“Shqipëria më ka borxh 135 mln euro”, Becchetti do apelojë marrëveshjen Itali- Shqipëri
Sipërmarrësi italian, Francesco Becchetti rikthehet në sulm. Pronari i televizionit “Agon Channel” do të apelojë në Gjykatën Europiane marrëveshjen mbi emigrantët mes Italisë e Shqipërisë. Sipërmarrësi, i c i l i k a f i t u a r n j ë g j y q ndërkombëtar kundër qeverisë shqiptare, me një dëmshpërblim prej 135 milionë eurosh, ka informuar qeverinë italiane mbi përpjekjet e tij për sekuestrimin e shume që Italia synon t’i paguajë Shqipërisë me marrëveshjen për emigrantët, në bazë të protokollit të 6 nëntorit 2023. “Nëpërmjet avokatëve të tij, në nëntor të vitit 2023, sipërmarrësi italian ka informuar presidencën e Këshillit të Ministrave dhe të gjitha ministritë e qeverisë italiane se do të kërkojë në rrugë gjyqësore që të sekuestrohen të gjitha shumat që qeveria italiane ka marrë përsipër t’i paguajë qeverisë shqiptare për paktin e emigranteve”, - shkruajnë mediat italiane. Shqipëria do t’i japë Italisë dy zona pa pagesë për ngritjen e bazës së emigrantëve afrikane, një pikë mbërritjeje në portin e Shëngjinit dhe një bazë ushtarake në Gjadër rreth 30 kilometra larg portit. Të gjitha shpenzimet do të paguhen nga pala italiane. Nëse sipërmarrësi Becchetti fiton betejën me drejtësinë, marrëveshja ShqipëriItali për emigrantët do të hasë në një pengesë të madhe. Por për të mbërritur në këtë pikë, pakti i nënshkruar nga Meloni dhe Rama do duhet të marrë miratimin e Gjykatës Kushtetuese, e cila ka pezulluar ratifikimin e marrëveshjes, duke pranuar të kalojë për shqyrtim padinë e 30 deputetëve të opozitës.