Deklarata, Bylykbashi: Ambasadorët kërkojnë reformë gjithëpërfshirëse
Deputeti i PD- së, Oerd Bylykbashi, reagoi në lidhje me Reformën Zgjedhore, teksa tha se reagimet e të njëpasnjëshme e pa vonesë të përfaqësuesve të BE, SHBA dhe Mbretërisë së Bashkuar, nxorën në pah pavërtetësinë e deklaratave të Lulzim Bashës. Sipas tij, ambasadorëtr kërkuan qartazi që reforma të trajtojë me konstruktivitet dhe gjithëpërfshirje problemet zgjedhore. Gjithashtu, thotë se në reagimet e tyre, nuk ka asnjë mbështetje për deklaratën e kryeministrit Rama që deklaroi se për reformën zgjedhore do të kërkojë thjesht shumicën numerike të 84 votave. "Komisioni i Reformës Zgjedhore është bipartizan dhe konsensual vetëm nëse reflekton raportet reale të forcave politike në mazhorancë dhe opozitë, vetëm nëse Partia Demokratike, përfaqësuesja reale e shumicës dërrmuese të votuesve opozitarë, zotëron bashkëdrejtimin e komisionit dhe veton që garanton konsensusin real politik mazhorancë- opozitë", shkruan ndër të tjera Bylykbashi. Ai përmendi se "Në vitin 2001, rekomandimet e OSBE/ ODIHR- it dhe rezoluta e Parlamentit Europian i kërkuan mazhorancës socialiste në parlament të ngrinte një komision reforme zgjedhore bipartizan, mazhorancë- opozitë, ku dy forcat reale më të mëdha të kishin bashkëdrejtimin e komiaionit dhe veton që pengonte vendime të njëanshme dhe garantonte konsensus, sidhe përfshirjen e të gjitha forcave politike. Ky qëndrim ishte një distancim i qartë nga reforma e njëanëshme me shumicë numerike e vitit 2000, kur PD, forca reale drejtuese e opozitës, u shmang nga reforma".