Rekordi, Argjentina "pushton" Premier Ligën
Kurrë më parë nuk ka pasur një fluks të tillë futbollistësh
Çdo ekip, pasi ka fituar një Kupë Bote, gëzon një reputacion të mirë në futbollin ndërkombëtar. Ka ndodhur me Francën pas ' 98ës ose me Spanjën pas titullit në Afrikën e Jugut.
Dhe tani është Argjentina ajo që gëzon avantazhet e Kupës së Botës dhe çfarë do të thotë të jesh në elitën globale. U desh pak kohë për "Albiceleste", por me Lionel Mesin dhe Skaloni lavdia erdhi në Katar, 36 vjet më vonë. E bashkë me të edhe rritja e vlerës së futbollistëve të saj. Premier Liga mund të dëshmojë përkushtimin për lojtarët e lindur në tokën e Maradonës. Ashtu siç ndodh me trajnerët spanjollë në stol, në elitën e futbollit anglez ka argjentinas kudo në skuadrat e tyre këtë sezon. Deri në hapjen e merkatos dimërore ishin 14, numri më i lartë në historinë e konkurrencës. Tani, me transferimin e menjëhershëm të Valentin Barkos te Brajtoni, numri do të shkojë në 15. Dhe ka të ngjarë të vazhdojë të rritet kur Klaudio "Djalli" Eçeveri t'i bashkohet Mançester Sitit.
KAMPIONËT E BOTËS
Lista kryesohet, natyrisht, nga ata të kurorëzuarit në Katar me Mesin. Pesë lojtarë iu bashkuan Argjentinës në grumbullimin në Kupën e Botës ndërsa luanin në Premier Ligë. Dibu Martinez ( Aston Vila), Julian Alvarez ( Mançester Siti), Aleksis Mek Alister ( tani te Liverpuli, por atëherë ishte te Brajtoni), Kuti Romero ( Totenhem) dhe Lisandro Martinez ( Mançester Junajtid) ishin pesë kampionët e botës që po luanin në Premier Ligë në momentin kur Skaloni shpalli listën. Në skuadër ishin edhe Enzo Fernandez, zbulimi i madh i turneut dhe Gonzalo Montiel, i përjetësuar me penalltinë që solli titullin. I pari luajti për Benfikën përpara se të bënte transferimi te Çelsi në merkaton e dimrit në këmbim të 121 milionë eurove. I dyti, nga ana e tij, ishte kampion bote te Sevilja përpara se të nisej për te Notingem Foresti këtë sezon.
LOJTARËT E KOMBËTARES
Një tjetër grup lojtarësh të Skalonit luajnë në Angli, edhe pse trajneri nuk i ftoi në Katar. Xhovani Lo Selso ishte emri më i njohur, i cili u la jashtë turneut për shkak të një dëmtimi. Në moshën 27vjeçare, ai ka fituar besimin e Ange Postekoglusë dhe, pas një huazimi në Spanjë, ai synon të stabilizohet te Totenhemi. Emiliano Buendia ( 27 vjeç), kampion i Kupës së Amerikës në vitin 2021, shpreson të rikuperohet nga lëndimi i tij për të kontribuar për Unai Emerinë tek Aston Vila. Ai është e kundërta e
Markos Senesi, i cili ftesat në kombëtare i ka sporadike, por është një lojtar fiks në mbrojtjen e Bornmëthit të Andoni Iraolës. Ashtu si edhe Nikolas Domingez, një transferim i Notingemit në merkaton e verës, i cili e ka çimentuar fort pozitën e tij në Premier Ligë këtë sezon, duke shënuar tre gola nga mesfusha.
PREMTIMET E MËDHA
Dhe, ashtu siç ata janë duke vënë baste për lojtarët e njohur, talentet e ardhshme argjentinase janë gjithashtu pjesë e ekosistemit të Premier Ligës. Alehandro Garnaço udhëheq paradën. I linduri në Madrid, talenti i Junajtidit është një nga asetet më të mira të skuadrës së Erik ten Hagut
dhe tashmë ka marrë ftesat e padiskutueshme nga "Albiceleste". Pas tyre vijnë dy që erdhën direkt nga kampionati argjentinas, si Julian te Siti. Aleho Veliz ( Totenhem) dhe Fakundo Buonanote ( Brajton), të cilët u blenë direkt nga Rosario Central. Në moshën 20 dhe 19 vjeç respektivisht, ata synojnë të marrin stafetën e futbollit të vendit të tyre në
nivel ndërkombëtar. Tani në listë janë emrat e 15- të dhe të 16- të që do të zbresin gjithashtu nga Premier Ligë. Valentin Barko ( Brajton) dhe Klaudio "Diablito" Eçeverri ( Mançester Siti) të cilët do të çojnë "Superklasiken" BokaRiver në ishullin britanik. Një pushtim më se i konsoliduar në kampionatin më të ndjekur sot në botë.