Kërkohen 25 vjet burg për Ilir Selmanin dhe 7 vjet për Elvis Gacajn
Dy anëtarët e ' Klanit Duka' janë të akuzuar për pjesëmarrjen në ekzekutimin e ish- efektivit të Policisë, më 27 gusht të 2019- s
Një tjetër pretencë është dhënë nga SPAK për dy persona të tjerë të përfshirë në vrasjen e Santiago Malkos, djalit që u qëllua brutalisht me armë nga një skuadër me vrasës në mes të Tiranës rreth 4 vjet më parë.
Viktima që më shumë u njoh si një nga njerëzit e afërt të atij që konsiderohet mbreti i lojërave të fatit u tha se u vra pikërisht për këtë shkak e policia hyri vonë në veprime për të bërë ndalimin e vrasësve. Kur nuk ishte e vështirë për Policinë të dihej se vrasësit ishin anëtarë të një klani që ishte emërtuar ' Duka' dhe gjysma e tyre mundën të largohen nga vendi, Policia nisi arrestimet. Fillimisht atë që e kishte survejuar të riun e më pas edhe dy të tjerë. Po ndërsa survejuesi u dënua me 25 vjet burg, dje Prokuroria e Posaçme ka kërkuar edhe 25 për një tjetër të arrestuar si bashkëpunëtor në krim. Ndërkohë janë kërkuar vetëm 7 vjet për personin që gjendet në gjykim aktualisht dhe sipas prokurorisë rezultoi të ishte pjesë e skuadrës së ' Dukëve' në atë ngjarje.
PRETENCA
Prokuroria e Posaçme kundër Korrupsionit dhe Krimit të Organizuar ( SPAK), ka shpallur pretencën për dy anëtarët e "Klanit Duka" të akuzuar për vrasjen e ishefektivit të Policisë, Santiago Malko, në 27 gusht të 2019- s.
SPAK ka kërkuar dënimin me 25 vjet burg për Ilir Selmanin dhe me 7 vjet burg për Elvis Gacajn. Ish- polici Malko njihej si krahu i djathtë i të shumëkërkuarit të drejtësisë, Ervis Martinaj, dhe dyshohet se u ekzekutua nga anëtarët e klanit ' Duka' që njihen si rivalët më të mëdhenj të biznesmenit të lojërave të fatit, i cili ka humbur gjurmët prej muajsh, që pasi u shpall në kërkim në kuadër të operacionit ' Plumbi i Artë'. Më herët për këtë ngjarje, u dënua me 25 vite burg Bledi Teta, i cili ka qenë një prej personave që
mori pjesë në atentatin me breshëri kallashnikovi ku shënjestra ishte viktima Santiago Malko. Teta ka mbajtur nën vëzhgim lëvizjet e Malkos dhe ka njoftuar grupin kundërshtar në momentin kur ky i fundit është gjetur i pambrojtur dhe është qëlluar brenda makinës së tij.
ARRESTIMI I DUKËS
Më 14 shkurt të këtij viti, Leonard Duka, rivali më i madh sipas Policisë, i bosit të lojërave të fatit, Ervis Martinaj, identifikohet në periferi të Brukselit. Ai aty ishte bashkë me një femër në momentin kur u pikas nga Policia belge. Autoritetet belge zbarkuan që në orën 06: 00 të mëngjesit në banesë dhe e prangosen. Sipas burimeve, 37- vjeçarit, që ishte shpallur në kërkim ndërkombëtar nga Policia e Shtetit si autor i dyshuar i vrasjes së Santiago Malkos në gusht të 2019- s, iu gjend armë zjarri në banesë dhe një sasi e konsiderueshme parash. Duka, kur e pa veten të rrethuar dhe pa asnjë mundësi arratisje, nuk bëri rezistencë dhe iu dorëzua Policisë belge pa shumë zhurmë. Ai u mbajt nën vëzhgim nga Policia belge për disa ditë, derisa u bindën se kishin të bëjnë me të njëjtin person që homologët e tyre shqiptarë kishin lokalizuar më herët, ndonëse ai jetonte aty në një vilë luksoze, te një prej lagjeve më të pasura të Brukselit.
VRASJA E SANTIAGO MALKOS
Mbrëmjen e 27 gushtit, në zonën e "Xhamllikut" ekzekutohet me breshëri plumbash Santiago Malko. Malko, një ish- punonjës Policie i larguar nga detyra pasi u arrestua pas një sherri për lojërat e fatit, ishte një emër jo pak i njohur për autoritetet, i dyshuar si i përfshirë në disa ngjarje të rënda kriminale. Emri i tij do të dilte në skenë në tetor të 2018, ngjarje kjo kur i plagosur mbeti miku i tij, Ervis Martinaj, por u lirua për mungesë provash. Në kërkim me vendim gjykate janë shpallur 7 persona: Elis Duka, Xhoni Nica, Oltian Loga, Aleksandër Maxhaku e Dritan Agaj, të gjithë nga Tirana, si dhe Fatmir Hyseni nga Vlora, i njohur ndryshe me nofkën "Doqja". Malko dyshohet të ketë qenë i përfshirë në disa ngjarje kriminale, e ndërsa dyshimet e Policisë janë se ai u ekzekutua për shkak të trafikut të lëndëve narkotike, borxheve të pashlyera e konflikteve mes bandave të rrezikshme.
Ndërkohë nuk jam në favor të dhënies informacion të qeverisë jugosllave në lidhje me Komitetin Nacionalist Shqiptar. Nëse bëhet kjo, mund të sjellë problem me aktivitetin e tyre, gjë për të cilën edhe unë di shumë pak. Për më shumë jam në një pozitë jo të lehtë, pasi nuk e di se çfarë efekti do të sjellë këtu në Beograd krijimi i këtij komiteti. Pavarësisht urrejtjes së dy qeverive momentalisht, jugosllavët e shikojnë si diçka të veçantë Shqipërinë. Shpallja e një komiteti të tillë do të