Masakra e Reçakut, liderët e Kosovës: Drejtësi për 45 civilët e vrarë nga serbët
Homazhet në kujtim të viktimave, Osmani- Walkerit: Faleminderit që u bëre zëri ynë kur nuk kishim zë!
Kosova përkujtoi dje 25- vjetorin e masakrës në Reçak, ku forcat serbe vranë mbi 45 civilë të pafajshëm shqiptarë. Presidentja e Kosovës, Vjosa Osmani, kryeministri Albin Kurti, kryeparlamentari Glauk Konjufca dhe ish- ambasadori William Walker bënë homazhe në varreza.
Në ceremoninë e zhvilluar presidentja Osmani dhe kryeministri Kurti bënë thirrje për drejtësi. "Kërkimi i drejtësisë nuk është thjesht një kërkesë është një detyrë e shenjtë që kapërcen kufinjtë, etnitë dhe përkatësistë politike. Familjet e të masakruarve të Reçakut të cilët vazhdojnë të mbajnë barën e humbjes dhe dhimbjes së anëtarëve të tyre meritojnë që autorët e këtij krimi kundër njerëzimit të dalin para drejtësisë". "Krimet e kryera gjatë luftës nuk vjetrohen asnjëherë siç nuk mund të fshihen nga historia e Serbisë që i kreu këto krime dhe nga historia e Kosovës e popullit të saj që i përjetoi me kaq shumë dhimbje dhe i trashëgoi më kaq shumë humbje e vuajtje", - deklaroi Kurti. Kryeministri Kosovar shigjetoi edhe presidentin serb Vuçiç. "Dihet se kush ishte atëherë ministër i Informacionit në qeverinë e Serbisë, Aleksandër Vuçiç. Atëherë nga pozita e ministrit të Informacionit, kurse sot nga ajo e Presidentit të Serbisë ky njeri e ka mohuar në vazhdimësi këtë krim kundër njerëzimit të kryer nga shteti i Serbisë", u shpreh Kurti. I pranishëm në ceremoni ishte edhe diplomati amerikan William Wolker. Masakra e Reçakut ndodhi në 15 janar të vitit 1999 ku në këtë fshat forcat serbe vranë 45 civilë shqiptarë mes tyre edhe një 14vjeçar. Presidentja Vjosa Os
mani bëri dje homazhe për viktimat e Masakrës së Reçakut, dhe me këtë rast e ka falënderuar sërish ishshefin e Misionit Verifikues të OSBE- së, William Walker, që i dha jehonë asaj që kishte ngjarë më 1999. "Jemi këtu për të falënderuar sërish ambasadorin ( Ëilliam) Ëalker që u bë zëri i të gjitha viktimave në një kohë ku ne fatkeqësisht nuk kishim zë", ka thënë Osmani në fjalën e saj në 25- vjetorin e Masakrës së Reçakut. "Në një kohë kur kishim nevojë për mbrojtjen e botës demokratike dhe ishte pikërisht Masakra e
Reçakut ajo që e ndërkombëtarizoi çështjen e Kosovës dhe nëpërmjet zërit të ambasadorit Ëalker u dëgjua edhe klithma e mijëra e mijëra viktimave shqiptare anekënd Kosovës", deklaroi Osmani. Presidentja i shprehu mirënjohje të thellë Walkerit edhe për punën e tij pas luftës në Kosovë, ku ka insistuar për të vërtetën që ngjau në këtë fshat të Shtimes, pavarësisht mohimeve të Serbisë. Masakra e Reçakut ishte masakrimi i 45 shqiptarëve nga Kosova në fshatin Reçak, me 15 janar 1999. Masakra u organizua dhe u krye nga
forcat policore, ushtarake dhe paraushtarake serbe. Serbia refuzon të ketë kryer masakër. Një ditë pas kryerjes së masakrës, William Walker, ambasadori i OSBE- së në Kosovë, vizitoi vendin e ngjarjes u tmerrua nga kufomat e masakruara. Ai deklaroi: "Nga ajo që pashë nuk ngurroj të përshkruaj ndodhinë si masakër dhe krim kundër njerëzimit. Kjo është ngjarja më trishtuese në jetën time". Lajmi i masakrës senzibilizoi opinionin ndërkombëtar për krimet serbe në Kosovë dhe i hapi rrugën bombardimeve të Natos në Serbi.