Berisha, thirrje të rinjve: Pushtetet po grabiten, dilni dhe mbushni sheshet
Ish- kryeministri u përgjigjet kritikëve: Krahas Kushtetutës demokratike, kam edhe një të dytë, s’ma shkel dot njeri, përveç Zotit
Gjykata e Posaçme zbardhi dje vendimin për arrestimin e ish- kryeministrit Sali Berisha për çështjen e privatizimit të kompleksit “Partizani”.
Gjyqtarja Irena Gjoka për të cilën ish- kryeministri ka kërkuar 4 herë përjashtimin, arsyeton se Berisha në pozitën e ligjvënësit nuk duhet të kishte përkrahur mosbindjen ndaj vendimeve gjyqësore, as të përfitonte prej pozitës së tij. “Politikanët duhet të tregojnë përmbajtje dhe të mos përfitojnë nga pozita e tyre dominuese e mundshme në institucionet shtetërore për të heshtur kritikat, veçanërisht duke përdorur procedurat civile ose penale kundër kritikëve. Politikanët duhet që në parim të ruajnë besimin e popullit në institucionet demokratike dhe të shmangin përdorimin e argumenteve demagogjike kundër vendimeve të gjykatave, sulmojnë gjyqtarë individualë ose inkurajojnë mosbindje ndaj vendimeve gjyqësore”, - thuhet në vendim. “Është pikërisht funksioni që ushtron Sali Berisha si deputet i Kuvendit – vijon vendimi – që mund të ndikojë edhe në zhdukjen e provave”, ndërsa fakti që ai nuk i është bindur urdhrit të gjykatës krijon premisa që ai t’i shmanget hetimit. “Si ishKryeministër i Republikës së Shqipërisë, por edhe funksionit të tij aktual si deputet në Kuvendin e Shqipërisë, shtetasi nën hetim i lartpërmendur, për shkak të marrëdhënieve të krijuara si rezultat i ushtrimit të funksioneve të mësipërme dhe influencave që mund të ketë tek persona të tjerë, vijon të ekzistojë mundësia që të ndërhyjë dhe të ndikojë në prishjen apo asgjësimin e provave. Gjykata duke pasur parasysh rrethanat që kanë të bëjnë me personalitetin e tij, që lidhet pikërisht me moszbatimin e vendimeve të gjykatave, sa i përket diskutimit të rrezikut të largimit, në raport me faktin penal
“Sali Berisha ka një Kushtetutë të vendit, të cilën e ka respektuar me rigorozitetin më të madh, sepse ajo është Kushtetutë demokratike. Por krahas saj, kur kushdo që e shkel atë, Sali Berisha ka një kushtetutë të dytë që nuk ia shkel dot njëri mbi tokë, përveç Zotit dhe kjo është ndërgjegjja e tij. Mjer ai që mendon dhe beson se mund t’i shkelmojë kushtetutën supreme, kushtetutën e ndërgjegjes së tij”.
për të cilin ai dyshohet, çmon se këto rrethana vijojnë të jenë ende ekzistuese”, - citohet në vendim. Nga ana tjetër, gjyqtarja Irena Gjoka arsyeton edhe pse ndaj Berishës pranoi kërkesën e SPAK për t’i ndaluar komunikimin. “Mund të konsiderohet e nevojshme në disa shoqëri demokratike të sanksionohen apo edhe të parandalohen të gjitha format e shprehjes që përhapin, nxisin ose justifikojnë urrejtjen e bazuar në intolerancë, me kusht që ‘ formalitetet’, ‘ kushtet’, ‘ kufizimet’ ose ‘ gjobat’ e vendosura janë në proporcion me qëllimin legjitim të ndjekur”, - citohet në vendim. Sipas gjykatës, Berisha enkas nuk i ka zbatuar urdhërimet që e detyronin atë të paraqitej tek oficeri i Policisë Gjyqësore.
PROTESTA
Rrugë të shpresës dhe njerëzve të lirë e cilësoi dje lideri i opozitës rrugën poshtë pallatit të tij, ku prej disa ditësh demokratët po vazhdojnë protestat për arrestimin e tij. Në fjalën e mbajtur në tubimin e djeshëm, ai u kërkoi të rinjve që të ngrihen dhe të marrin fatin e vendit në dorë dhe të largojnë sa më parë Edi Ramën nga pushteti. “Përsëri kjo e keqe bëri që të gjitha pushtetet të përqendrohen, të grabiten, të mblidhen në duart e një personi. Studente dhe studentë, koha u thërret sot më shumë se kurrë, të ngriheni, të lini auditorët, të mbushni rrugët dhe sheshet, sepse universitetet tuaja po nuk u ngritët sot, pas 10 vitesh nuk do kenë më studentë. Sepse pedagogët tuaj do të largohen një nga një dhe vendin e tyre do e zënë trafikantët, kriminelët, militantët dhe injorantët”, - tha lideri demokrat. Ai u ndal edhe te mbledhja dyditore e qeverisë në Lezhë, duke akuzuar kryeministrin Rama se po qeveris me bandat dhe se është armiku më i egër i veriut, ku sipas tij, në 10 vitet e fundit është investuar 2 herë më pak sesa është vjedhur në incineratorin e Tiranës. Ishkryeministri Sali Berisha nga dritarja e banesës së tij, ku po vuan masën e sigurisë të arrestit të shtëpisë iu përgjigj të gjithë kritikëve që thonë se po shkel vendimet e gjykatës. Berisha tha se respekton Kushtetutën demokratike të vendit, por u shpreh se ka edhe një Kushtetutë të dytë, atë të ndërgjegjes së tij, që siç u shpreh ai, nuk ia shkel dot askush, përveç Zotit. “Kjo betejë, kjo rrugë po e tmerron atë çdo ditë. Dëgjoni dhe lexoni hajdutët, të cilët kanë frikë të tmerrshme, sepse nga mëngjesi deri në darkë gromësijnë vjedhjet e tyre. Dëgjoni çfarë thonë: Po shkel rregullat Sali Berisha, po shkel vendimet. Më lejoni t’ju them këtu: Or budallenj, unë jam Sali Berisha! Dëgjoni këtu, do t’ju them se Sali Berisha ka një Kushtetutë të vendit, të cilën e ka respektuar me rigorozitetin më të madh, sepse ajo është Kushtetutë demokratike. Por krahas saj, kur kushdo që e shkel atë, Sali Berisha ka një kushtetutë të dytë që nuk ia shkel dot njëri mbi tokë, përveç Zotit dhe kjo është ndërgjegjja e tij. Mjer ai që mendon dhe beson se mund t’i shkelmojë kushtetutën supreme, kushtetutën e ndërgjegjes së tij”, - theksoi Sali Berisha.