Balluku: Rrugët që hapen brenda 2024 me pagesë dhe zgjerimi i Tiranë- Durrës
"Do dorëzohet këtë vit Tuneli i Llogorasë, Thumanë- Kashar dhe Unaza e Madhe. Tiranë- Durrës me tri korsi, do shtohet ajo e emergjencave"
Viti 2024 do të jetë ai i përfundimit të disa projekteve infrastruktore me rëndësi në vend, ndërkohë që disa të tjera po ashtu madhore pritet të nisin nga puna.
Duke bërë rezymenë e investimeve të një viti, zëve n d ë s k r y e m i n i s t r j a , njëherësh ministre e Infrastrukturës dhe energjisë, Belinda Balluku deklaroi ditën e djeshme se autostrada Tiranë - Durrës do të kthehet me tre korsi, bashkë me një emergjence, ndërkohë që brenda vitit do të prite shiritët e rrugës së arbrit dhe unazës së madhe të tiranës. Gjatë këtiuj viti pritet hapja e kantiereve të dy akseve të rëndësishme si Korridori i tetë që shkon drejt maqedonisë së veriut dhe korridori blu që lid kufirin e malit të zi me greqinë. Gjirokastra do të jetë vendndodhja e aeroportit të katërt në vend dhe jo Saranda, ndërsa në pranverën e vitit 2025 pritet të startojnë fluturimet në Vlorë. Brenda këtij viti pritet të dorëzohen një sërë projektesh infrastrukturore dhe të hapen kantiere të tjera, por me rëndësi është tuneli i Llogarasë dhe Thumanë - Kashari që do të jenë me pagesë.
RRUGET
Gjatë një analize të përgjithshme të Ministrisë së Infrastrukturës dhe Energjisë, kreu i këtij institucioni Belinda Balluku tha se viti 2024 do të jetë një vit i rëndësishëm për infrastrukturën dhe transportin në gjithë dimensionet e tij nga ajo rrugore tek ajo e aviacionit.
"Viti 2024 do shënojë dy momente të rëndësishme për infrastrukturën rrugore fillimisht me dorëzimin e Tunelit të Llogarasë që ka nisur atëherë kur duhej në nëntor 2021 dhe do të përfundojë siç kemi premtuar në fillim të sezonit veror 2024. Segmenti tjetër ThumanëKashar një nga akset e rëndësishme të Korridorit Blu edhe për shkak të volumeve të trafikut nga ngarkesa që ndodh në Fushë Kruje apo nyjën e Rinasit ka bërë që të ndjejmë kompleksitetin për ta zgjidhur. Është kërkuar që të vijohet sa më parë dhe të dorëzohet para afatit dhe para sezonit veror 2024. Nga ana tjetër, një kalvar i gjatë mbaron në 2024 tani mund ta garantojmë duke qenë se në datë 26 dhjetor kemi arritur të përfundojmë gërmimet në tunelin e rrugës së Arbrit. Është qëndruar në të njëjtën buxhet pavarësisht vonesave. Në dhjetor 2024 është kërkuar që kompania ta përfundojë. Në dhjetor 2024 përfundon edhe një tjetër aks kombëtar që është Unaza e Madhe e Tiranës që do të jetë e disponueshme për gjithë trafikun nga autostradat e Jugut, Veriut dhe Lindjes.
Fazat e para të Elbasan Qafë- Thanë do përfundojnë këtë vit. Edhe Orikum- Dukat një aks që lidhet me Tunelin e Llogarasë. Palasë- Dhërmi është thuajse e përfunduar, mbeten disa detaje. Nga ana tjetër mbaron edhe rruga Korçë- Ersekë. Maliq- Lozhan po shkon siç duhet. Qafa e Buallit- Martanesh do dorëzohet, rruga që lidh aeroportin e Vlorës me Fier Vlorë do të përfundojë gjithashtu. Në vitin 2024 nis pjesa e kolaudimit për aeroportin e Vlorës për t'iu kthyer fluturimet e rregullta në vitin 2025", nënvizoi ministrja.
Një tjetër element që u nënvizua gjatë analizës ishte rëndësia e Qendra së Monitorimit të Trafikut që është në proces ndërtimi. Sipas ministres shtimi i akseve e bën të rëndësishme që të ketë skuadra monitorimi. "Do të përbëhen jo vetëm nga ARRSH por edhe Ugjenca dhe Emergjenca Civile, Policia e Shtetit që do të jenë në gatishmëri të plotë. Nga ana tjetër qendra e monitorimit të trafikut do të kryejë një rol tjetër që ka të bëjë me akset që do të vendosen në sistemin e pagesë siç është rasti i Tunelit i Llogorasë dhe Korridori Blu", tha Balluku.
ZGJERIMI I TIRANË- DURRËS
Kreu i Autoritetit Rrugor Shqiptar Evis Berberi nënvizoi gjatë fjalës së tij se një nga akset e rëndësishme që do të zërë vend në investimet e institucionit këtë vit është autostrada Tiranë- Durrës. Sipas tij, aksi i ndërtuar në një pjesë të mirë para viteve 2000 ka tejkaluar kapacitetin që fillimisht ka qenë i programuar për 30 mijë mjete teksa matjet tregojnë trefishim të këtij volume në pik. "Brenda vitit 2024 parashikojmë të hapim fazën e parë dhe ndoshta të dytë të zgjerimit që shkon nga Tirana në Vorë. E para është Tiranë- Kthesa e Rinasit dhe e dyta nga kthesa Rinas- Vorë", tha Berberi.
Sipas ministres zgjerimi i Tiranë - Durrës do të marrë nga një korsi në secilën anë plus korsinë e emergjencës. "Sqarojmë që nga gjithë studimi që kemi bërë nuk prekim rrugët dytësore dhe bizneset dhe nuk do të ketë shpronësime masive. Mund të jenë disa zona që afrohen më afër me shtratin e rrugës. Në të ardhmen përdorimi i këtij aksi do të jetë më i pa
kët. Shumica e Tiranës kur do të aksesojë Fierin kalon nga Elbasani në Lekaj ose rrethrrotulli i i Rrogozhinës. Flukset e trafikut do të jenë të mirërregulluar pasi këtë vit nis Kashar- Lekaj është aks i ri që kalon në Arbanë, Ndroq dhe Rrogozhinë. Gjithë rregullimin do ta bëjë Bypa
si i Tirasnës që është një projekt i miratuar dhe kemi fituar dhe grantin dhe po koordinojmë dhe me donatoret dhe brenda këtij viti nis gara", tha ministrja. Sa i takon rrjetit hekurudhor Balluku nënvizoi se tashmë janë disa projekte që ndodhe në faza të ndryshme.