Ditari i Enverit: Hito Çako po na fut “Kalin e Trojës” në ushtri
“Gjeneralët i çuam në akademitë e Moskës të na sillnin artin stalinian, por na sollën artin hitlerian të Hrushovit
“Në ushtri po na shfaqet një punë e dyfishtë armiqësore. Nga një anë Beqir Balluku në rrugën tradhtare përpiqet të shkallmojë mbrojtjen, nga ana tjetër Hito Çakoja ushqen Partinë në ushtri me vijën e revizionistëve sovjetikë”.
Vetëm pak javë para plenumit të famshëm që kryqëzoi gjeneralët si tradhtarë e puçist, Enver Hoxha e vinte theksin në ditarin e tij, në këtë qasje që penalizonte krerët e shtatmadhorisë për një sabotim të hapur të vijës politike të Partisë në Forcat e Armatosura. Pasi ka zbërthyer më parë profilin e plotë të “tradhtisë” së Ballukut, në shënimet e datave 4 dhe 7 shtator ‘ 74, stërhollon gjerë e gjatë “paudhësitë e rrezikshme” të gjeneralit tjetër, Hito Çako, asokohe drejtor i drejtorisë politike të ushtrisë. As më shumë dhe as më pak atë e akuzon për futjen në ushtri të botimeve sovjetike. “Përveç materialit për ‘ Punën politiko- ideologjike e psikologjike’, kopjuar nga një libër sovjetik, shkruan Hoxha, ka sjellë edhe një material tjetër revizionist i destinuar për edukimin e Komsomolit dhe ka dhënë urdhër për ta shpërndarë në ushtri”. Përtej këtij konstatimi, Komandanti i Përgjithshëm përpiqet të shtjellojë shkallën e rrezikshmërisë të kësaj veprimtarie për ushtrinë dhe mbrojtjen. Dhe për t’i shkuar më tej çështjes, i jep detyrë bashkëpunëtorit të tij të afërt, Ramiz Alia, që mbulonte sektorin ideologjik dhe propagandën në KQ, të shkojë e inspektojë nga afër në Ministrinë e Mbrojtjes dhe në strukturat e tjera të saj se deri ku kishte shkuar “zullumi” i drejtorit politik me literaturën sovjetike që kishte mbushur ushtrinë. Ajo që sjell pastaj shefi i edukimit të KQ nuk është gjë tjetër, vetëm një konfirmim i gjetjeve të Komandantit suprem, i cili tashmë bëhet edhe më kritik e agresiv jo vetëm ndaj Hito Çakosm por ndaj gjithë korpusit të drejtuesve të ushtrisë që kanë qenë “syleshë” dhe nuk e kanë parë “kalin e Trojës” që ka futur brenda në ushtri drejtori politik i saj...
E mërkurë 4 shtator 1974
Mbrëmë mora vesh se Hito Çako, drejtori politik i ushtrisë, paska marrë një material politiko- ideologjik të ushtrisë revizioniste sovjetike, e ka përkthyer, ua ka shpërndarë me kapituj komisarëve të korpuseve dhe u ka kërkuar që këtij materiali t’i bënin disa ndryshime të vogla për ta adaptuar në punën e Partisë sonë në ushtri.. Kjo është një punë e dyfishtë armiqësore. Nga një anë Beqir Balluku dhe të tjerë, në rrugën tradhtare revizioniste, përpiqeshin të shkallmonin mbrojtjen tonë, nga ana tjetër Hito Çakoja ushqente dhe edukonte Partinë në ushtri me vijën e revizionistëve sovjetikë. Këta konspiratorë antiparti fusnin fshehurazi dhe haptazi në Parti në ushtri helmin revizionist sovjetik të lyer me sheqer, që ju të ushtrisë ta gëlltisni më lehtë. Dhe kjo cipë sheqeri ishin betë e rrufetë për Partinë, për popullin dhe citatet e mia. Hito Çakoja po fuste haptazi në ushtri tekstet e revizionistëve sovjetikë, të botuara në vitin 1972 dhe, duke i shoqëruar me letrën në fjalë, u thosh: “Merreni këto helme dhe i sheqerosni”. Dhe ju i sheqeronit me citatet e mia dhe të shokëve të tjerë, pa u bërë as përshtypjen më të vogël. Ju bëheshit bashkëpunëtorë të disa konspiratorëve. Ç’ngjiste në trurin tuaj? Përpiqem ta imagjinoj. S’kam dyshim se ju që e dinit këtë punë, mund të thoshit: Ç’po bëhet
