"Së pari vrasim Enverin, pastaj pushtohet RTSH", raporti i agjentit që tronditi Sigurimin
Arrestimi i Muhamet Osekut dhe survejimi i Robert Shvarcit, Prokop Nishkut, Janka Selimit, Demail Toles dhe Haki Katroshit
Për ruajtjen e pastërtisë së tyre, është ndërtuar puna agjenturore- operative dhe nga të dhënat rezulton se, shërbimi kryhet në rregull, ka vigjilencë etj. Duhet theksuar se vitin e kaluar nga radhët e policëve që kryenin shërbimin në Televizion, është marrë një polic në përpunim aktiv, për aktivitet armiqësor në agjitacion e propagandë, mbasi u vërtetuan të dhënat, ky polic u këshillua dhe u qit në lirim. Për ruajtjen fizike të institucionit, jemi të mendimit që të shtohet edhe një vend- roje në Radio, në hyrjen kryesore të brendshme. Kjo do të garantojë më mirë ruajtjen e institucionit, nga depërtimi i elementëve armiq dhe keqbërës, pasi në kushtet e sotme siç thamë më sipër, kjo gjë nuk garantohet plotësisht.
"Nga brenda RTSH- së ka të dhëna se është duke u përgatur një situatë alarmante. Njëri nga punonjësit aty ka deklaruar së fundi qëllimin e këtij organizimi të fshehtë. Ai është shprehur se fillimisht do të eliminojmë udhëheqësin kryesor dhe pastaj me dy- tre ushtarë do pushtojmë Radio Televizionin dhe prej andej do të trasmentojmë lajmin se diktatura u rrëzua".
I nënvizuar në njërin nga relacionet sekrete të Ministrisë së Brendshme, mesazhi në fjalë ka tronditur vet kupolën e Komitetit Qendror. Të dhëna të kësaj natyre rrjeti agjenturor i Sigurimit të Shtetit kishte zbuluar dhe në raste të tjera, por fakti që këtë radhë objekti i sulmit ishte eliminimi fizik i Enver Hoxhës, ca më tepër që mesazhi vinte nga një istitucion i rëndësisë së veçantë, e bënte dhe më tronditëse gjendjen. Dokumenti i Sigurimit nuk merret gjatë me historinë e autorit të kësaj deklarate, duke pohuar vetëm arrestimin e tij, por shtjellon me detaje situatën kritike me të dhëna të rikonfirmuara nga rrjeti agjenturor që operonte në fshehtësi në TVSH prej vitesh. Njëherazi me të arrestuarin Oseku që planifikonte eliminimin e udhëheqësit kryesor dhe pushtimin e istitucionit më të rëndësishëm të propagandës së regjimit, në relacionin e Sigurimit për Komitetin Qendror të Partisë përmenden emra të tjerë të gazetarëve dhe punonjësve të TVSH- së që paraqesin rrezikshmëri si kotigjente të kopromentuara nga agjenturat e huaja. Emra të tillë si ai i Robert Shvarsit, Prokop Nishkut, Janka Selimit, Demail Toles dhe Haki Katroshit janë në krye të listës që agjentura e fshehtë ka kostatuar si të dyshimtë në veprimtarinë armiqësore kundra partisë dhe pushtetit popullor. Relacioni "Për punën e bërë për sigurimin e Radio Televizionit dhe radiostacionet" që mban datën 27.8.1981, i nënëshkruar nga drejtori i Sigurimit të Tiranës Zef Loka, pasqyron sakaq një problematikë të zgjeruar që ka të bëjë me masat e marra nga organet e Ministrisë së Brendshme jo vetëm për garatimin e sigurisë fizike të objektit, por dhe rritjen e vigjilencës për evitimin e veprimtarisë armiqësore në radhët e punonjësve të istitucionit. Dokumenti në fjalë konfirmon emrat e dhjetëra e dhjetëra gazetarëve e operatorëve të televizionit, që janë ndjekur dhe survejuar nga Sigurimi i Shtetit, ku nuk mungojnë as emrat e disa prej atyre që janë konsideruar ikona të ekranit shqiptar.
Republika Popullore e Shqipërisë Ministria e Punëve të Brendshme Drejtoria e Punëve të Brendshme Ekzemplar Nr. 4
S E K R E T
Nr. 2396
Tiranë, më 27.8.1981
A N A L I Z A
Për punën e bërë për sigurimin e Radio Televizionit dhe radiostacionet
Ministrisë së Punëve të Brendshme
Drejtorisë I ( Degës së III) Tiranë
Në zbatim të porosive të dhëna nga ana juaj, me shkresën Nr. 2345, datë 9.7.1981, bëmë analizën e objekteve të rëndësisë së veçantë, Radio- Televizionin, antenën e Dajtit dhe radiostacioneve të Kamzës dhe Kasharit, nga e cila rezultoi:
Nga ana e Drejtorisë së Punëve të Brendshme, këto institucione janë konsideruar objekte të rëndësisë së veçantë, për shkak të rolit të tyre të madh si përçues së propagandës së Partisë, brenda dhe jashtë vendit dhe në arenën ndërkombëtare. Për funksionin që kryejnë, këto kanë qenë dhe mbeten objekt i veprimtarisë armiqësore dhe keqbërëse.
