Samiti i Shkupit, SHBA- të dhe BE mbështesin tregun e përbashkët europian

Plani, BE: Rrit ekonominë dhe përshpejton integrimin. SHBA: Mbështesim idenë, dhamë 200 mln dollarë për Ballkanit Perëndimor

Liderët e Ballkanit Perëndimor dhe përfaqësues të BEsë e SHBA- ve zhvilluan dje në Shkup një takim, ku në fokus ishte plani i rritjes i Komisionit Europian për rajonin tonë.

Pikërisht samiti i djeshëm kishte në qendër të diskutimeve mënyrën se si do të ndahen 6 miliardë euro që Bashkimi Europian ka vendosur në dispozicion të Ballkanit Perëndimor si pjesë e planit ekonomik të rritjes. Përfaqësuesi i BE- së, Gert Jan Koopman, por edhe Ndihmës Sekretari Amerikan i Shtetit James O’brien, që ishin pjesë e këtij takimi rajonal u kujdesën t’ju thonë liderëve ballkanikë se çdo tentativë për të bllokuar fqinjët do të ketë kosto ekonomike për vetë ata. “Nuk do të ketë mundësi për t’u bërë pjesë e tregut të përbashkët europian, nëse tentoni të bllokoni fqinjët tuaj”, - deklaroi Gert Jan Koopman. Kurse James O’brien u shpreh: “SHBA- të kanë dhënë 200 mln dollarë për rajonin tuaj, por tani jemi fokusuar që t’ju ndihmojmë të përfshihen të gjithë në tregun e vetëm rajonal. Drejtori i përgjithshëm për Negociatat për Zgjerim dhe Fqinjësi në Komisionin Europian, Gert Jan Koopman ishte i pranishëm në takimin e djeshëm në SHKUP, ku theksoi se plani i rritjes do ta ndryshojë rajonin. Sipas tij, ky plan ka për qëllim që të përshpejtojë integrimin dhe të rrisë ekonominë. “Ne tentojmë t’ju ndihmojmë për shkak se konsiderojmë se plani i rritjes do ta ndryshojë rajonin në mënyrë potenciale. Logjika është se plani i rritjes mund të zgjidhë konvergjencën e rajonit dhe me këtë mund ta përshpejtojë aderimin në BE me çka do të përshpejtohet procesi i aderimit. “Sot ne shohim planin e përbashkët rajonal në suazat e planit për rritje dhe konsiderojmë që kjo është

“Ne tentojmë t’ju ndihmojmë për shkak se konsiderojmë se plani i rritjes do ta ndryshojë rajonin në mënyrë potenciale. Logjika është se plani i rritjes mund të zgjidhë konvergjenën e rajonit dhe me këtë mund ta përshpejtojë aderimin në BE me çka do të përshpejtohet procesi i aderimit. Sot ne shohim planin e përbashkët rajonal në suazat e planit për rritje dhe konsiderojmë që kjo është kyç për nxitjen e rritjes. Qëllimi është që të dyfishohet ekonomia”.

kyç për nxitjen e rritjes. Qëllimi është që të dyfishohet ekonomia”, - tha Koopman. Një nga pikat kyçe të këtij plani është edhe hyrja në tregun e brendshëm, ku Koopman tha se nevojitet shumë punë. Kjo sipas tij mund të arrihet nëse qeveritë e rajonit e konsiderojnë atë një prioritet të lartë. “Ne do t’ju ndihmojmë që të integroheni mes vete derisa integroheni në tregun e brendshëm, konsideroj se është i rëndësishëm se pa integrim të rajonit nuk mund t’i shfrytëzoni mjaftueshëm leverditë e tregut të brendshëm. Prandaj vendosëm kusht në këtë pjesë të planit të rritjes që thotë se ju nuk duhet t’i bllokoni fqinjët tuaj. Mund të bllokoni vetveten. Nëse i bllokoni fqinjët, nuk do të ketë mundësi për hyrje në tregun e brendshëm pasi kostoja e përbashkët e bashkëpunimit është shumë e lartë. Potenciali është shumë i lartë”, - tha Koopman. I pranishëm në këtë takim ishte edhe ndihmës Sekretari Amerikan i Shtetit, James O’brien, i cili tha se SHBA e mbështet idenë. “Me pak mund t’i bëjmë gjërat më mirë. Koopman theksoi si mund ta bëjmë këtë. Ta sqaroj qëndrimin e SHBA. Ne i mbështesim aspiratat prej vitit 1996 dhe këtë e diskutuam edhe atëherë. Asnjëherë nuk keni qenë më afër, kurse përparimi na çon edhe më afër arritjes së dobive. Kjo është çështje shprese pasi BE vazhdimisht ka inovacione. Ky plan i rritjes dallon nga ofertat e tjera që ishin. Ky thotë ta përfundojmë pjesën praktike. Çdo shtet duhet ta bëjë punën praktike kur qytetarët ta ndiejnë leverdinë. Këtu flasim për liritë. Lirinë e tregut të vetëm që i lejon njerëzve, mallrave dhe shërbimeve që të lëvizin lirshëm dhe kjo po ndodh. Ndodh në dhe jashtë shoqërive dhe andaj e kemi këtë qasje. SHBA- të, siç thashë, e mbështetin idenë. Ne kemi shpenzuar rreth 200 mln dollarë ndihmë për këtë rajon dhe do të mbetemi të përkushtuar në këtë. Tani jemi fokusuar në atë që vendin ta përfshijmë në tregun e vetëm”, - theksoi ai.