nën hetim të një familjeje me origjinë kosovare, e cila shërbente si pikë mbështetëse për keqbërësit, u bë i mundur identifikimi, goditja dhe shkatërrimi tërësisht i këtij rrjeti të organizuar kriminal.