Incidenti dhe “kaosi” në Kuvend, PS: Tëpërjashtohenbardhienoka
Kryetarja e Kuvendit dënon sjelljen e Bardhit dhe Nokës: Sulm i paprecendent ndaj një zonje deputete
Partia Socialiste kërkon përjashtimin nga Parlamenti që Gazment Bardhit dhe Flamur Nokës pas incidenteve në seancën e parë në Kuvend për këtë vit.
Ata kërkojnë po ashtu që Komisioni i Etikës të marrë masë disiplinore ndaj tyre për bllokimin e mbledhjes së sotme të Komisionit të Medias. Më herët, kryetarja e Kuvendit, Lindita Nikolla, dënoi sjelljen e deputetëve Gazment Bardhi dhe Flamur Noka ndaj kryetares së Komisionit të Medias, Flutura Açka. Ndërsa e cilëson si sulm të paprecedent ndaj një deputeteje të Kuvendit, ajo thekson se kjo që ndodhi sot është shumë më tepër se shkelje e Rregullores së Kuvendit dhe Etikës. “Dënoj ashpërsisht ngjarjen shumë të rëndë që ndodhi sot në Komisionin e Medias të Kuvendit të Shqipërisë. Deputetët Gazment Bardhi dhe Flamur Noka, jo vetëm penguan me dhunë zhvillimin e mbledhjes së Komisionit, por fyen rëndë kryetaren e Komisionit, deputeten e nderuar Flutura Açka. Ky sulm i paprecendent ndaj një zonje deputete të Kuvendit të Shqipërisë, është shumë më tepër se shkelje e Rregullores së Kuvendit dhe e etikës së sjelljes së deputetit. Në një kohë kur Kuvendi është duke punuar për ashpërsimin e legjislacionit kundër dhunës ndaj grave, në mjediset e tij, në një sallë mbledhjesh ku duhet të zhvillohet debat për ligjet dhe prej nga duhet të rrezatohet edukatë dhe qytetari, në sy të kolegëve, medias dhe gjithë qytetarëve, dy deputetë ushtrojnë dhunë ndaj një kolegeje të tyre, deputete dhe Kryetare Komisioni. Dhuna e ushtruar prej deputetëve Bardhi dhe Noka i kaloi caqet e dhunës verbale, dhe për këtë flasin pamjet e transmetuara nga media”, shkruan Nikolla. Skena të papranueshme i cilësoi ambasadori holandez në Tiranë, tensionet që degraduan në dhunë verbale sot në Komisionin e Mediave. Në një reagim në rrjetin social “X”, ambasadori holandez shkruan: “Ske
na të pa pranueshme në Kuvend. Nuk do t’i shfaq pamjet”. Kujtojmë se paraditen e djeshme gjatë mbledhjes së Komisionit të Medias, Noka dhe Bardhi patën përplasje me demokraten Flutura Açka. Bardhi dhe Noka i kërkuan Açkës të ndërpresë komisionin dhe “mos t’i shërbejë Edi Ramës”, siç thanë ata. “Mos u bëni fasadë, ngri zërin për
komisionet hetimore. Ngri zërin për të drejtat e opozitës. Në atë karrige je aty me votat tona. Leji deklaratat, përrallat e Edi Ramës o Flutura. Je me votën time aty, nuk je me votën e Evis Kushit. E kemi pasur përballë Evis Kushin. Po i shërben Edi Ramës. Turp. Fike mikrofonin tani. Turp se je dhe zonjë, ti shërbesh Edi Ramës. Për
çfarë i bën këto skena tani”, ju drejtuan Gazment Bardhi dhe Flamur Noka, Flutura Açkës. Mes tyre pati edhe përplasje pasi deputetët Noka dhe Bardhi fikën mikrofonat me forcë, teksa përdornin edhe zhurmues për të mos lejuar diskutimet. Pas këtyre tensioneve, mbledhja e Komisionit të Medias e drejtuar nga Flutura Açka u mbyll.