kështu? Takset e revizionistëve, idetë e tyre tradhtare, të hyjnë në Partinë tonë? Por këto na i dërgon Drejtoria Politike, që do të thotë se i di Komiteti Qendror dhe pra i lejon. Deri sa drejtori politik, Hito Çakoja, na i rekomandon t’i sheqerosim, kjo është punë e konsultuar më lart”. Dhe ju i hanit këto dhe vazhdonit punën e tmerrshme. Ju mbyllnit sytë dhe gojën. Këta elementë revizionistë me një punë të tillë përpiqeshin që me një gur të vrisnin dy zogj: të krimbnin ushtrinë dhe të shpartallonin mbrojtjen e vendit. Ju thoshnin juve me fjalë të tjera se “udhëheqja e Partisë mbështetet në vijën ushtarake dhe politike të Partisë revizioniste sovjetike”. Këtë kuptim ka në fakt letra shoqëruese e Hito Çakos. Disa shokë kryesorë që kanë mbaruar akademitë në BS kanë një mentalitet dhe disa koncepte të gabuara. Partia ju dërgoi ju në BS për të mësuar më tej artin ushtarak stalinian. Ushtria sovjetike pas tradhtisë së Partisë sovjetike, u bë një ushtri agresore, imperialiste, fashiste në strategjinë dhe taktikën e saj, në politikën dhe ideologjinë e saj, në karakterin dhe në përdorimin në sasinë dhe në diversitetin e armëve të saj. Megjithëse, paria ka vjet e vjet që flet për këtë katastrofë në BS, ka disa që nuk e kanë kuptuar këtë dhe fakti është që materiale ushtarake politike të ushtrisë agresive fashiste të BS po merren, përkthehen dhe futen në ushtrinë tonë si ushqim. Beqir Balluku dhe disa shokë të tij vanë atje ku vajti njëfarë Hamit Keçi. Ata nuk shpreheshin haptazi si ky, se flisnin dhe maskoheshin me parulla e fraza, por burimi kryesor për ta ishte “Akademia”. Akademia ku mësuan këta
shokë ishte e kohës së Stalinit dhe mësimet e këtij janë për ne pjesë e m- l. Por këta shokë nuk kanë marrë vesh akoma ç’janë Hrushovi, Greçkoja, Malinkovski, Gorshkovi, Jepishevi e shumë të tjerë. Këta janë tradhtarë të m- l, janë fashistë, agresorë dhe akademitë dhe shkenca e tyre aktuale ushtarake nuk janë më staliniane, por hitleriane. Është një hata e tmerrshme që këto materiale t’i marrësh dhe t’ua japësh ushqim Partisë dhe ushtrisë sonë! Disa thonë se duhet ditur dhe informatat e armikut. Të informohesh mbi taktikën dhe strategjinë e armikut ( dhe këta armiq nuk janë një, por shumë) nuk do të thotë t’i adaptosh ato, t’i futësh në
Nga ana ushtarake, Beqir Balluku kish për objektiv të dobësonte mbrojtjen tonë, që sulmi i mundshëm armik të na gjente të dobësuar dhe të na shkatërronte, Hito Çako të demoralizonte Partinë, rininë, gjithë ushtrinë dhe të përgatiste atë që të shpartallohej që në goditjen e parë. Sipas Beqirit dhe Hitos, sulmit revizionist ne nuk duhej t’i rezistonim, sipas tyre “duhej ta prisnim me lule”, ai “ishte shpëtimtar”
ushtrinë tënde, por t’u gjesh pikat e dobëta për t’i luftuar dhe për t’i dërrmuar. Këto janë dy gjëra që nuk duhen përzier dhe jo t’i fshehësh, siç kanë bërë disa kuadro nga ju, që duke abuzuar dhe mashtruar në atë që është thënë, se duhet njohur me qëllimet e armikut, ti të futësh kalin e Trojës brenda në ushtri. Kjo është e dënueshme rreptësisht nga Partia. Ngarkova Ramizin që të grumbullojë këto materiale si në rusisht, edhe përkthimin e tyre në shqip.
