Baza e Limionit në Sarandë, SPAK ballafaqon dy ish- ushtarakët e lartë
Hetimi për pronat e ushtrisë ku u kallëzuan edhe Xhaçka me Begajn
Ish- shefi i Shtabit të Përgjithshëm të Forcave të Armatosura, aktualisht deputet i PS- së, Bardhyl Kollçaku, është paraqitur ditën e djeshme në SPAK bashkë me Artur Meçollarin, denoncuesin e tij. Sipas të dhënave hetimore bëhet me dije se deputeti socialist u pyetet për kallëzimin e bërë në mars të vitit 2021 nga Artur Meçollari. Në dalje nga SPAK pas gati 3 orësh, Meçollari u tha mediave se u pyet për privatizimin e Sarandës, akt që lidhet pikërisht me kallëzimin e tij. Ai pretendon se në atë zonë i është dhënë çdo centimetër e privatit. Ishzëvendës shefi i Forcave Detare, ka akuzuar në mars të 2021 të gjithë zyrtarët e lartë, përfshirë edhe ish- ministren e Mbrojtjes së asaj kohe, Olta Xhaçka, si dhe presidentin Begaj përpos Kollçakut. Ditën e djeshme u bë me dije se një thirrje nga Prokuroria e ka marrë edhe ministrja për
Evropën dhe Punët e Jashtme Olta Xhaçka në cilësinë e pozicionit që mund të ketë pasur dijeni por edhe që ka qenë titullare e Dikasterit të Mbrojtjes.
Denoncimi nga ana e Meçollarit u bë për dy prona, një në Shëngjin dhe një në Sa
randë të cilat sipas tij i janë dhënë privatit pa leje përkatëse. Pasi Prokuroria e Posaçme ka verifikuar këto të dhëna e ka marrë në pyetje dhe ka nisur hetimet për pretendimet e tij. I pranishëm ka qenë edhe vetë Meçollari. Më herët,
Meçollari ka artikuluar publikisht akuza edhe për ishshefin e Shtabit të Përgjithshëm, sot Presidenti i vendit, Bajram Begaj, por nuk dihet nëse SPAK ka vendosur ta thërrasë edhe kreun e shtetit si person në dijeni për të
dhënë shpjegime. Nga ana tjetër, Kollçaku nuk dha detaje lidhur me privatizimin e pronave të ushtrisë duke thënë se ajo për të cilën u pyet është sekret hetimor dhe do të merrej vesh në momentin e duhur. Deputeti Bardhyl Kollçaku nuk ka dhënë detaje për akuzat lidhur me privatizimin e pronave të ushtrisë në Sarandë, për të cilat u paraqit në SPAK. “Është sekret hetimor, do të informoheni në momentin e duhur”, tha Kollçaku për mediat pasi doli nga Prokuroria e Posaçme. Vetë ish- zëvendës shefi i Forcave Detare, u paraqit në SPAK si denoncues i privatizimit të Sarandës dhe Shëngjinit. “U pyeta në cilësinë e kallëzuesit për bazën detare të Sarandës ku privatit i është dhënë çdo centimetër pa lënë asgjë për ushtrinë”, tha ai teksa la ambientet e SPAK- ut.