Gjiknuri takon Kim: E sigurova për një proces zgjedhor sipas standardeve
Sekretari i Përgjithshëm i Partisë Socialiste, Damian Gjiknuri, ka ndarë detaje nga vizita e kësaj të mërkure e ambsadores amerikane, Yuri Kim në selinë rozë. Në një postim në rrjete sociale, numri dy i socialistëve bën me dije se zgjedhjet e 14 Majit, situata aktuale politike në vend dhe rekomandimet e ODIHR- it pas procesit të fundit elektoral ishin në qendër të diskutimit. “Pata kënaqësinë të mikpritja në selinë e Partisë Socialiste ambasadoren e Shteteve të Bashkuara të Amerikës në Tiranë zonjën Yuri Kim. Zgjedhjet e ardhshme vendore të 14 Majit, situata aktuale politike në vend dhe rekomandimet e ODIHR- it pas procesit të fundit elektoral ishin në qendër të diskutimit”, shkruan Gjiknuri. Sekretari i Përgjithshëm i Partisë Socialiste deklaron se ka garantuar ambasadoren amerikane për vendosmërinë e kësaj force poli
tike në mbarëvajtjen e zgjedhjeve vendore në përputhshmëri me rekomandimet e BE. “E garantova ambasadoren për vendosmërinë e Partisë Socialiste për të kontribuar aktivisht për një proces zgjedhor në përputhje me standardet më të mira ndërkombëtare. Si gjithnjë, Shtetet e Bashkuara të Amerikës mbeten në krah të Shqipërisë në përpjekjen për të garantuar zgjedhje të lira e të ndershme”, theksoi sekretari i Përgjithshëm i
Partisë Socialiste. Në kuadër të zgjedhjeve vendore që do të mbahen më 14 maj, ambasadorja amerikane në Tiranë, Yuri Kim zhvilloi gjatë ditës së djeshme takime me drejtues të Partisë Socialiste, Partisë Demokratike dhe Partisë së Lirisë. Fillimisht shkoi në selinë rozë ku u takua me sekretarin e Përgjithshëm të Partisë Socialiste Damian Gjiknuri. Pas takimit me Gjiknurin, diplomatja amerikane zhvilloi një takim edhe me kryetarin e komanduar të Partisë Demokratike, Enkelejd Alibeaj në kryesinë e Kuvendit. Kurse ambasadorja e SHBA- së u shpreh se i garantuan që do të verifikojnë figurën e kandidatëve që do të garojnë për kryetarë Bashkie që të jenë të pastër dhe të përmbushin kërkesat e ligjit si dhe i kujtoi vëzhgimet dhe rekomandimet e mëparshme të ODIHR- it.