E shtunë 7 shtator 1974
Shoku Ramiz erdhi sot dhe më raportoi për punën revizioniste të Hito Çakos. Ai, përveç materialit për “Punën politiko- ideologjike e psikologjike” të kopjuar nga një libër sovjetik, botim i vitit 1972, më solli edhe një material tjetër revizionist sovjetik, botim i vitit 1972 dhe i destinuar për edukimin e Komsomolit në ushtri. Për këtë libër, Hito Çakoja kish dhënë urdhër katër muaj më parë dhe ua kishte shpërndarë shefave të Drejtorisë Politike ta studionin dhe të vendosnin t’ia çonin organizatës së rinisë të ushtrisë sonë. Ky material, sipas të dhënave të disa kuadrove të Drejtorisë Politike, u la, “nuk u dërgua”. Pse? Do të hetojmë, po pseja mund të zbulojë “Poçen e natës me trëndafila”. Në letrën shoqëruese, Hito Çakoja thotë “Unë e lexova këtë libër dhe më duket interesant për punën me rininë. Ka gjëra që duhen marrë që andej e aplikuar në kushtet e punës së organizatave të rinisë në ushtri”. Dhe më poshtë vijon “... Për problematikën që ngrihet dhe rrugët që trajtohen si të punohet dhe mbi këtë bazë pas dy- tre muajve të organizojmë një aktiv me përgjegjësit e rinisë dhe të shikojmë ku jemi ne me këtë çështje e të japim orientime të ndihmuar edhe nga shënimet e nxjerra nga ky libër se si punohet në kushtet tona për këto probleme....” E qartë, e zeza mbi të bardhë. Ky revizionist haptazi po fut në organizatën e Partisë dhe të rinisë në ushtri materi
ale revizioniste dhe këto i konsideron si materiale bazë, të cilat duhet të jenë sipas tij “busull” dhe si peshore floriri për të parë nëse vija e Partisë sonë është e drejtë apo jo... Ç’punë armiqësore antiparti! Kjo punë, del qartë, është e njëjta me punën ushtarake antiparti të kryesuar nga Beqir Balluku. Ajo zhvillohej paralel: nga një anë goditej vija ushtarake e Partisë, nga ana tjetër dhe njëkohësisht vija politike dhe ideologjike e Partisë. Të dyja kishin një qëllim, ishin të koordinuara. Nga ana ushtarake, Beqir Balluku kish për objektiv të dobësonte mbrojtjen tonë, që sulmi i mundshëm armik të na gjente të dobësuar dhe të na shkatërronte, Hito Çako të demoralizonte Partinë, rininë, gjithë ushtrinë dhe të përgatiste atë që të shpartallohej që në goditjen e parë. Sipas Beqirit dhe Hitos, sulmit revizionist ne nuk duhej t’i rezistonim, sipas tyre “duhej ta prisnim me lule”, ai “ishte shpëtimtar”, me që “shpëtimtare ishin edhe idetë revizioniste që fusnin revizionistët në
Partinë dhe në rininë tonë”. Shtrohet pyetja: Kishte dijeni Beqir Balluku për veprimet e Hito Çakos? Patjetër! Do të pyetet, po ai s’foli për to. Pse s’foli? Mund të thotë prapë “Unë s’di gjë”, kurse problemi ia bën “muuuu”. Hito Çako për materialet revizioniste që sajonte, si mund të mos vinte në dijeni Beqir Ballukun dhe shokun Petrit? Si mund të thotë shoku Petrit që unë s’di gjë për këtë material, kur në anën ushtarake të tilla materiale po futen me barrë? Këtë material ai e ka pasur në dorë, e ka lexuar, atëherë ç’mendim ka pasur dhe ç’mendim ka për të? O mendim të mirë, o mendim të keq, në qoftë se ka pasur mendim të keq, atëherë pse nuk e denoncoi? Duhet ta thellojmë këtë problem me gjakftohtësi, po me vendosmëri. Duhen shëruar shumë kaudro që i kanë molepsur dhe i kanë kompromentuar, pse kryesorët kanë parë në ta koncepte të gabuara dhe mbeturina të theksuara dhe i kanë shfrytëzuar për punën armiqësore që zhvillonin.