Tabaku: Kandidatët demokratë duhet të garojnë nën një sigël
“Këtu nuk bëhet fjalë se kush do drejtojë fushatën elektorale” “Kërkohet vendim politik, palët duhet të gjejnë gjuhën e përbashkët, Igli Cara nuk duhet të dalë me një sigël tjetër”
Deputetja e Partisë Demokratike, Jorida Tabaku, është shprehur se Partia Demokratike duhet të dalë e bashkuar në zgjedhjet e 14 majit.
Komentet Tabaku i bëri teksa ishte e ftuar në studion e “News24”, ku tha se situatës në PD nuk i jep zgjidhje vetëm një vendim Gjykate. Ajo shtoi se palët duhet të gjejnë gjuhën e përbashkët, pasi sipas saj, nuk është e drejtë që një kandidat si Igli Cara, të cilin ajo e vlerësoi mjaft pozitivisht, të dalë në zgjedhje me një sigël tjetër.
“Që nga shtatori kam thënë që PD duhet të jetë bashkë. 3 marsi ka qenë ditë rutinë, pasi nuk i jep zgjidhje një vendim Gjykate situatës. Është e pandershme për këto 32 vite. Kam përgjegjësi të madhe politike. Çfarë i duhet një votuesi se çfarë ndodh në politikën e Tiranës? U duhet një kandidat. Ka gjëra më të rëndësishme se pushteti personal. A kemi në një ofertë para Partisë Socialiste? Nuk mendoj se ka kandidatë më të mirë në Durrës se Igli Cara. Nuk është e drejtë që Igli Cara të dalë me një sigël tjetër. Është deputet i kësaj partisë dhe i takon të përfaqësohet nga PD. Kjo kërkon zgjedhje politike dhe vendim politik. Këtu nuk bëhet fjalë se kush do drejtojë fushatën elektorale. Sfidat që ka Shqipëria është liria e mediave. Kemi dhe raportin e BIRN për gjobat që marrin mediat dhe pagën minimale. Pakoja e madhe e Vitit të Ri nuk do të zbatohet pasi financat nuk janë në gjendje të mirë”, tha Tabaku.
EKONOMIA
Gjatë intervistës, Znj. Tabaku preku edhe situatën ekonomike dhe përfaqësimin e grave në Parlament. Ajo theksoi se gratë ndodhen në kushte të pabarabarta me burrat, e ndikuar kjo edhe nga kriza ekonomike, e cila i ekspozon gratë kundrejt dhunës dhe pabarazive. “Unë sapo po vij nga një takim me disa zonja të Partisë Demokratike, të cilat edhe në këtë periudhë të vështirë të PD- së, kanë mbajtur shumë mbi shpinë, ashtu si të gjitha gratë shqiptare. Ato
kanë duruar shpesh edhe dhunën e fjalës, për të cilën ne në Parlament jemi mësuar, por zonjat e terrenit nuk janë mësuar shpesh. Me të vërtetë që gratë dhe zonjat janë konsideruar si pak më të dobëta, si me zë të ëmbla dhe ndoshta pak më të qeta, por kanë mbajtur padrejtësisht një barrë, e
cila ka qenë e pandershme të një sulmi politik. Unë kam respektin maksimal për to, pasi kanë sakrifikuar shumë gjera për të qenë me mua. Unë jam në Parlament falë tyre. Momenti që po kalojmë, situata ekonomike, postcovidi dhe elementë të tjerë e kanë vendosur gruan në qendër, por jo për lajme të mira. Kujtojmë vrasjen e tri grave, që tregojnë që nuk ia kemi dalë për të ndryshuar situatën”.
“Situata ekonomikë, rritja e kostove të jetesës dhe e çmimeve ka vendosur mbi gratë një përgjegjësi të jashtëzakonshme. Një arsye për dhunën ndaj grave është edhe arsyeja ekonomike. Ajo ndikon në pavarësi dhe përfaqësim, por edhe në rritjen e dhunës në familje. Do të doja që gratë e politikës të bëheshin bashkë. Sot, garda ka penguar disa gra në Parlament dhe ne duhet të bëhemi bashkë për më shumë strehim dhe liri dhe kjo është e kotë për të folur për barazi gjinore. Pra, duhet të bëjmë diferencën. Rritja e çmimeve që ka përjetuar Shqipëria lidhet me strukturën ekonomike. Por edhe me politikën e taksava që me kokëfortësi qeveria e ka vazhduar. Ne kemi dy borde dhe shpresoj që Gjykata Kushtetuese të shfuqizoj atë të
karburanteve, këto kanë ndikuar në rritjen e çmimeve. Rritja me 30 për qind e produkteve bazike është një barrë e rëndë. Dëgjojmë edhe rritjen e taksave për profesionistët e lirë. Qeveria i ka rritur punëdhënësit të drejtën për të rritur pagën por kjo ndodh kur i rrit tregu jo me anë të vendimit të qeverisë. Pra, e rrit tregu”, theksoi deputetja demokrate, Jorida Tabaku.