Meta me Kim: Buxheti i shtetit po përdoret për shitblerje vote

“Situata e rëndë! Qeveria ka ‘ rrëmbyer’ defakto Parlamentin” Kreu i PL- së zbardh takimin me ambasadoren: I vura në dukje korrupsionin galopant dhe përdorimin skandaloz të administratës

Kreu i Partisë së Lirisë denoncoi dje tek ambasadorja amerikane Yuri Kim uzurpimin e institucionit të Parlamentit nga qeveria dhe Kryeministri Edi Rama.

Meta priti dje në zyrën e PLsë ambasadoren në SHBA- së në Tiranë me të cilën zhvilloi një bisedë për 40 minuta rreth situatës së politike, por fokusi ishte te procesi zgjedhor i 14 majit. Gjatë takimit, Meta nënvizoi situatën shumë të rëndë të krijuar në Parlamentin e Shqipërisë, për shkak të bllokimit antikushtetues dhe të paligjshëm nga ana e qeverisë. “Bllokimi i komisioneve hetimore, interpelancave dhe një serie projektligjesh të propozuara nga Partia e Lirisë, por edhe nga partitë e tjera të opozitës, do të thotë rrëmbimi defakto i Parlamentit nga qeveria, duke synuar asgjësimin e kontrollit mbi qeverisjen si dhe bllokim i adresimit në Kuvend të shqetësimeve shumë të mëdha të qytetarëve në lidhje me qeverisjen, e veçanërisht më korrupsionin”, ka deklaruar kreu i PL- së. Gjithashtu, ai theksoi shqetësimet e shumta, të ngritura edhe nga organizata jofitimprurëse, mbi përdorimin skandaloz të administratës shtetërore, financimeve të buxhetit të shtetit, por dhe veprimtari të tjera klienteliste, në funksion të manipulimit dhe shitblerjes së votës, që lidhet drejtpërdrejtë me zgjedhjet e 14 majit. “Korrupsioni galopant dhe endemik vetëm se po thellohet dhe nuk ka asnjë përmirësim apo ndryshim të situatës, se ka një rëndim të mëtejshëm të gjendjes lidhur me pastrimin e parave, narkotrafiqeve dhe veprimtarisë kriminale në vend, gjë e cila ka sjellë një rëndim të situatës së rendit publik dhe të qetësisë së qytetarëve”, tha Meta gjatë takimit, duke përshëndetur angazhimin e DEA- s në Shqipëri, lidhur me veprimtarinë e narkotrafikut dhe problemet kritike që lidhen me të. Ai konfirmoi vullnetin e palëkundur të Partisë së Lirisë për të kontribuar për zgjedhje të lira, të ndershme dhe brenda standardeve evropiane, që sipas tij “do t’i jepnin fund monizmit

në pushtetin lokal”, si dhe këmbënguljen e Partisë së Lirisë për denoncimin në të gjitha nivelet, të korrupsionit qeveritar dhe lokal. Gjatë ditës së djeshme ambasadorja e SHBA- ve nisi një tur takimesh, fillimisht me sekretarin e përgjithshëm të PSsë, Damian Gjiknuri e më pas

me kryetarin e grupit parlamentar demokrat, Enkelejd Alibeaj. Gjatë këtyre takimeve temë kryesore e bisedave me përfaqësuesit e partive ishin përgatitjet për zgjedhjet e 14 majit. Fillimisht shkoi në selinë rozë ku u takua me sekretarin e Përgjithshëm të Partisë Socialiste Damian Gjiknuri, i cili tha se në fokus të diskutimit ishin zgjedhjet e ardhshme vendore të 14

Majit, situata aktuale politike në vend si dhe rekomandimet e ODIHR- it pas procesit të fundit elektoral. Pas takimit me Gjiknurin, diplomatja amerikane zhvilloi një takim edhe me kryetarin e komanduar të Partisë Demokratike, Enkelejd Alibeaj në kryesinë e Kuvendit. 49 parti politike kanë dorëzuar në KQZ kërkesën për garuar në zgjedhjet lokale të

14 majit 2023. Komisioni qendror i zgjedhjeve miratoi dje kërkesa për 42 parti dhe sot për 7 parti, përfshi 2 kampet e PD. Pra, nesër do të vendoset fati i Partisë Demokratike, nëse do të regjistrohet apo dhe cili prej kampeve do të regjistrohet. Kujtojmë se dy Partitë Demokratike, ajo e Enkelejd Alibeajt dhe Rithemelimi i Sali Berishës kanë bërë kërkesë

në KQZ për regjistrimin në zgjedhjet lokale të 14 majit, kjo pasi të dyja palët pretendojnë se mbajnë vulën e partisë. Pas këtij regjistrimi paraprak, në 15 mars aplikohet për koalicionet dhe në 27 mars depozitohet lista e kandidatëve për kryetar bashkie dhe lista shumemërore e kandidatëve për këshillat bashkiak sipas përkatësisë së koalicionit apo partisë.