Eksperti i sigurisë, Softa: Tregon besueshmëri të ulët të qytetarëve tek institucionet
“Shqiptarët mendojnë se të huajt janë më të besueshëm. Prania e DEA- s ngre një lloj optimizmi në opinionin publik, megjithëse tepër skeptik”
Eksperti i sigurisë, Fatjon Softa, e ka konsideruar një zhvillim pozitiv angazhimin e DEA- s amerikane në Shqipëri për goditjen e kultivimit dhe trafikimit të lëndëve narkotike.
Në një intervistë për “Panorama TV”, Softa tregoi dy mënyrat se si qytetarët mund të bashkëpunojnë me DEAn amerikane për të ndarë informacione mbi lëndët narkotike.
Së pari, vijon Softa, është kontakti përmes një numri “Whatsapp- i” që është e lidhur me serverët në SHBA, ndërsa mënyra e dytë është përmes email- it zyrtar.
Sipas ekspertit të sigurisë, angazhimi i DEA- s amerikane mund të tregojë dhe një ulje të besimit të qytetarëve tek institucionet shqiptare.
“Prezenca e tyre për t’u hapur një zyrë tregon rëndësinë e veçantë që SHBA i jep Shqipërisë për monitorimin e kultivimit dhe trafikimit të drogës. Është linja e ‘ Whatsapp’- it ku është një numër amerikan, ku serverët janë në SHBA. Ka dhe një linjë email- i për të komunikuar me qytetarët shqiptarë. Shqiptarët do t’i përgjigjen patjetër. Mazhoranca, qytetarët janë për një ndalim të këtij fenomeni që kanë dëmtuar familjen shqiptare. Pjesa e shëndoshë e qytetarëve ka qenë bashkëpunuese me policinë e shtetit. Por besimi i qytetarëve tek policia e shtetit është lëkundur së fundmi, për shkak dhe të inkriminimit të këtij sektori. Një pjesë e policëve janë të përfshirë në rrjete kriminale”.
Por, a mund të jetë marrë kjo masë si shkak e uljes së besueshmërisë tek institucionet shqiptare. Eksperti i sigurisë mendon se po. Madje sipas tij, interpretimi vjen për shkak të analizës. Operacionet që janë ndërprerë hedhin hije dyshimi, kjo pasi ato duhet të ndiqen deri në fund për të zbuluar se kush janë prioritetet e trafikantëve të lëndëve narkotike.
“Kështu duhet ta lexojmë. Interpretimi vjen për shkak të analizës. Kemi pasur raste që informacionet për aktivitetet kriminale kanë ardhur nga partnerët tanë ndërkombëtar. Rastet e sasive të mëdha të drogës që vinin në Portin e Durrësit, të ardhur nga Ekuadori. Ka ndodhur që këto operacione, edhe pse kanë qenë të kontrolluara, këta operacione janë ndërprerë. Nuk ka pasur që këto operacione të vazhdojnë. Operacionet që janë ndërprerë, hedhin hije dyshimi. Pasi ato duhet të ndiqen deri në fund për të zbuluar se kush janë pritësit e drogës. Do presim rezultate, kam besim. Shqiptarët janë bashkëpunues, duan sigurinë e tyre dhe të familjes”.
Shqiptarët mendojnë se të huajt janë më të besueshëm. Prania e DEA- s ngre një lloj optimizmi në opinionin publik, megjithëse tepër skeptik. Eksperti i sigurisë mendon se partnerët tanë strategjikë janë më të besueshëm. Në intervistë është prekur edhe qarkullimi i policëve nga postet drejtuese. Sipas ekspertit të sigurisë, këto lëvizje bëhen për të rritur transparencën dhe analizën e aftësive.
“Institucioni më i lartë që mund të besojnë janë partnerët tanë strategjik, SHBA. Ata janë në frontin e parë të luftës kundër drogës, terrorizmit dhe të tjera. Shqiptarët nuk e kryejnë aktivitetin vetëm në territorin shqiptar. Operacionet e bëra nga Guardia di Finanza, kanë rezultuar se pjesëtarë të grupeve kriminale kanë marrë pjesë në këto grupe. Qarkullimi bën mirë. I bën mirë institucionit ku drejtojnë. Lëvizja duhet të ketë kritere dhe transparencë. Përsa kohë nuk ka transparencë, atëherë na bën të dyshojmë. Lëvizja duhet të bëhet bazuar në një analizë mbi aftësitë”, vuri në dukje Fatjon Softa.
Për sa i përket fatit të “Mbretit” të bixhozit, Ervis Martinaj, eksperti i sigurisë, është shprehur se përderisa Ervis Martinaj presupozohet i gjallë, atëherë policia mund të bjerë në gjurmët e tij përmes komunikimit. Kjo pasi ai nuk mund të rrijë pa komunikuar me askënd. Softa tha se nëse bisedat e tij janë të kontrolluara nga autoritetet, atëherë edhe gjetja e tij është çështje kohe. Softa shtoi gjithashtu se situate kriminale në vend është shumë e rëndë dhe sipas tij ndihet nga çdokush.
Prezenca e tyre për t’u hapur një zyrë tregon rëndësinë e veçantë që SHBA i jep Shqipërisë për monitorimin e kultivimit dhe trafikimit të drogës. Është linja e ‘ Whatsapp’- it ku është një numër amerikan, ku serverët janë në SHBA. Ka dhe një linjë email- i për të komunikuar me qytetarët shqiptarë. Shqiptarët do t’i përgjigjen patjetër. Mazhoranca, qytetarët janë për një ndalim të këtij fenomeni që kanë dëmtuar familjen shqiptare. Pjesa e shëndoshë e qytetarëve ka qenë bashkëpunuese me policinë e shtetit