Nga ana jonë, në këto objekte është ndërtuar puna operative agjenturore, për të zbuluar dhe parandaluar çdo veprimtari të mundshme armiqësore e keqbërëse; për ruajtjen e pastërtisë në radhët e punonjësve. Njëkohësisht për ruajtjen e këtyre objekteve nga ana fizike, janë marrë edhe masa ushtarake. Për secilin objekt, gjendja paraqitet si më poshtë: RADIO- TELEVIZIONI
Në këtë objekt, punojnë 930 punonjës, gazetarë dhe teknikë, inxhinierë dhe operatorë, regjisorë dhe orkestrantë, etj. Në përbërje të Radio- Televizionit, nën varësinë e Drejtorisë së Përgjithshme, janë: Radioja e Brendshme, Radioja e Jashtme, Drejtoria Teknike, Drejtoria e Kuadrit, sektori ekonomik, Drejtoria e Tiranës për Radiostacionet dhe Televizioni.
Secila nga këto drejtori, ka disa redaksi e sektorë, sipas drejtimeve përkatëse. Për kohë lufte, ky objekt ka katër pika, të cilat ndodhen në Priskë, Martanesh, Gramsh dhe Tepelenë. Secila drejtori, ka rëndësinë e vet, por brenda çdo drejtorie, ka disa sektorë, të cilat janë ndër më të rëndësishmit, vende këto, ku dhe puna jonë agjenturoro- operative, është përqendruar më tepër.
Nga ana jonë u fillua çështja penale dhe u vërtetuan plotësisht të dhënat e agjenturës. Magazinieri me dy persona të tjerë, u pushuan nga puna, u detyruan të paguajnë vlerën e shpërdorimit, por çështja penale në ngarkim të tyre, u pushua për politikë penale.
Në bazë të informacionit të dhënë Komitetit të Partisë, zëvendësdrejtori i Përgjithshëm i Radio- Televizionit, u hoq nga kjo detyrë dhe u dërgua punëtor. Aktualisht janë marrë masa për ruajtjen e pronës socialiste, por kemi të dhëna se ka përsëri raste, sidomos në Televizion, që vidhen sende të ndryshme, si llamba, saraçineska, sende personale të punonjësve, etj. Këto të dhëna janë konsumuar me drejtuesit e Televizionit dhe nga ana tjetër, janë marrë masa për gjetjen e autorëve. Kemi mendimin që reparti i Policisë nuk duhet të kryejë detyrën e nëpunësit të rojës që duhet ta kryejë RTV- ja, si çdo institucion tjetër.
E themi këtë, mbasi Policia në Radio e Televizion, merret edhe me lajmërimin e punonjësve që thirren nga qytetarë të ndryshëm dhe në këtë mënyrë, largohet vëmendja nga detyra e tij kryesore, e nga kjo mund të përfitojë elementi armik, ose keqbërës, për t'u futur në institucion. Për këtë, kemi mendimin që në Radio- Televizion, të funksionojë nëpunësi i shërbimit gjatë orarit zyrtar, siç bëhet edhe në institucione, megjithëse ka roje policie.
Radio- Televizioni ka edhe detyrën e zhurmimit të stacioneve televizive të huaja, kryesisht të Jugosllavisë. Zhurmuesit janë vendosur në disa pika dominuese të Tiranës, por nga të dhënat që kemi patur, rezulton se jo kurdoherë ato funksionojnë mirë dhe në disa raste, janë dëmtuar nga persona të panjohur. Nga analiza që i është bërë këtij problemi, me drejtuesit e Radios, teknikë, ka dalë se këta zhurmues, nuk janë vendosur në të gjithë vendet ku ka mundësi që të ruhen, e nga kjo elementë të ndryshëm, kanë përfituar.
Është vendosur që këta zhurmues, pas një studimi që do të bëhet nga sektori teknik i Radios, të vendosën në pika të përshtatshme, ku ekzistojnë mundësitë për t'u ruajtur nga roje
ushtarake, apo civile, për këtë problem, ju kemi informuar me shkresën tonë, Nr. 831, dt. 17.3.1981.
Për ruajtjen fizike të këtij institucioni, nga ana e Batalionit të Objekteve, janë vendosur shtatë vend- roje, nga të cilat, tre jashtë dhe katër brenda institucionit. Për raste gatishmërie, shtohet edhe një vend- roje tjetër. Në përgjithësi, detyrat që kanë këto vend- roje, i kanë kryer mirë dhe nuk kemi pasur ndonjë rast që të jetë bërë problem.
Për ruajtjen e pastërtisë së tyre, është ndërtuar puna agjenturore- operative dhe nga të dhënat rezulton se, shërbimi kryhet në rregull, ka vigjilencë etj. Duhet theksuar se vitin e kaluar nga radhët e policëve që kryenin shërbimin në Televizion, është marrë një polic në përpunim aktiv, për aktivitet armiqësor në agjitacion e propagandë, mbasi u vërtetuan të dhënat, ky polic u këshillua dhe u qit në lirim.
Për ruajtjen fizike të institucionit, jemi të mendimit që të shtohet edhe një vend- roje në Radio, në hyrjen kryesore të brendshme. Kjo do të garantojë më mirë ruajtjen e institucion