Tkurrja e popullsisë, INSTAT: Në qershor të dhënat e para
Dhuli: "Nuk është e vërtetë që ka 1.7 milionë rezidentë në Shqipëri, informacioni është i pasaktë. Ende nuk ka dalë numri ekzakt"
Zërat që flasin për një tkurrje të popullsisë në 1.7 milionë banorë, nuk do të shuhen edhe për pak muaj.
Drejtoresha e Institutit të Statistikave, Elsa Dhuli bëri një dalje për mediat pikërisht për të sqaruar këtë pikëpyetje duke hedhur poshtë çdo aludim jo zyrtar shifrash që qarkullon derimë tani.
"S'JANE 1.7 MILIONE"
"Nuk ka 1.7 milionë rezidencë, informacioni është i pasaktë. Ende nuk ka dalë numri ekzakt i rezidentëve në Shqipëri. Unë kam një staf të ngushtë dhe profesionist që po merret me përpunimin e të dhënave. Të dhënat e grumbulluara do të kalojnë në procese të rëndësishme statistikore si pastrimi, përpunimi dhe tabelimi. Kjo është një praktikë e zakonshme statistikore për të siguruar që informacioni që do të ndahet me publikun është cilësor, i saktë dhe i besueshëm. Për tri censet e kryera nga INSTAT, qershori ka qenë afati më i afërt i publikimit pas përfundimit të mbledhjes së të dhënave në terren, duke përfshirë dhe Anketën e Pas Cens, e cila u përfundua në dhjetor 2023. Të dhënat e censit do të jenë gati për publikim në muajin qershor 2024", deklaroi drejtoresha e INSTAT teksa shton më tej se këto të dhëna janë pjesë integrale e planit të punës së INSTAT që reflektojnë informacionin më të fundit statistikor për vendin.
PENALITETET
Lidhur me procesin e gjobave, Dhuli pranoi se ka pasur raste kur qytetarët kanë refuzuar të plotësojnë pyetësorin, por nuk konfirmoi për gjoba të vendosura pasi ende po analizohet
KUR DO TË PUBLIKOHEN TË DHËNAT
procesi. "Për një numër të saktë nuk mund ta them, kemi pasur raste të refuzimeve, në nivele minimaliste. krahasuar me vitet e mëparshme janë të vogla pasi ka qenë fushatë ndërgjegjësimi e madhe. Madje, kemi pasur raste të shumta në numër ku qytetarët kërkonin të bëheshin pjesë. Lidhur me gjobat, duhet ta analizojmë procesin, pastaj mund të fillojmë me procese të mëtejshme".
Censi për Popullsinë dhe Banesat u zhvillua në fund të vitit të kaluar. Të dhënat që do të publikohen do të përmbajnë informacion të detajuar mbi demografinë, ekonominë, arsimin dhe shëndetësinë, duke ofruar statistika të nevojshme për të gjithë grupet e përdoruesve. Rezultatet e censit do të ofrojnë një bazë të fortë për planifikimin e politikave publike dhe do të ndihmojnë në zhvillimin e programeve që synojnë përmirësimin e jetës së qytetarëve. Gjithashtu, ato do të kontribuojnë në përmirësimin e shërbimeve dhe infrastrukturës, si dhe do të ndihmojnë në monitorimin e progresit të vendit në arritjen e objektivave të zhvillimit të qëndrueshëm. Në terren kanë qenë 7500 anketues.
"Nuk ka 1.7 milionë rezidencë, informacioni është i pasaktë. Ende nuk ka dalë numri ekzakt i rezidentëve në Shqipëri. Unë kam një staf të ngushtë dhe profesionist që po merret me përpunimin e të dhënave. Të dhënat e grumbulluara do të kalojnë në procese të rëndësishme statistikore si pastrimi, përpunimi dhe tabelimi. Kjo është një praktikë e zakonshme statistikore për të siguruar që informacioni që do të ndahet me publikun është cilësor, i saktë dhe i besueshëm.
Vjet 13 mijë depistime, në 2024 vijojnë kontrollet për shikimin në të gjitha shkollat
Mbi 107 mijë fëmijë kanë përfituar nga program i depistimit të shikimit në shkolla. Shifrat i ka bërë me dije kryeministri Edi Rama përmes një postimi në rrjetet sociale. Kreu i qeverisë thotë nga kontrolli i tyre, rreth 12, 974 nxënës janë referuar për vizitë tek mjeku specialist për ndjekjen e problematikave të shfaqura. "Me politikat e orientuara drejt parandalimit, vijojmë edhe gjatë vitit 2024 mbështetjen financiare për Programin e Depistimit të Shikimit për nxënësit në shkolla!", përmbyll shkrimin Rama. Qeveria miratoi në prill të 2022- shit Programin Kombëtar për Kujdesin e Shikimit për Fëmijët, një program që garanton kujdesin në shikimit për fëmijët, që tek të porsalindurit, deri tek fëmijët në moshën 14- vjeçare. Përmes këtij programi sigurohet vlerësimi okulistik/ optometrik bazuar në protokollet e miratuara nga MSHMS dhe përgatitja e një regjistri kombëtar për problemet e shikimit të fëmijëve. Nëpërmjet këtij program synohet që të kapen në kohë të gjithë problematikat e shikimit të fëmijëve, duke mundësuar në kohë të hershme elementët e tjerë që kanë të bëjnë me korrektimin e shpejtë të syve dhe problematikave të thella të shikimit, që çojnë deri në verbëri. Ky program ka fokus parandalimin dhe edukimin duke ofruar shërbime të reja socio- shëndetësore në strukturat e arsimit.