“Parlamenti, jofunksional”, Bardhi në PE: PS bllokoi komisionet dhe “Zgjedhoren”
“Nuk kemi parë dorë të shtrirë nga mazhoranca, por vetëm arrogancë” Debate Shqipëri- Greqi në Komitetin Parlamentar të PE, ministri Hasani: “Beleri” nuk është çështje europiane, por i përket drejtësisë
Komiteti i stabilizim- asocimit BE- Shqipëri në Bruksel mblodhi dje tryezën e parë parlamentare, ku mazhoranca dhe opozita diskutuan pa ia penguar njëritjetrit fjalën e për më tepër të dyja palët miratuan me konsensus deklaratën finale të këtij komiteti.
Por opozita e njohu Parlamentin Europian me shqetësimet e saj lidhur me bllokimin e reformave dhe hetimin parlamentar. Në emër të PD- së, Jorida Tabaku dhe Gazmend Bardhi përcollën në Bruksel situatën në Parlament dhe qasjen e mazhorancës qeverisëse. “Aktualisht ne po diskutojmë për ligjin, për komisionet hetimore dhe rolin që opozita duhet të luajë dhe jam e keqardhur të them se ligji i ri për komisionet hetimore nuk është konsensual”, - tha kryetarja e Komisionit të Integrimit, Jorida Tabaku. Sipas Bardhit, parlamenti është jofunksional prej 3 muajsh. “Ashtu siç raporti i KE- së evidenton, prej 22 muajsh në Kuvend ne kemi rënë dakord të ngremë një komision bipartizan për të realizuar reformën zgjedhore që është bllokuar, nuk ka kryer asnjë veprimtari, nuk ka zhvilluar asnjë mbledhje. Nëse analizon 2 raportet e fundit të misionit të vëzhguesve të OSBE ODIHR, do të vërehen çështje që vënë në pikëpyetje garantimin e standardeve për zgjedhje të lira dhe të ndershme në Shqipëri. Qoftë raporti i vitit 2021, qoftë raporti i vitit 2023 evidenton fenomenin e shitblerjes së votës, keqpërdorimit të burimeve shtetërorë apo abuzimit me nëpunësit e administratës publike në funksion të frikësimit të votuesve apo orientimit të votave. Kjo është një çështje që do të duhet të adresohet përmes reformës zgjedhore, por për fat të keq, gjatë këtyre 22 mua
“Qoftë raporti i vitit 2021, qoftë raporti i vitit 2023 evidenton fenomenin e shitblerjes se votës, keqpërdorimit të burimeve shtetërore apo abuzimit me nëpunësit e administratës publike në funksion të frikësimit të votuesve apo orientimit të votave. Kjo është një çështje që do të duhet të adresohet përmes reformës zgjedhore, por për fat të keq gjatë këtyre 22 muajve puna e komisionit është penguar të prodhojë një produkt që do t’i garantonte Shqipërisë zgjedhje të lira dhe të ndershme vitin e ardhshëm”.
jve puna e komisionit është penguar të prodhoje një produkt që do t’i garantonte Shqipërisë zgjedhje të lira vitin e ardhshëm”, - tha Bardhi.
ÇËSHTJA “BELERI”
Çështja “Beleri” ndezi sërish Brukselin, ku nga takimi i 17- të i Komitetit Parlamentar të Stabilizim Asociimit BE- Shqipëri, kreu i këtij organi, Manolis Kefalogiannis kërkoi shpjegim nga ministri për Evropën dhe Punët e Jashtme Igli Hasani. Për Greqinë, e cila disa herë ka kërcënuar autoritetet shqiptare me veto sa i përket integrimit europian, kjo është një çështje që i tejkalon dy vendet, madje këtë qëndrim e përforcoi nga Tirana edhe kryeministri grek Mitsotakis. “Është fjala për Fredi Belerin, një kryebashkiak nga minoritetet dhe që i përket opozitës. Pyetja ime lidhet me vendimin e Parlamentit Europian lidhur me lirimin e menjëhershëm ose për mundësinë që ai të betohet, si dhe për lejen që duhet të japë qeveria shqiptare në mënyrë që ai të largohet nga burgu. A ka përparime për këtë vendim dhe a e ka marrë qeveria shqiptare seriozisht letrën që shoqëron opinionin Këshillit Europian për kursin ekselent të Shqipërisë. Në ç’fazë ndodhet kjo çështje, pasi u zbulua se ata që dy ditë para zgjedhjeve në Himarë denoncuan Fredi Belerin, të njëjtët deklaruan se ai dha para dhe iu ushtruan presionit nga policia shqiptare për të gënjyer e për të thënë se kishin marrë para nga Fredi Beleri”, - tha Kefalogiannis. Në kundërpërgjigje, ministri Hasani u shpreh se kjo çështje i përket organeve të drejtësisë, të cilat funksionojnë të pavarura nga ekzekutivi. “Takimi sot nuk është për çështje personale të dikujt. ‘ Beleri’ nuk është çështje evropiane, por e organeve të drejtësisë në Shqipëri. Shqipëria pret t’i bashkohet familjes së BE. Koha kur gjykatat trajtohen si përkatësi partiake ka mbaruar”, - tha Hasani. Gjatë takimit të Komitetit Parlamentar të Stabilizim Asociimit BE- Shqipëri, ministri Hasani u shpreh se Shqipëria do të vazhdojë në rrugën e reformave, përfshirë atë të drejtësisë. Sipas kryediplomatit shqiptar, rezultate konkrete janë shënuar nga SPAK lidhur me hetimet që po kryhen për zyrtarë të lartë, si dhe në sekuestrimin e konfiskimin e aseteve të eksponentëve të krimit të organizuar. “Ne mezi presim hapin tjetër në negociatat tona të pranimit. Reforma gjithëpërfshirëse në drejtësi ka vazhduar, duke rezultuar në një progres të mirë në përgjithësi, procesi i vetingut ka vazhduar të përparojë në mënyrë të qëndrueshme, SPAK- u ka vijuar veprimtarinë e tij, veçanërisht duke dhënë disa vendime të rëndësishme përfundimtare për çështje që kanë të bëjnë me zyrtarë të lartë”, - tha Hasani. Por duket se nuk ishin vetëm përfaqësuesit grekë, ata të cilët folën për ndërhyrje të qeverisë në sistemin e drejtësisë.