Totenhemi i ngrin buzëqeshjen "djajve" Çelsi fiton derbin
Armando Broja 66 minuta në fushë në rolin e "ri" në fushë
Mançester Junajtid e shpërdoroi dy herë avantazhin, ndërsa forma e tyre në Premier Ligë vazhdon të lërë për të dëshiruar ( 1 fitore në 6 ndeshje), duke i lënë ata 8 pikë larg Totenhemit të vendit të katërt pas barazimit 2- 2 në "Old Trafford".
Me pronarin e ri Sër Xhim Retklif në tribunë, i cili ndoqi ndeshjen e tij të parë që kur bleu 25% të aksioneve, goli spektakolar i Hojlundit që në minutën e tretë dhe i Rashfordit pesë minuta nga fundi i pjesës së parë, u barazuan fillimisht nga Riçarlison në 19' dhe Bentankur në 46'. Por pavarësisht se skuadra e Postekoglusë e pa veten në disavantazh dy herë, ajo ishte skuadra që kontrolloi më mirë situatat e lojës, ndërsa debutuan edhe Timo Verner dhe Radu Dragushin. Sulmuesit gjerman, i cili asistoi golin e Bentankurit, iu mohua goli me kokë bashkë me Bentankurin, përpara se Riçarlison ta devijonte atë në rrjetë dhe shënuar golin e tij të gjashtë në po kaq ndeshje në kampionat. Londinezët vazhduan të dominojnë, ndërsa Romero goditi edhe shtyllën me kokë në shtesë përpara pjesës së parë. Pavarësisht gjithçkaje, Mektominej shpërdoroi një rast në shtesë për ta fituar ndeshjen, duke i dhënë një goditje shanseve të "djajve" për t'u afruar katër vendeve të para.
BLUTË DHE BROJA
Çelsi ka mposhtur Fulhamin në ndeshjen e vlefshme për javën e 21- të të Premier Ligës. Goli i vetëm i sfidës u shënua në shtesën e pjesës së parë nga Palmer me penallti. Përsa i përket Armando Brojës, ai e nisi sfidën si titullar dhe qëndroi në fushë deri në minutën e 66të. Në minutën e 21- të të sfidës, sulmuesi shqiptar pati një mundësi të mirë për gol, por nuk arriti ta shënjestronte portën si duhet. 22- vjeçari po përshtatet me një rol të ri në sulm, me Poçetinon që po nis ta rikthejë në një rol që ai e ka bërë në të shkuarën, në krah të sulmit, atje ku ai ka më shumë mundësi për të depërtuar dhe dribluar. Sipas statistikave të "Sofascore", e cila i vendosi notën 7, ai ka kryer me sukses 4 nga 6 driblimet që tentoi në derbi. Gjithashtu, në destinacion shkuan 14 nga 15 pasimet e tentuara.