Një homoseksual, kryeministër i Francës, kush është Gabriel Attal

Franca ka të parin kryeministër homoseksual në historinë e saj. Gabriel Attal u emërua nga presidenti Emmanuel Macron në krye të qeverisë pas dorëheqjes të hënën, të Elisabeth Borne. Attal, që mban postin e ministrit të Arsimit prej korrikut të vitit të kaluar është 34 vjeç dhe po ashtu është kryeministri më i ri në moshë i Francës. Macron e përzgjodhi atë për t'i dhënë imazhit të qeverisë një rifreskim, pasi qeveria e pararendëses së tij shënoi popullaritetin më të ulët në dekada veçanërisht pas reformës së pensioneve të fillim vitit të kaluar që shkaktoi protesta masive të dhunshme. Attal është një prej figurave me më shumë mbështetje në partinë e Macronit, fakt që presidenti po përpiqet ta shfrytëzojë para zgjedhjeve parlamentare europiane të Qershorit, duke e vënë përballë liderit të ri nacionalit Zhordan Bardela, nipi i Marine Le Penit, partia e të cilit kryeson aktualisht sondazhet për mbështetjen popullore. Gabriel Attal, 34- vjeçari i emëruar nga Presidenti francez, Emmanuel Macron si kryeministër i Francës, është kryeministri më i ri në moshë, i cili ka udhëhequr qeverinë franceze, si dhe i pari kryeministër homoseksual. Attal, i cili më parë mbante postin e Ministrit të Arsimit, që prej vitit 2017 ka pranuar se është në një lidhje dashurie me ishkëshilltarin politik të Macron, 38- vjeçarin Stéphane Séjourné, me të cilin bashkëjeton. Emërimi i Attal në këtë post erdhi pas dorëheqjes së Elisabeth Borne, 62 vjeçe, një ditë më parë ( 8 janar), e cila shërbeu më pak se dy vjet në detyrë. Attal do të jetë kryeministri më i ri që nga themelimi i Republikës së Pestë Franceze në vitin 1958, duke kaluar edhe socialistin Laurent Fabius, i cili ishte 37 vjeç kur u emërua nga François Mitterrand në 1984. Gjatë mandatit të tij, si ministër ai miratoi një ndalim të diskutueshëm për veshjen e hixhabit në shkollat publike franceze dhe ka punuar për rritjen e ndërgjegjësimit për ngacmimin në shkolla. Politikani ka shërbyer në një sërë rolesh, duke përfshirë zëdhënësin e qeverisë dhe ministrin e llogarive publike. Në fillim të karrierës së tij, Attal ishte anëtar i partisë Socialiste, por më vonë iu bashkua partisë qendrore të Emmanuel Macron, e njohur tani si Rilindja.