"Angazhimmeaktorëtpërzgjedhjeteardhshme", OSBE: Reforma zgjedhore të jetë konsensuale

OSBE apelon partitë politike që të bëjnë me konsensus reformën e re zgjedhore, ndaj kërkon angazhim të të gjithë aktorëve politikë për zgjedhjet e ardhshme parlamentare. Deputeti demokrat, Oerd Bylykbashi, përshëndeti deklaratën e OSBE- së në Shqipëri, të cilën e sheh në përputhje me qëndrimin e opozitës për një reforma gjithëpërfshirëse dhe konsensuale. Bylykbashi thekson se reforma zgjedhore është në qendër të debatit, sepse sipas tij, dhunimi i zgjedhjeve të 14 majit 2023 dhe shkelja e parimeve kushtetuese dhe ligjit zgjedhor nga kryeministri Edi Rama janë në themel të krizës politike, që ka kapluar vendin. "PD përshëndet deklaratën e Prezencës së OSBE- së në Shqipëri, e cila përfshin qëndrimin e partnerëve kryesorë ndërkombëtarë, në lidhje me reformën zgjedhore si dhe mirëpret gatishmërinë e organizatës për t'u angazhuar me ekspertizë në procesin e reformës, në përputhje me traditën dhe kontributin më shumë se 20- vjeçar të OSBEsë. Reforma zgjedhore është në qendër të debatit, sepse dhunimi i zgjedhjeve të 14 majit 2023 dhe shkelja brutale e parimeve kushtetuese dhe ligjit zgjedhor nga kryeministri Edi Rama në bashkëpunim me krimin, janë në themel të krizës politike që ka kapluar vendin", - tha Bylykbashi. Ai përmendi se qëndrimi i OSBE- së që reforma zgjedhore të përfshijë të gjitha partitë, zgjidhjet dhe ndryshimet në ligjin zgjedhor dhe ligjet e tjera duhet të materializojnë qëllimet e përbashkëta është plotësisht në përputhje me qëndrimin e PD dhe opozitës që reforma zgjedhore të jetë konsensuale dhe gjithëpërfshirëse si në proces dhe në rregullat e përbashkëta për zgjedhje të lira e të ndershme. "Rama kërkon të vendosë me ligj rregullat për vjedhjen e zgjedhjeve duke kërkuar 84 votat në shkëmbim të pazareve siç ka bërë vazhdimisht. PD kërkon në të njëjtën frymë me qëndrimin e OSBE bërjen me konsensus të reformës, që opozita të caktojë vetë dhe jo të caktojë qeveria kush bashkëdrejton komisionin dhe përfaqësimin e saj në komision. Çdo qëndrim refuzues për kërkesa të drejta që Partia Demokratike ia ka garantuar Partisë Socialiste në opozitë në vitet 2005- 2013, tregon vetëm synimin e Edi Ramës që në zgjedhjet e 2025- ës jo vetëm të mos lejojë votimin e diasporës, por edhe që votat e shqiptarëve të grabiten sërish", - deklaroi Bylykbashi.