PE: Në Reformën Zgjedhore të përfshihet edhe opozita

“Komisionet hetimore u miratuan pa konsensus”, Brukseli: Të përdoren për të forcuar llogaridhënien dhe qeverisjen demokratike

Parlamenti Evropian miratoi dje projektrezolutën për Shqipërinë, duke bërë thirrje që në Reformën Zgjedhore të përfshihet e gjithë opozita.

Sa u takon komisioneve parlamentare hetimore theksohet se ndryshimet u miratuan pa konsensus, ndërsa thuhet se duhet të përdoren për të forcuar llogaridhënien dhe qeverisjen demokratike. “Theksohet funksioni jetik i kontrollit dhe balancimit të parlamentit, duke theksuar nevojën për komisione hetimore. Evidentohet se ligji i ri për komisionet hetimore parlamentare u miratua pa konsensus. Kërkon përdorimin e mjeteve të ndryshme të mbikëqyrjes duke përfshirë komisionet hetimore, për të forcuar llogaridhënien dhe qeverisjen demokratike në Shqipëri”, - thuhet ne raport. Komisioni i Stabilizim- Asociimit në Parlamentin Europian shprehu dje keqardhjen që pavarësisht krijimit të komitetit ad hoc për Reformën Zgjedhore në shkurt 2022, nuk është bërë asnjë përparim as në miratimin e ndonjë teksti dhe as në adresimin e rekomandimeve të pazgjidhura të OSBE/ ODIHR dhe Komisionit të Venecias. Në këtë mbledhje u trajtuan çështje si sundimi i ligjit, lufta kundër krimit të organizuar dhe korrupsionit, politikat e zhvillimit ekonomi, media, shoqëria civile, rinia dhe marrëdhëniet e fqinjësisë së mirë dhe bashkëpunimit rajonal. PE në këtë mbledhje ka miratuar rekomandimet për projektrezolutën për Shqipërinë, ku kërkohet që në Reformën Zgjedhore të përfshihet edhe opozita dhe po ashtu komisionet hetimore të përdoren për të rritur llogaridhënien. Komiteti i stabilizim- asocimit BE- Shqipëri në Bruksel mblodhi dje tryezën e parë parlamentare, ku mazhoranca dhe opozita diskutuan pa i penguar njëritjetrit fjalën e për më tepër, të dyja palët miratuan me konsensus deklaratën finale të këtij komiteti. PS- ja miratoi të gjitha kërkesat e demokratëve për të futur tek rekomandimet shqetësimet e opozitës për Reformën Zgjedhore dhe komisionet hetimore dhe në emër të

qeverisë shqiptare ministri për Punët e Jashtme dhe Evropën, Igli Hasani, theksoi se integrimi mbetet prioritet për Tiranën zyrtare. “Qeveria dhe qytetarët e Shqipërisë presin të hedhin hapin tjetër

në procesin e integrimit, duke hapur negociatat për kapitujt themelorë pa vonesa të mëtejshme në fillimin e vitit 2024”, - tha ministri për Europën dhe Punët e Jashtme, Igli Hasani. Por dy deputetët e opozitës në

këtë takim, Jorida Tabaku dhe Gazment Bardhi folën me shqetësim për kontrollin e ekzekutivit mbi gjyqësorin, si dhe mohimin e të drejtave kushtetuese të kësaj të fundit për komisionet hetimore.