Rama, përgjigje Ahmetajt: Nëse do bëja gjykatësin, gjërat do ishin më keq
“Ai ka të drejtë kur thotë secili t’i dalë vetes zot”. Çfarë deklaroi ish- ministri i financave që Edi Rama të mos bëjë gjykatësin.
Byroja Kombëtare e Hetimit kontrolloi mbrëmë shtëpinë e partneres së ish- ministrit të Financave, Arben Ahmetaj . Ishministri dhe ish- zëvendëskryeministri është i përfshirë në çështjen e inceneratorëve.
Kryeministri Edi Rama iu përgjigj dje deklaratave të Arben Ahmetajt, i cili i kishte kërkuar Kryeministrit të mos bënte rolin e gjykatësit. Rama e paralajmëroi se nëse do të bënte gjykatësin, ai mund të ishte tashmë në burg. “Nëse unë do të kisha bërë rolin e gjykatësit, gjërat do të kishin qenë shumë më keq për ata që duan që unë të bëj gjykatësin”, deklaroi kryeministri. Para disa ditësh në një intervistëtelevizive, ishministri Arben Ahmetaj deklaroi: “Ramës nuk i kam kërkuar ndonjëherë ndihmë. Ai duhet të bëjë kryeministrin dhe jo gjykatësin. Mua më kujtohen shesh këta kolegë. Me Tahirin nuk kam shkuar fare. Megjithatë, më vjen keq kur e shoh në atë situatë. Rama bëri rolin e gjykatësit. Ai ka të drejtë kur thotë secili t’i dalë vetes zot, por të mos bëjë gjykatësin. E para dhe mbi të gjitha, dua të bëj një sqarim. Unë kam 33 vjet që punoj dhe perceptimi është krijuar, ia kanë dalë, kanë ngritur një perceptim negativ kundër meje. Është një miks. Kjo është një infrastrukturë mafioze ndaj meje. Unë sot kam shumë të qartë këmbët dhe duart e përpjekjes, trupin dhe kokën do e kem shumë shpejt”. Ish- ministri dhe ishzëvendëskryeministri Ahmetaj është i përfshirë në çështjen e inceneratorëve. Në dosjen e SPAK- ut janë të dhënat e nxjerra nga kompjuteri i administratorit të inceneratorëve Klodian Zoto, i cili gjatë punës për realizimin e koncesionit ka paguar sasi të mëdha parash në favor të udhëtimeve private të ish- ministrit Arben Ahmetaj.
KANDIDATËT
Kreu i mazhorancës Edi
Rama njoftoi dje se zyrtarizimi i kandidateve të Partisë Socialiste për zgjedhjet lokale do të bëhet në 25 mars. Organizimi për zgjedhjet e 14 majit dhe diskutimi mbi emrat e kandidateve në të 61 bashkitë e vendit, sipas Ramës ishte në fokus të mbledhjes qe zhvilloi Kryesia e PS- së. Ai tha se Partia Socialiste do të fitojë shumë bindshëm në zgjedhjet për pushtetin vendore. Megjithatë ai u shpreh se PS duhet të shkojë përtej fitores aritmetike sepse po hyjnë në një garë me kundërshtarë që nuk janë në lartësinë e duhur duke shtuar se madje “janë deri dhe të padenjë”. Vëmendja e Kryesisë Socialiste ishte përzgjedhja e skuadrës garuese të 14 majit, ku porosia e Edi Ramës krahas kandidatëve për kryetar bashkie ishte edhe përzgjedhja sa më përfaqësuese për këshilltarët bashkiak. “Mendoj që do fitojmë shumë bindshëm. Por, për hir të së vërtetës dua të jem shumë i drejtpërdrejtë me ju, fitorja kur ke përballë kundërshtarë të tillë në aspektin aritmetik është minimumi. Ne duhet të shkojmë përtej fitores aritmetike sepse të hysh në fushë me kundërshtarë që nuk janë në lartësinë e duhur dhe janë deri dhe të padenjë për të qenë në fushë nuk është e vështirë të fitosh. Çështja është të shkosh përtej fitores aritmetike. Edhe kjo do të thotë më shumë me njerëzit, më shumë për njerëzit, sepse këto lloj situatash rrezikojnë të të shkëpusin nga njerëzit, sepse kur vjen puna te fitorja aritmetike nuk ka asnjëherë një fitore të lehtë, gjërat nuk janë aq të vështira saç janë kur duhet të merresh me pagat, me mbështetjen më shumë për pensionistë, profesionistë, kur duhet të merresh me investimet etj. Kjo është sfida ku ne duhet të përqendrohemi shumë më tepër ndërsa politikën e ‘ gërrgërrgërr, gërr, gërr, gërreve’, duhet t’ia lemë të shkuarës”, u shpreh Rama. Kryetari i PS- së përmendi se selia rozë në linja të përgjithshme e ka një panoramë të skuadrës së saj për kryetarë bashkie, por kjo do të zyrtarizohet para regjistrimit zyrtar të tyre në KQZ. Lidhur me zhvillimet brenda PD- së, Kryeministri Rama, tha se nuk dëshiron të përfshihet me këtë çështje. “Nuk kam asnjë disponim të merrem me polemika të politikës së gërr- gërrgërrit të përditshëm. Aty ku faktikisht ka pasur dakordësi dhe ka pasur si të thuash sinkronizim rreth kandidatëve të caktuar që janë aktualisht kryetarë bashkie ka vazhduar natyrshëm procesi. Zyrtarizimi përfundimtar do të bëhet si gjithmonë para se kandidatët të regjistrohen zyrtarisht. Mendoj që do fitojmë shumë bindshëm, por për hir të vërtetës, dua të jem shumë i drejtpërdrejtë me ju, fitorja kur ke përballë kundërshtarë të tillë në aspektin aritmetik, është minimumi. Ne duhet të shkojmë përtej fitores aritmetike, sepse të hysh në fushë me kundërshtarë që nuk janë në lartësinë e duhur dhe janë deri dhe të padenjë për të qenë në fushë, nuk është e vështirë të fitosh”, u shpreh Rama.
“Ramës nuk i kam kërkuar ndonjëherë ndihmë. Ai duhet të bëjë kryeministrin dhe jo gjykatësin. Mua më kujtohen shesh këta kolegë. Me Tahirin nuk kam shkuar fare. Megjithatë, më vjen keq kur e shoh në atë situatë. Rama bëri rolin e gjykatësit. Ai ka të drejtë kur thotë secili t’i dalë vetes zot, por të mos bëjë gjykatësin. E para dhe mbi të gjitha, dua të bëj një sqarim. Unë kam 33 vjet që punoj dhe perceptimi është krijuar, ia kanë dalë, kanë ngritur një perceptim negativ kundër meje”.