PL: Qeveria financon arsimin e shëndetësinë më pak se inceneratorët
Nënkryetari i PL- së, Petrit Vasili, reagoi dje në lidhje me lajmin se është ulur financimi për sektorin e arsimit dhe shëndetësisë, sa i përket vitit 2022. Vasili thau shpreh se është skandal që këta sektorë jetikë të financohen më pak se inceneratorët, ndërsa shtoi se vendi po shkon tashmë në një greminë shumëdimensionale. “Skandal, arsimi dhe shëndetësia financohen me pak, inceneratorët më shumë! Në dukje e pabesueshme, por e vërtetë. Dy sektorët me jetike si arsimi dhe shëndetësia financohen me pak nga qeveria e Edi Ramës. Në kontrast tragjik me to financohen më shumë inceneratorët dhe lloj- lloj koncesionesh e tenderash njëri me korruptiv së tjetri. Pas COVID- it dhe pasojave katastrofike shëndetësore qe ai i la, veprimi me i natyrshëm sa njerëzor aq edhe strategjik do të ishte një rritje drastike e financimit të shëndetësisë. U pa qartë që shqiptarët mbeten vetëm pa ndihmën e qeverisë në pandemi. Qindra miliona euro i paguan nga xhepat e tyre të varfër. Mijëra jetë njerëzish u humbën dhe mjaft prej tyre në spitale jashtë vendit. Teknologjitë, barnat dhe mjetet baze mbrojtëse munguan. E megjithëkëtë, financimi në shëndetësi ulet. Në arsim situata është katastrofike. Analfabetizmi funksional rritet me galop, pra Shqipëria po shndërrohet në një bashkësi injorantesh me dëftesa e diplomash. Testi i Pizës ishte një provë dramatike. Niveli i mësimdhënies është në pikiatë, aq sa edhe arsimi i diktaturës se para viteve 90 duket shumë më pozitive. Një qeverisje të tillë të krimbur në korrupsion të zhytur në propagandë histerike nuk e gjen gjëkundi. Rezultatet, indikatorët dhe faktet flasin shumë qartë dhe asgjësojnë çdo propagandë. Shqipëria po shkon drejt një greminë shumëdimensionale dhe dëmi i krijuar nga këta zululandas rilindas do të shtrihet në dhjetëvjeçare që vijnë. Mos prisni kurrë ndryshim prej këtyre. Kur hajdutëria, injoranca dhe ligësia behën bashke si në rastin e qeverisjes së Edi Ramës vetëm gjëma dhe bëma të tilla do të dëgjoni”, - shprehet Vasili.