Tensionet, BE- OSBE: Presim një Parlament funksional
Ambasadorët, të pranishëm në seancën e sesionit të ri parlamentar Mesazhi i ndërkombëtarëve: Mazhoranca dhe opozita të bashkëpunojnë për të ardhmen e vendit, të fokusohen te reforma zgjedhore
Pak orë para se Parlamenti të riniste punimet, Bashkimi Evropian i kërkoi shumicës socialiste dhe opozitës të bashkëpunojnë për të ardhmen evropiane të Shqipërisë.
Ambasadori i BE në Tiranë, Silvio Gonzato, u bëri thirrje partive politike që në agjendën e tyre të kenë integrimin e vendit. Dhe për të arritur këtë, nënvizoi diplomati i lartë do të duhet një Parlament funksional dhe efektiv për të çuar përpara reformat e kërkuara nga Brukseli. Apelin e tij për dialog dhe bashkëpunim, diplomati Gonzato, e bëri pas një takimi që ai zhvilloi me ministren për Marrëdhëniet me Parlamentin, Elisa Spiropali. Edhe OSBE reagoi pas nisjes së sesionit të ri parlamentar. Në reagim, OSBE shprehet se presin një parlament funksional dhe të fokusuar në reformat e nevojshme. “I urojmë sukses Kuvendit në nisje të sesionit të ri parlamentar! Presim me padurim ta shohim Parlamentin si platformën për debat politik, plotësisht funksional dhe të fokusuar te reformat e nevojshme, duke filluar nga ajo zgjedhore, në interes të qytetarëve. Koha deri në zgjedhjet e 2025- s është e shkurtër dhe mbetet shumë për të bërë”, - thuhet në reagim e OSBE- së. Sesioni i ri parlamentar nisi edhe dje pasdite në një atmosferë tensioni në sallë ku një pjesë e deputetëve demokratë, që mbështesin ish- kryeministrin Sali Berisha qëndruan në këmbë duke pamundësuar zhvillimin normal të seancës. Në hapje të këtij sesioni ishte parashikuar dhe një fjalim i Presidentit Bajram Begaj. Drejtuesja e seancës, zonja Lindita Nikolla, u kërkoi deputetëve të uleshin në vendet e tyre, ndërsa këta të fundit qëndronin me parulla kundër qeverisë në duar. Ata këmbëngulën që fillimisht të largoheshin punonjësit e gardës të rreshtuar përpara podiumit dhe vijuan me protestën, ndërsa akuzuan Presidentin se me praninë e tij, ishte vënë në shërbim të shumicës. Situa
ta e tensionuar e bëri të pamundur mbajtjen e fjalimit nga kreu i shtetit, i cili njoftoi se do ta lexonte më pas nga zyra e tij, mesazhin e përgatitur për t’iu drejtuar Parlamentit. Seanca e djeshme u parapri nga një deklaratë e ambasadorit të Delegacionit të Bashkimit
europian Silvio Gonzato, i cili u kujtoi forcave politike se zbatimi i reformave që kërkohen në rrugën e integrimit europian kërkon “funksionimin efektiv të parlamentit dhe një bashkëpunim të mirë midis të gjitha institucioneve”. Protestat e disa grupeve të
opozitës kanë nisur që prej muajve të fundit të vitit të kaluar, për shkak të mohimit sipas tyre të së drejtës për ngritjen e komisioneve hetimore apo dhe mosmarrjes në konsideratë të ndryshimeve që ata kanë kërkuar në përbërjen e Komisionit të Reformës Zgjedhore.