Kongresmeni amerikan, letër ambasadorit shqiptar në SHBA: Të mundësohet vota e emigrantëve!
Shqetësimi për moszbatimin e vendimit të Kushtetueses
Kongresmeni amerikan, Jim Himes, i ka dërguar një letër ambasadorit shqiptar në SHBA, Ervin Bushatit, për të ngritur shqetësimin e moszbatimit të vendimit të Gjykatës Kushtetuese mbi përmbushjen e bazës ligjore për mundësimin e procesit të votës se diasporës. Informacionin e publikoi Diaspora për Shqipërinë e Lirë, bashkëpresidenti i së cilës zhvilloi një takim me kongresmenin për të ngritur shqetësimin e moszbatimit të vendimit të Gjykatës Kushtetuese mbi përmbushjen e bazës ligjore për mundësimin e procesit të votës së diasporës. “Në vigjilje të skadimit të afatit të Gjykatës Kushtetuese, kongresmeni amerikan i kërkon zyrtarisht Shqipërisë mundësimin e votës së diasporës! Gjatë periudhës se festës së Nëntorit, bashkëpresidenti i Diaspora Për Shqipërinë e Lirë u takua në Kongresin Ameri
kan me kongresmenin Jim Himes për të ngritur shqetësimin e moszbatimit të vendimit të Gjykatës Kushtetuese mbi përmbushjen e bazës ligjore për mundësimin e procesit të votës së diasporës. Ky shqetësim prek drejtpërsëdrejti komuni
tetin shqiptaro- amerikan dhe zëri i tyre u mor parasysh nga kongresmeni! Në përkrahje të procesit, kongresmeni i ka dërguar një letër përfaqësuesit të shtetit shqiptar në SHBA, duke nënvizuar vendimin e gjykatës dhe nevojën e mundësimit të procesit sa më parë. Duhet të jetë e qartë për këdo se Shqipëria, pa zbatimin e vendimeve të gjykatave dhe pa mundësimin e votës së diasporës do t’i ketë të mbyllura dyert e integrimit. Gjejmë rastin të falënderojmë kongresmenin për përkrahjen e procesit!”, - thuhet në letër. E drejta e emigrantëve shqiptarë për të votuar nga jashtë vendit është tashmë e garantuar edhe nga Gjykata Kushtetuese. Gjykata Kushtetuese në fundin e vitit 2022 urdhëroi Kuvendin e Shqipërisë që të plotësojë Kodin Zgjedhor, në mënyrë që vota e emigrantëve të bëhet e zbatueshme për zgjedhjet parlamentare 2025, duke u lënë barrën e përgjegjësisë deputetëve që të përmbushin reformën elektorale të vitit 2020.