E rrëzoi Senati, Presidenti Biden rikandidon Kostelancik për ambasador në Shqipëri
Emërimi i Kostelancik, ishte mes 43 kandidatëve për poste diplomatike që mbetën peng i bllokimit nga disa senatorë republikanë
Presidenti i SHBAve, Joi Biden, ripropozon David J. Kostelancik si kandidaturë për ambasador amerikan në Shqipëri. Ripropozimi i Kostelancik nga kreu i Shtëpisë së Bardhë i është bërë Senatit.
Diplomati i njohur, David J. Kostelancik, ishte propozuar për ambasador të SHBAve në Shqipëri në janarin e vitit 2023. Por në fund të dhjetorit 2023, Senati e refuzoi kandidaturën e tij për postin e ambasadorit në Shqipëri për shkak të tejkalimit të afateve. David J. Kostelancik, diplomati me karrierë 30- vjeçare, u ripropozua nga Presidenti Biden për të shërbyer si ambasador i Shteteve të Bashkuara në Shqipëri. "David J. Kostelancik, nga Illinois, anëtar karriere i Shërbimit të Jashtëm të Lartë, Klasa Ministër- Këshilltar, për të qenë Ambasador i Jashtëzakonshëm dhe Fuqiplotë i Shteteve të Bashkuara të Amerikës në Republikën e Shqipërisë", propozimi i Presidentit Biden. Tashmë pritet që kandidatura e nominuar të paraqitet në Senat ku zhvillohet një dëgjesë e më pas miratohet. Në nominimin e parë nuk e kaloi dot senati, pasi u tejkaluan afatet, bashkë me shumë propozime të tjera për ambasador. Diplomati i karrierës Kostelancik, u emërua për postin e ambasadorit të Shteteve të Bashkuara në Shqipëri në janar të vitit të kaluar. Kostelancik dëshmoi për përparësitë e tij para Komisionit të Senatit për Marrëdhënie me Jashtë në mars të vitit të kaluar. Në prill, Komisioni votoi pro konfirmimit të tij, por votimi i plotë i Senatit nuk u bë. David Kostelancik është një diplomat me karrierë të gjatë në DASH. Ai ka shërbyer dy herë si ambasador në Rusi dhe zëvendësambasador në Hungari. Në DASH ka drejtuar byronë për Europën Jugore si dhe zyrën për Rusinë. David Kostelançik flet gjuhët e huaja, ruse, hungareze, turke dhe shqip. Kostelancik ka shërbyer edhe më parë këtu në periudhën 1992- 1994, si përfaqësuesi i parë për çështjet politike dhe ekonomike në ambasadën e porsahapur amerikane në Tiranë. Vetëm pak ditë pasi u rrëzua në Senatin amerikan, për shkak të tejkalimit të afateve, emri i diplomatit amerikan David Kostelancik është propozuar sërish për ambasador të SHBAve në Shqipëri. Ai u emërua ambasador i SHBA në Tiranë nga Presidenti i SHBA, Joe Biden, në 24 janar të 2023, por emërimi i tij u rikthye sërish në Shtëpinë e Bardhë, pasi senati gjatë sesionit që u mbyll në fund të vitit të kaluar nuk futi në rend dite brenda afateve, votimin për konfirmimin e zotit Kostelancik dhe të dhjetëra të emëruarve të tjerë. Në bazë të një klauzole të rregullave të senatit thuhet se "emërimet që as nuk janë konfirmuar, as nuk janë hedhur poshtë nga Senati në kohën kur mbyllet sesioni legjislativ", i kthehen Presidentit. Siç e parashikon edhe procedura Presidenti Biden ka dërguar sërish të njëjtin emër, atë të diplomatit Kostelancik. Kur emri i tij të miratohet senati do të zëvendësojë Yuri Kim, ndërsa aktualisht selia diplomatike e SHBA në Shqipëri drejtohet nga i ngarkuari me punë David Vvisner, pas mbarimit të mandatit të Kim në korrik të këtij viti. Emërimi i Kostelancik, ishte mes 43 kandidatëve për poste diplomatike që mbetën peng i bllokimit nga disa senatorë republikanë që e kanë kushtëzuar konfirmimin me lëshime ndaj disa politikave që ata mbështesin. Kostelancik njihet si diplomat me një karrierë 30- vjeçare, ndërsa në Shqipëri ka shërbyer edhe më përpara në periudhën 1992- 1994, si përfaqësuesi i parë për çështjet politike dhe ekonomike në ambasadën e porsahapur amerikane në Tiranë.