Ligjet me 84 vota, Bardhi: Votat me Ramën, nëse ka transparencë

“Kryeministri kërkon pazar, sesioni i ri nis me mosbindje civile” Deklaratat e Edi Ramës për Reformën Zgjedhore, reagon Bardhi: Kryeministri kërkon të mbajë pushtetin me mjete antidemokratike

Opozita akuzoi dje kryeministrin Edi Rama se po tenton të bëjë pazar për miratimin e ligjeve që kërkojnë 84 vota si dhe për çështjen e reformës së re zgjedhore.

Kreu i deputetëve demokratë, Gazment Bardhi, reagoi pas deklaratave të kryeministrit Edi Rama në lidhje me reformën zgjedhore gjatë një konference me mediat. Sipas Bardhit, deklaratat e Ramës tregojnë ‘ mendësinë e rrezikshme antidemokratike që ka kryeministri për të mbajtur pushtetin me mjete antidemokratike’. Ai theksoi se beteja e opozitës në Kuvend është e drejtë dhe se Shqipëria ka nevojë për një Reformë Zgjedhore reale. “Edi Rama nuk ka interes të bëjë asnjë reformë që u shërben qytetarëve shqiptarëve. Pohimi në publik se po djeg me vetëdije Komisionin e Reformës Zgjedhore që të mos u japë shqiptarëve një reformë konsensuale dhe gjithëpërfshirëse që garanton standardet minimale për zgjedhje të lira dhe të ndershme, tregon edhe njëherë mendësinë e rrezikshme antidemokratike që ka Kryeministri i Shqipërisë për të mbajtur pushtetin me mjete antidemokratike. Deklaratat e Edi Ramës provojnë edhe njëherë sesa e drejtë është beteja e opozitës në Kuvend. Shqipëria ka nevojë për një Reformë Zgjedhore reale, konsensuale dhe gjithëpërfshirëse që adreson të gjitha rekomandimet e OSBE- ODIHR dhe që krijon kushtet e barabarta të garës reale për çdo palë politike në zgjedhje”, - shprehet Bardhi. Gjueti shtrigash për të blerë vota të deputetëve demokratë e cilësoi kreu i grupit parlamentar të demokratëve Gazment Bardhi porosinë që kryeministri Rama u dha të vetëve nga Shëngjini për të komunikuar me opozitën sa i përket miratimit në Kuvend të ligjeve që kërkojnë 84 vota. Edi Ramës ia bëri të qartë se kartonin jeshil demokratët e rreshtuar krah tij do ta ngrinë vetëm nëse ligjet i nënshtrohen proceseve transparente dhe kalojnë mbi bazën e dialogut e konsensusit me

Edi Rama nuk ka interes të bëjë asnjë reformë që u shërben qytetarëve shqiptarëve. Pohimi në publik se po djeg me vetëdije Komisionin e Reformës Zgjedhore që të mos u japë shqiptarëve një reformë konsensuale dhe gjithëpërfshirëse që garanton standardet minimale për zgjedhje të lira

opozitën. “Gjueti shtrigash në një proces të shëmtuar të blerjes dhe shitjes së deputetëve, opozita nuk është përfshirë dhe nuk do të përfshihet, ndërsa në procese që kanë në themel të tyre transparencën dhe dialog të sinqertë mes palëve politike, do të jemi gjithmonë gati”, - deklaroi Gazment Bardhi. Pushimet e gjata nuk e kanë ndryshuar qasjen mes palëve. Ai paralajmëroi se kaosi dhe tymueset do jenë kryefjalë e punimeve të Kuvendit edhe me nisjen e sesionit të ri parlamentar. “Sa kohë nuk ka asnjë reflektim nga mazhoranca, ky aksion do të

vijojë”, - shprehet Bardhi. Përsa u përket zhvillimeve në kampin opozitar, Bardhi e sheh si një hap pozitiv draftin e partive të vogla për krijimin e një

konfederate, por rezervat për Bashën vijojnë të mbeten të forta. “Nuk jam i sigurt nëse në këtë moment veprimtarinë që ka kryer z. Basha gjatë gjithë

kësaj periudhe mund të konsiderohet si pjesë e opozitës”, - theksoi kreu i deputetëve demokratë. Nisma për krijimin e federatës së opozitës

e propozuar nga partitë e vogla parashikon drejtimin nga një grup koordinator deputetësh, që pranohen nga të gjithë faktorët politikë.