Begaj në Bruksel: Kosova sa më parë anëtare e NATO- s
“Baza e NATO- s në Porto Romano, me rëndësi në rajonin Adriatiko- Jonian”
Presidenti i Shqipërisë, Bajram Begaj, ka zhvilluar dje në Bruksel një takim me shefin e NATO- s Jens Stoltenberg. Në bisedën mes tyre janë cekur zhvillimet strategjike dhe të sigurisë në krahun lindor të NATO- s dhe Ballkanin Perëndimor. Po ashtu temë e diskutimeve ishte edhe vijimi i mbështetjes për Ukrainën; angazhimi dhe kontributi i Shqipërisë në NATO, si edhe pritshmëritë për Samitin e ardhshëm të NATO- s, që do të mbahet në Vilnius, Lituani, në korrik të këtij viti. Nga Selia e NATO- s në Bruksel, pas takimit Presidenti i Shqipërisë, Bajram Begaj dhe sekretari i Përgjithshëm i Aleancës Jens Stoltenberg dolën në një konferencë për mediat. Kreu i shtetit shqiptar kërkoi anëtarësim të Kosovës në NATO. “Vlerësoj maksimalisht angazhimin dhe përkushtimin e NATO- s në rajon dhe misionin KFOR, si një histori suksesi. KFOR është garantues i paqes dhe i sigurisë në Kosovë dhe rajon. Ne jemi duke kaluar kohë të sfidave të mëdha, të cilat kërkojnë vendime të guximshme dhe të drejta. Në këtë kontekst është në bindjen time se është më se e jus
tifikueshme për ta konsideruar anëtarësimin e Republikës së Kosovës në Aleancën EuroAtlantike”, u shpreh Begaj. Gjithashtu presidenti vlerësoi dhe ndërtimin e dy bazave të NATO- s në territorin shqiptar. “Shqipëria ka rritur buxhetin e mbrojtjes në 1.86% të produktit të brendshëm bruto. Parashikojmë që vitin e ardhshëm të arrijmë nivelin 2%. Ndërkohë, Shqipëria do të vijojë modernizimin e Forcave të Armatosura dhe pajisjen me kapacitete të reja luftimi, mbështetjes me luftim dhe kapacitete logjistike. Diskutova me Sekretarin e Përgjithshëm, lidhur me ecurinë e punimeve në Bazën Ajrore Taktike të Kuçovës, të cilat po ecin sipas programit të miratuar. Qeveria shqiptare ka shprehur ambicien, ka paraqitur projektin
dhe mirëpret një prezencë detare të NATO- s në portin e ri në Porto Romano. Ky port baze detare siguron prezencë detare për Aleancën në rajonin Adriatiko- Jonian, gjithashtu edhe akses në akset kryesore të korridorit tetë. Kjo ndihmon në rritjen e shpejtësisë dhe lëvizshmërisë së Aleancës në krahun lindor dhe Ballkanin Perëndimor”, u shpreh presidenti Begaj. Nga ana e tij, sekretari i përgjithshëm i NATO- s, Stoltenberg ka vlerësuar rolin e Shqipërisë në aleancë në të gjitha sfidat. “NATO ka qenë prezente në Kosovë prej shumë vitesh. Aleatët janë të angazhuar që të vazhdojnë të kontribuojnë vijimësinë e pranisë në Kosovë. Ne punojmë gjithashtu me Bashkimin Evropian në Kosovë. Ne vlerësojmë gjithashtu edhe diskutimet e zhvilluara gjitha me ndërmjetësimin e BE- së mes Serbisë dhe Kosovës. Ne mendojmë se kjo është rruga e vetme për stabilitetin në Kosovë. Kemi një mundësi historike që mund të jetë më shumë rëndësishme për të gjithë rajonin. Palët të tregojnë fleksibilitet dhe gatishmëri për të gjetur një zgjidhje përfundimtare. Pra, NATO është e pranishme në Kosovë dhe ne e marrim shumë seriozisht situatën aty”, tha Stoltenberg. Begaj dhe sekretari i Përgjithshëm i NATO- s Jens Stoltenberg kanë apeluar Serbinë dhe Kosovën që të jenë fleksibël dhe të bëjnë përpjekje maksimale për marrëveshje në dialogun mes tyre. Në këtë vizitë zyrtare, presidenti Begaj u shoqërua nga Shefi i Shtabit të Përgjithshëm të Forcave të Armatosura të Republikës së Shqipërisë, Gjeneral Brigade Arben Kingji dhe anëtarë të kabinetit të tij. Kjo është vizita e parë zyrtare në NATO e presidentit Begaj në cilësinë e Presidentit të Republikës. Mbështetja e Ukrainës ndaj agresionit rus ishte një tjetër temë e bisedimeve Sttoltenberg- Begaj, ku u garantua se kjo mbështetje do të vazhdojë për aq kohë sat ë vijojë konflikti atje në një kohë që Putin ka ndërmarrë sulme të reja.