“Zgjedhorja”, Bardhi apel Bashës: Mos i bashko votat me Ramën!
Drejt Kushtetueses edhe dy ligje të tjera, PD thirrje Presidentit: Mos mirato amendimet në Ligjin për Komisionet Hetimore!
Ditën e hënë fillon sesioni i ri parlamentar dhe opozitën do ta gjejë sërish në protestë dhe bllokim të seancës.
Pas mbledhjes së grupit parlamentar që zgjati rreth 3 orë, Gazmend Bardhi pranoi dje se është diskutuar edhe për bashkimin e PD- së, siç po funksionon grupi i deputetëve. Demokratët i kërkuan sërish Presidentit Begaj që të mos miratojë amendimet në Ligjin për Komisionet Hetimore, ndërsa paralajmëruan dërgimin në Gjykatë Kushtetuese të dy ligjeve të tjera, atij që i hap rrugën ndërtimit të Portit të Durrësit, si dhe Ligjit për Tatimin mbi të Ardhurat. Në mbledhjen e grupit parlamentar demokrat, ku për herë të parë mungoi lideri i opozitës Sali Berisha, deputetët ranë dakord të vazhdojnë mosbindjen civile. Gazmend Bardhi lajmëroi vijimësinë e aksionit opozitar, pavarësishrt se lideri Berisha është i izoluar në banesë. “Patjetër që opozita është në protestë dhe do ta vijojë. Kjo do të ndodhë dhe të hënën. Seanca e të hënës është që vjen kryetarja ju përshëndes dhe vit të mbarë. Kaq është thelbi i seancës. Nëse ka çështje të tjera, sigurisht që ne do të diskutojmë lidhur me këto. Është diskutuar çështja e bashkimit të PD dhe opozitës. Secili koleg ka dhënë mendimin e tij se si është mënyra më e mirë për të forcuar PD do jem para jush”, - theksoi Bardhi. Kreu i grupit parlamentar sqaroi arsyet pse deputetët e opozitës do të vazhdojnë të bllokojnë Kuvendin, duke theksuar se ligji i ri për komisionet hetimore është i papranueshëm. Bardhi e cilësoi të papranueshëm edhe qëndrimin e kryeministrit Edi Rama për reformën zgjedhore, duke theksuar se reforma duhet të jetë gjithëpërfshirëse dhe konsensuale. “Qëllimi i Edi Ramës është ta trajtojë reformën si mall që shitet në treg përmes trafikimit të votës opozitare. Sa i takon reformës zgjedhore, doli qartë skenari i mazhorancës pse kërkon të mbajë të bllokuar punën e komision
it, sepse qëllimi i Edi Ramës është ta trajtojë reformën zgjedhore si mall që shitet në treg, përmes trafikimit të votave opozitare për të realizuar një qëllim, atë të fitimit të zgjedhjeve me anë të rregullave që i cakton vetë. Reforma zgjedhore është caktim i rregullave të lojës mes palëve politike, duhet të
garantojë siç OSBE- ODIHR ka thënë dhe Rama gënjeu kur tha se nuk ka një detyrim për të bërë një reformë bipartizane zgjedhore. ODIHR ka folur për një reformë gjithëpërfshirëse, konensuale dhe që siguron një legjislacion të duhur zgjedhor”, - u shpreh Bardhi. Ai paralajmëroi Lulzim Bashën të
mos i bashkojë votat me shefin e qeverisë, Ramën, për të kaluar këtë reformë. “Kush mendon që do të sillet njëlloj si kerperatat e 2020- ës, nuk përfaqëson popullin opozitar dhe do të marrë përgjigje”, - tha ai. Bardhi iu kundërpërgjigj edhe akuzave të Lulzim Bashës se aksioni me tymuese i shër
ben mazhorancës socialiste. “Unë nuk di që përballjet me qeverinë bëhen nga divani i shtëpisë”, u shpreh kreu i deputetëve demokratë. Dje grupi parlamentar demokrat ka vendosur të çojë në Gjykatën Kushtetuese marrëveshjen për ndërtimin e portit të jahteve në Durrës dhe ligjin për profesionet e lira. Gazment Bardhi i bëri thirrje Presidentit Bajram Begaj që të mos dekretojë ligjin për komisionet hetimore. “Ne si grup parlamentar dhe si deputetë të opozitës i jemi drejtuar Presidentit, i bëj thirrje të bëhet garant i Kushtetutës së RSH- së. Ky është funksioni i Presidentit të Republikës dhe ne duam të besojmë se do të ngrihet në detyrën e Kushtetutës që ka marrë përsipër. Ky projektligj ka probleme kushtetuese. Presidenti të mos e dekretojë. E ka për detyrë që ta kthejë. I jam drejtuar institucionalisht Presidentit dhe pres që të zbatojë detyrimet e tij kushtetuese”, - tha Bardhi. Ai u pyet në lidhje për projektligjin për komisionet hetimore. Sipas Bardhit, është një gënjeshtër se është model gjerman, pasi sipas tij, është një ligj i bërë nga një komuniste si Ermonela Felaj. “Është gënjeshtër se projektligjin për komisionet e kanë marrë në modelin gjerman. Nuk ka lidhje fare, e ka bërë Ermonela Felajm që është një komuniste. Ka një dispozitë të veçantë që është për detyrimin e mazhorancës. S’kanë asnjë të drejtë të ndryshojnë objektin e kërkesës, nëse deputetët nuk janë miratimin. Ky është modeli gjerman. Ne nuk do të bashkohemi me federatën ruse, por me BEnë. Projektligji për komisionet hetimore i mbyll derën ligjit për komisionet, pasi është bërë një mënyrë të atij që objektin që do të hetohet, ta diktojë Edi Rama”, - tha Bardhi.