Dëshmia: Babi e dhunoi mamin më 1 dhe 2 janar, i tha se ke dashnor dajën
Videot e regjistruara nga djali i çiftit bëhen publike. Djali 17 vjeç i del para të atit që të mos e gjuante, vajza jep tjetër version
Dje, ndërkohë që Xhemal Loka vetëmbrohej në Gjykatën e Durrësit me idenë se çdo familje ka probleme, por nuk e shtyva unë drejt vetëvrasjes nënën e fëmijëve të mi, pamjet tronditëse të dhunës brutale ndaj saj janë bërë publike.
Është djali i çiftit që ka mundur të filmojë sekuenca shokuese, kur Xhemali dhunon e kërcënon të shoqen ndërkohë që djali i madh, D., hyn mes tyre për të mbrojtur të ëmën nga agresioni i të atit. Xhemal Loka është lënë në qeli nën masën e arrestit me burg, ndërkohë që nga familjet e tyre vijnë dëshmi të shumta dhe tronditëse për jetesën në çift të Xhemalit dhe të Bedries. I arrestuari ka përdorur një dëshmi të së bijës duke e paraqitur ditën e djeshme në media edhe si shkakun e zënkave të tyre, që lidhet me një dyshim të viktimës për tradhti bashkëshortore. Por këtë dëshmi e hedhin poshtë djemtë dhe dajat e vajzës, pra vëllezërit e viktimës. Në dosjen e Prokurorisë gjenden të dokumentuara një mori rrëfimesh nga të gjithë pjesëtarët e dy familjeve, ku në fakt tre djemtë e mitur të çiftit Loka janë dëshmitarë të dhunës sistematike të ndodhur brenda katër mureve të asaj shtëpie. Madje, djali që ka kryer edhe filmimet i thotë prokurorisë: “Babi e rrahu mamin edhe katër ditë para Vitit të Ri”, që i bie ta ketë dhunuar ditën që është kthyer nga Greqia. Po ashtu, ai tregoi se, ‘ unë e filmova babin duke rrahur mamin dhe videot ia çova motrës që ajo
të vinte ta shpëtonte mamin’. Gjithashtu, djali, protagonisti kryesor i hedhjes dritë mbi këtë krim makabër ka treguar se Xhemali e kishte dhunuar Bedrien edhe më datën 1 janar, madje edhe më datën 2, para se sa të ndodhte ngjarja e rëndë. Nga ana tjetër është familja e Xhemalit që tregon tjetër version në lidhje me shkaqet që e çuan Bedrien drejt vetëflijimit duke mohuar që çifti të ketë pasur konflikte, ndërsa e fajësojnë Bedrien për gjithçka ka ndodhur në familjen e tyre. Vjehrra, nëna e Xhemalit, ka treguar dje për ‘ News 24’ se i biri nuk e kishte dhunuar asnjëherë nusen, por që edhe vajza e tyre më herët kishte pirë helm. Ndërsa vëllezërit e viktimës kanë qenë në unison: ‘ Xhemali e ka shtyrë drejt vetëvrasjes motrën tonë’! Ata i kanë thënë Prokurorisë se vajza e tyre, Rozalinda, ( fëmija i madh i çiftit) është në dijeni të së gjithë të vërtetës, ndërkohë që ajo mban anën e tij, sipas tyre, sepse ndoshta i dhimbset babai i saj!
PROKURORIA
Prokuroria e Durrësit ka
dyshime të forta të bazuara në dëshmi të fëmijëve të Bedrie Lokës dhe nga këqyrja e celularëve, se gruaja është dhunuar fizikisht dhe psikologjikisht nga bashkëshorti i saj Xhemal Loka, keqtrajtim sistematik që dyshohet se e çoi 41- vjeçaren drejt vetëvrasjes. Duke vulosur kërkesën e prokurorisë, Gjykata e Durrësit i caktoi masë “arrest në burg” burrit në akuzë për shkaktimin e vetëvrasjes, që parashikon dënim deri në 7 vite burgim.
Para togave të zeza, Xhemal Loka dhunën e quajti debat normal si në çdo familje shqiptare, dhe shkakun pse gruaja e tij piu fotoksinë e gjen tek një profil në ‘ TikTok’ që denigronte figurën e saj. Ai i tha gjykatës sërish të njëjtin version: “Gruaja ka vrarë veten prej fotove dhe denigrimit në ‘ Tik- Tok’. Unë ia kisha falur, por ajo ishte shumë e mërzitur. Kam pasur debate, si çdo çift, por jo konflikte që ajo të shkonte në masë ekstreme. Si mund ta bëj unë atë veprim kur ajo është nëna e 4 fëmijëve të mi?! Kërkoj masë më të lehtë, se kam fëmijë për të rritur. Unë nuk e kam dhunuar, por vëllezërit e saj më kanë kërcënuar në telefon”.
