Zyra e DEA- s në Tiranë, PD: Qeveria nuk gëzon besimin e ndërkombëtarëve
Për deputetin e PD- së, Dashnor Sula, hapja e zyrës së DEA- s ( Agjencisë së SHBA) në Shqipëri tregon mosbesimin e ndërkombëtarëve te qeveria jonë. Por sipas tij, lajmi i mirë është se hapja e kësaj zyre tregon vëmendjen e lartë të SHBA- së në Shqipëri. “Lajmi i mirë dhe lajmi i keq që vjen nga SHBA- ja. Të hënën, Ambasada e Shteteve të Bashkuara të Amerikës në Shqipëri shpërndau një njoftim në të cilin bëri me dije se Agjencia Amerikane Kundër Narkotikëve ka hapur një linjë komunikimi me qytetarët shqiptarë. Postimi i bërë në ‘ Facebook’ i drejtohej qytetarëve shqiptarë që përmes numrit të vendosur në dispozicion të sinjalizonin DEA- n për rastet e trafikut të Kokainës, Heroinës e drogave të tjera. Gjithashtu kërkohej ndihma e qytetarëve shqiptarë që të sinjalizoj ë rastet kur në Shqipëri përmes kamuflimit të aktiviteteve të ‘ ligjshme’ pastrohen paratë e pista. Pikërisht kjo linjë e drejtpërdrejtë e qytetarëve shqiptarë me DEA- n është lajm i mirë, sepse tregon që SHBA- ja ka vërtet vëmendje te ne dhe ka interes që të jemi një vend që funksionon në shinat e ligjshmërisë. Ana tjetër e medaljes, ajo e
keqa është fakti se institucionet ligjzbatuese shqiptare nuk janë më të besueshme për partnerët tanë strategjik. Qeveria shqiptare nuk gëzon besimin e ndërkombëtarëve. Ose, qytetarët shqiptarë kanë humbur besimin tek institucionet: Qeveria, Policia, Prokuroria, Gjykata. Nuk denoncojnë rastet e bandave kriminale ndaj DEA kërkon të lidhë kontakt direkt me qytetarët shqiptarë duke i garantuar atyre edhe anonimatin. Të gjitha këto dyshime bëhen edhe më të forta kur ftesa për bashkëpunim me qytetarët vjen pas skandalit ‘ Mcgonigal’ dhe pas rasteve të përsëritura të kokainës së kapur në Shqipëri. Të qeverisësh për 11 vite rresht dhe institucionet shqiptare të përfundojnë në këtë situatë, kjo është jashtë çdo koncepti normal. Përgjegjësia është vetëm e qeverisë”, theksoi z. Sula. Deputeti demokrat përmendi se është për të ardhur keq është fakti se si politika minoi besimin e qytetarëve te drejtësia e reformuar. “Për të ardhur keq është fakti se si politika minoi besimin e qytetarëve te drejtësia e reformuar. Akuzat e përditshme politike ndaj drejtësisë, bërja e listës së ‘ arrestime’ nga kongresi i PS- së, nuk mund ta mohojmë që ja kanë arritur qëllimit që të zbehin besimin te drejtësia. Edhe këtë herë politika sfidoi partnerët ndërkombëtarë që kanë marrë para nga taksapaguesit amerikanë dhe europianë për të reformuar drejtësinë shqiptarë. Unë bëj pjesë te ai grup njerëzish që duhet të mbështesim më shumë institucionet ligjzbatuese. Duhet të mbështesim hetimet, gjykimet dhe t’i inkurajojmë që të bëjnë punë profesionale dhe të pavarur! Shqiptarët duhet të bashkëpunojnë patjetër me DEA për të goditur grupet kriminale të drogës. Por shqiptarët duhet të kenë besim edhe te drejtësia këtu”, deklaroi deputeti i PDsë. Agjencia e SHBAsëkundër Narkotikëve njoftoi para tri ditëve krijimin e një linje të re sinjalizimi për Shqipërinë, sa i takon informacioneve për rastet e trafikut të drogës apo pastrimit të parave. Ambasada në njoftim kërkon nga qytetarët që çdo informacion që kanë për trafiqe droge, persona të përfshirë në krime, apo dhe për pastrim parash të kontaktojnë direkt me DEA- n. Pra, kërkohet që informacioni të merret direkt nga qytetarët dhe jo nga autoritetet.