Protesta, Berisha: Të gjitha pushtetet, në duart e Ramës. Do t’i japim fund

Lideri i opozitës: 2023- shi ishte viti i përpjekjeve banditeske të Ramës për të shkatërruar opozitën shqiptare

Lideri demokrat, Sali Berisha nga dritarja e apartamentit së tij përshëndeti sërish dje demokratët e shumtë të mbledhur në mbështetje të tij poshtë banesës.

Me flamurin nën logon e PD- së si dhe një mikrofon afër dritares, Berisha u shprehu mirënjohjen e tij të gjithëve për praninë e tyre në atë që e quan “vazhdimin e një beteje”, të cilën e cilëson një ndër më të rëndësishmet në historinë e vendit. Sipas tij, viti 2023 ishte viti i përpjekjeve antiligjore, antikushtetuese, banditeske të kryeministrit Edi Rama për të shkatërruar opozitën shqiptare. “Çfarë ishte për Shqipërinë dhe shqiptarët viti 2023. Viti 2023 për çdo shqiptar ishte viti i përpjekjeve antiligjore, antikushtetuese, banditeske të Edi Ramës për të shkatërruar opozitën shqiptare. Ishte viti në të cilin Edi Rama me lakejtë e tij në gjykata, pasi i mori logon dhe vulën PD- së, vazhdoi skenarin e tij për të lenë vendin pa opozitë. Në përpjekjen për të përqendruar të gjitha pushtetet në duart e tij, Edi Rama aktivizoi me 14 Maj, vrasës serial, liroi nga burgjet elementët më të rrezikshëm të krimit të organizuar. I solli ata nga jashtë, vendosi qytetet në terrorin e tyre. Përjashtoi nga listat e votimit në qendrat e tyre mbi 1.3 milionë shqiptarë. Hoqi nga fletëvotimi emrin e PD- së, logon e saj dhe kryetarin e saj, Sali Berisha. Përjashtoi të drejtën e opozitës për komisionerë në gjysmën e qendrave të votimit. Përdori dhjetëra e qindra milionë fonde publike për të blerë fonde dhe influenca. Megjithëkëtë, opozita ia doli të konfirmohet e pamposhtur”, - deklaroi kreu i PD- së. Berisha përmendi se, “në revanshin e tij kundër

“Edi Rama në vjedhjet, skandalet e tij nuk ka të ndalur. Institucionet e vendit u shndërruan në mënyrë përfundimtare, në armë të diktaturës së re. Shërbimi Informativ, Policia e Shtetit, patronazhistët, aktivistët të gjithë u sulën kundër opozitës. U vërsulën për t’u grabitur votat shqiptarëve. Ky ishte viti i amnistive të shekullit, ku skapistët e partisë për të amnistuar Edi Ramën, amnistuan vjedhjen e qindra milionë eurove”

demokracisë, Edi Rama vazhdoi i pandalshëm, i mohoi opozitës deputetëve të saj, të drejtat themelore kushtetuese. E nxori veten mbi kushtetutën, mbi ligjin. Ai nuk pranoi të hetohet për aktet e shëmtuara kriminale, ai nuk pranoi të hetohet për krimet që ka kryer me organizatën e tij kriminale që quhet qeveri. Ai nuk pranoi të hetohet për vjedhjet e mëdha të pasurive publike, për shndërrimin e Durrësit në parajsën e tij dhe të trafikantëve të tij, duke i plaçkitur shqiptarëve në port rreth 4 mln euro tokë dhe pronë publike”. Ai tha Berisha nuk pranoi të hetohet për skandalin më të madh të kohërave, ndërkombëtar, Rama- Mcgoninal, në të cilin Edi Rama, Charles Mcgonigal, Agron Neza dhe Dorian Duçka, funksionuan si një grup kriminal i vërtetë. “Në këtë skandal Edi Rama mobilizoi Mcgonigalin kundër Sali Berishës dhe opozitës shqiptare. Në këtë skandal Edi Rama vendosi sistemin e gjobave shumëmilionëshe mbi biznesmenët shqiptarë. Në këtë skandal Edi Rama hoqi e vendosi sikur të ishin të familjes së tij, licencat e naftës pronë publike e shqiptarëve”, - u shpreh lideri demokrat. Berisha vuri në dukje se 2023 ishte viti i amnistive të shekullit, pasi sipas tij, ata që i quan “skapistët e partisë”, amnistuan vjedhjen e qindra miliona Eurove. “Edi Rama në vjedhjet, skandalet e tij nuk di të ndalur. Institucionet e vendit u shndërruan në mënyrë përfundimtare, në armë të diktaturës së re. Shërbimi Informativ, Policia e Shtetit, patronazhistët, aktivistët të gjithë u sulën kundër opozitës. U vërsulën për t’u grabitur votat shqiptarëve. Ky ishte viti i amnistive të shekullit, ku skapistët e partisë për të amnistuar Edi Ramën, amnistuan vjedhjen e qindra milionë eurove”, - theksoi Sali Berisha.