DËSHMIA E VAJZËS
Dëshmia e vajzës 21vjeçare, Rozalinda Loka, dhënë në polici, zbulon krizën martesore prej të paktën 1 viti. “Diku nga muaji shtator 2023 mami i ka gjetur babit disa letra në gjuhën franceze të cilat ja ka dërguar një femër. Ajo ishte një franceze dhe ka komunikuar me vëllain tim dhe i ka thënë që ka pasur një lidhje me Xhemalin. Kjo ka qenë një arsye që e ka vrarë shumë psikologjikisht mamin tim”.
Edhe ditën e ngjarjes tragjike, më 2 janar kur Bedrie Loka piu fostoksinë, vajza thotë se ka pasur debate me bashkëshortin. Komunikimi i fundit që unë e kam bërë me mamin ka qenë rreth orës 22: 30 dhe ajo më tha që kishin prapë debat. I thash:; “po leje pra atë muhabet dhe qepe” dhe ajo më tha: “mirë mo mami, mirë se e qep unë”. Shumë herë e thoshte se do t’i jepte fund jetës. ‘ Jam e lodhur’ thoshte.
DJALI
Djali i çiftit flet hapur se
babai e ka kërcënuar 41vjeçaren se do ta shtyjë drejt vetëvrasjes, veçanërisht me telefonata gjatë kohës kur ndodhej në Greqi. Edhe një ditë para se të pinte helm, ata bënë një debat të fortë me mamin, se nuk e lejonte të shkonte të shtëpia e gjyshes dhe filloi duke e sharë dhe ofenduar. Babi kur ka qenë në Greqi, gati një vit më parë, ka marrë në celular mamin dhe i ka thënë “unë ty do të bëj të vrasësh veten, mbaje mend”. Mami ka qenë shumë herë e kërcënuar dhe e ofenduar nga babi im”. Dëshmia e fëmijëve të çiftit Loka në Prokurori është një ndër provat kyçe për të vërtetuar dhunën sistematike që i ati ka ushtruar ndaj mamasë së tyre, Bedrije, e cila i dha fund jetës me fotoksinë më 2 janar 2024. Njëri prej fëmijëve ka filmuar dhe një moment dhune dhe ia ka dërguar videon më pas motrës së tij të martuar. “Babi im e ka dhunuar gjithmonë nënën time”, - ka thënë njëri prej fëmijëve të mitur në dëshminë e tij në Prokurori. Edhe katër ditë para Vitit të Ri, i ati e ka goditur me grushte e shkelma dhe kërcënuar se do ta vriste. “Më datë 27 dhjetor 2023, kur ka ardhur babi, krijoi konflikt me mamin se kishte dëgjuar llafe të njerëzve të tjerë për mamin. I ka thanë mamit lloj- lloj fjalësh, i ka thënë do të vras... e ka ofenduar me fjalë të rënda... E ka goditur mamin me grushte dhe me shkelma. Më datë 1 janar, pas Vitit të Ri... Babi është zënë përsëri me mamin sepse i thoshte se nuk do shkosh te daja im dhe të gjyshja ime... ka qenë ora rreth 22.00 deri rreth orës 23.00 ku babi duke bërtitur e ulëritur i thoshte që s` ke për të shkuat”. “Babi im e shante e ofendonte me fjalët nga më të ndyrat... i thoshte që ke dashnor, i thoshte që ty të ka kap vëllai jot dhe se ti shkon nëpër hotele me atë ( dajën)”, - ka dëshmuar i biri, shkruhet në dosjen e prokurorisë.
DËSHMIA E DJALIT TJETËR
‘ Mami dhe babi gjithnjë kanë pasur debate me njëritjetrin. Gjithmonë debatonin, madje edhe një ditë para se të vdiste mami, një ditë para se të pinte helm ka bërë një debat të fortë. Nuk e lejonte mamin të shkonte te shtëpia e gjyshes dhe filloi ta shante dhe ofendonte. Debati atë natë ka zgjatur nga ora 19: 00 deri nga ora 23: 00", - ka dëshmuar fëmija tjetër. Një vit më parë, kur babi ka qenë në Greqi, e ka marrë mamin në celular dhe i ka thënë do të të bëj të vrasësh veten, mbaje mend. Shkaku i këtij veprimi ka qenë se mami ka qenë shumë herë e kërcënuar dhe e ofenduar nga babi im’, - ka dëshmuar fëmija në prokurori më 5 janar, një ditë para arrestimit. Edhe djali i vogël i çiftit ka filmuar momentet e dhunës dhe videon ia ka dërguar më pas motrës së tij të martuar. Ata gjithmonë ziheshin me njëritjetrin”, si dhe “unë kam bërë me celularin tim ca video dhe ja kam çuar motrës sime ku i thosha ja ça po bën mami me babin, i thosha hajde se po zihen”, duke theksuar “unë kam një telefon “Samsung” dhe me këtë celular unë kam bërë video dhe ja kam çuar motrës kur babi u zinte me mamin”, si dhe “telefoni im është në polici... e ka marrë babi... dhe ka thënë që është i veti”, - ka treguar i mituri për grupin hetimor që është marrë në pyetje!